Maatiyoosi 2:2 - Kafa Linguistics Project

² “Katinoon shiijjeti Ayihudeenaꞌochi taatoo aabiichiye? Bi xojjenoon aabi-keyoochaa beeggaꞌa, biich goyinneya waato noone” iyeete.

Maatiyoosi 2:2 ပူးပေါင်းရင်းမြစ်များ

Shoddo 2:6

“Yaafee ta geppoo Tsiyooni toommoochaa ta kaacceti taatoon ukkiriito taane” gettemmone.

Shoddo 45:11

Taatoo ne malletoon shunnitone; ne doono bi tunetoyich biin oogiibe.

Isiyaasi 60:3

Aageteenaꞌo ne bekkooch, taateenaꞌo ne haree gaargaarooch woyemminaꞌone.

Erimiyaasi 23:5

Doono Yeeri ishichiye: “Daawitichi gumboochee cadiqo tuneton taatoo bi tunemmoyich, ta kaaccemmi yemeeno woyemmone; ebi taatoo ariyoona qeejjemmone; showee toommooch dayinnetoonaa cadiqoona tuneti mooyon tuniyemmone.

Erimiyaasi 30:9

Tunebaani boonoshi Nuggishoo Doono Yeerinaa boonoshich ta tiijjiti boonoshi taatoo Daawitinoyich maddemminaꞌone.

Zakaariyaasi 9:9

Tsiyooni asheenaꞌote, oogichi emiribote! Yerusaalemi asheenaꞌote, ililibote! Ittoshi taatoo, cadiqoonaa kochii wochechona gaꞌi deꞌo tunee, kuroon yebbee, kureechi bushoon yebbee, ebiyoche, ittoshi waan waa beetone.

Haddoo 24:17

“Biin beeggaabeete; tunebaani and toonoone; biin ciinnaabeete; tunebaani katinoon toonoone; Yaaqob waanee xojjeno kechemmone; Israꞌeeleenaꞌo daggoochee taatittinee gumbo kechemmone; Moꞌabeenaꞌochi qelloon gaakkemmone; Seeti bushiisheenaꞌochi qelli koofon kophemmone;

Maatiyoosi 2:3

Taatoo Heroodisi ishin waayeꞌi keqqiye; wotta Yerusaalem beetinaꞌo bulliyoo keqqiyeete.

Maatiyoosi 27:11

Arooba Yesuusi Yihudee iraashoo aafooch neexehe; Yihudee iraashoo “Ne Ayihudeenaꞌochi taatoo neene?” iꞌi echehe. Yesuusi wochiꞌi, “Newolla gettaa beetine” iye.

Luqaasi 19:38

“Doono Yeerichi shigoona waabeeti taatoo diireebe! Shimaayooch diggoo, shimaajji shimaayooch beeti Yeerich oogee yiiroo, tunebe!” ii beeheete.

Luqaasi 2:11

Hanaach Daawiti Katemooch Wodiyecho ittoshich shiijjetone; biyoo Kiristoosi getteeti Doonone.

Luqaasi 23:3

Phelaaxoosiyoo Yesuusin “Ne Ayihudeenaꞌo taatoo neene?” iꞌi echehe. Yesuusi wochiꞌi, “Newolla gettaa beetine” iye.

Luqaasi 23:38

Wotta “Hini Ayihudeenaꞌochi Taatoone” ii beeto kooraa biyee tookk xogeetone.

Yowannisi 1:49

Naatinaꞌeeli wochiꞌi, “Dojjechocho, ne Yeerichi Bushoo neene! Ne Israꞌeelee taatoo neene!” iye.

Yowannisi 12:13

yeebbee waamon dappii yechii Yesuusin giijjiya kechiꞌi, “Hosaana! Doonochi shigoona waabeeti Israꞌeelee taatoo diireebe!” iibee cookeeheete.

Yowannisi 18:37

Phelaaxoosi “Ishigaata, taatoo neene?” iye. Yesuusi wochiꞌi, “Taatoo ta tunoon newolla gettaa beetine. Ta, ibereechon miixeya ebich shiijjeto taane, alemoochoo waato taane. Iberoochee tuneto bulli ta qaaroon waayemmone” iye.

Yowannisi 19:19

Phelaaxoosi wotta “Naazireetechi Yesuusi, Ayihudeenaꞌochi Taatoo” ii beeton kooriiꞌi masqalee toommooch xogiihe.

Yowannisi 20:28

Toomaasi “Ta Doonocho, ta Nuggishoocho!” iꞌi wochiye.

Yowannisi 9:38

Biyoo “Ta Doonocho, ta mulloon ne toommooch tooꞌiito taane” iꞌi biich goyinnehe.

Hibireena'o 1:6

Wotta Yeeri qaabbe bi Bushoon hini alemooch wochee bi deejjiyooba, “Yeerichi maraakeenaꞌo bulla biich goyinnebeete” iye.

Yaaꞌoo 22:16

“Ta Yesuusi kittinnee guuphinaꞌo tuneti ittoshich ebi bullin bi gettemmoyich ta maraakoon wocheto taane. Daawitichi colloonaa yaroona taane; aaxxeebeeti haree xojjenoommo taane” iye.