Maatiyoosi 2:11 - Kafa Linguistics Project

¹¹ Are kexooch giyiꞌi bi indee Maariyamina tookkii beeti gaggere bushoon beeggiyeete. Yittiꞌinoo biich goyinneheete; boonoshi saaxenoon qechiꞌi aachoon, ixaanoonaa hareboonon kichii immiyeete.

Maatiyoosi 2:11 ပူးပေါင်းရင်းမြစ်များ

Halloo 43:11

Arooba boonoshi nihoo Israꞌeeli boonoshich ishichiye: “Mooyo ebi tunegaata, ebin tuniibote; hini showooch daneebeeti, beshe gaawe mooyoochee giisheche huuteebeeti attoon, giisheche eeyon, shittoon, hareboonaa hini showooch daneebeeti michi aafoonoochee ittoshi mollexxooch gedote. Mattaayoon tuniiree are uroyich daami imbote.

1 Taateenaꞌo 10:10

Aroochee taatoyich awudde hume kiilo giraam bede aachoon, dofee qimaamoonaa aaxxe xaqqoonon immahan. Sheebee taatee, taatoo Solomoonich immetoommi dofee qimaamo aroyee gubb ciroona waataanoone.

1 Taateenaꞌo 10:2

Meeti deennechon dabbiyaꞌa, qimaamoon, wodde aachoonaa aaxxe xaqqoonon gaaleenaꞌooch xaaniyaꞌa, Yerusaalem waahan. Solomoon waan giyaꞌa, bi mullooch beeti echo bullin biin echahan.

Shoddo 2:12

Bi ippeyaachemmoyich, gommoochaanoo ittoshi aalleyaachemmoyich, qewebee biich goyinnebote. Ebiyoo bi kaaree shiixxoo kaate bi aaxxeyaachemmoyichiye. Bi shoobooch giyito bulli diireetone.

Shoddo 45:8

Ne taho bulliich, hareboo, ereetoonaa birguudoona cinnee beetone; dangeyi gashoona macecikkeeti ne taatee kexoochaa shoddee qiiceenaꞌo ne emiremmoyich tuniiheete.

Shoddo 72:10

Tarisheshinaa buure showeenaꞌonochi taateenaꞌo biich gibiroon qoceete; Sheebinaa Arabinochi taateenaꞌo wojjoon deebeete.

Shoddo 72:15

Taatoo meeti yemeenoon beebe; Sheebee aachoo biich ichebe. Bulli aaboon corooto biich corooteebe; heeyo bullin Yeerichi diiroo biich tunebe.

Shoddo 95:6

Ittoshi waataa yitiree biich goyinnebone; noon halliti Doono Yeeri aafooch gutenebone.

Keyo 30:23

“Beshe gaawe cinnechi qimaameenaꞌon, eboshiyoo, uuche balle sheqeelee nagaani hareboon, gutte ballaa aache sheqeelee gaawe cinnechi qarefoon, gutte ballaa aache sheqeelee gaawe cinnechi toochoonaa

Keyo 30:34

Doono Yeeri Muusich ishichiye: “Tachaa bacceeti gaawe cinnechi qimaameenaꞌon, eboshiyoo, mixoochee cottiibeeti shittoon, woongee (yaahee) daggoochee daneebeeti shittoon, macwollaggoon shaahiibeeti mixoochee kechiibeeti shittoonaa xalle ixaanoonon daamiree,

Solomooni 3:6

Hareboonaa ixaanoona, giixechinaꞌochi cinnechi qimaamo bullina qanniti shittoona cinneebee, cufee duulloochoommon duulliibee, barahoochee waabeeto amoone?

Isiyaasi 60:6

Miidiyaminaa Efaahinoochee waati, bushe dofee gaaleenaꞌo ne showooch ceennemminaꞌone; bulliyona Sheebee woyemminaꞌone; aachoonaa ixaanoonon deebemminaꞌone; Doono Yeerichi galletoon awaajjemminaꞌone.

Leweenaꞌo 6:15

Qeeshoo qacini buddinoonaa zayitoonoochee ixaano bullina tookki ikke ushon tiijjibe; Doono Yeeri taach gaawe cinnoon cinneebeeti deejjoon tuniiree shalligichoyich deejjee gudee toommoochaa michibe.

Milikiyaasi 1:11

“Aabi keyoochee aabi gimooch beddaahaa beeti aageteenaꞌo ta shigoon oogii beetinaꞌone. Bulli xaaꞌoochaa ta shigoyich ixaanoon shookkiibee xalle deejjoon taach giddii beetinaꞌone. Boonoshi bulliyoo ta shigoon oogii beetinaꞌone” iye Beshe Mawe Doono Yeeri.

Haddoo 7:14

ixaano ceenniti, aashire sheqeelee aachoochee shuuneeti ikke shaatoo,

Haddoo 7:86

Ixaano ceenniti, aaraa gutte aachee shaatoo bi ikkikkoona yaafee kechi machoona aashiri aashire sheqeeloone; aachee qiico bulli yaafee kechi machoona qocaa balli hiye sheqeeloone.

Maatiyoosi 1:18

Yesuus Kiristoosi shiijjo ebine: Bi indee Maariyami Yooseefich maakkeechaa shaakkeyaan beebee, Yaafe Ayaanoona yeqqefehan; bi yeqqefoo arichehe.

Maatiyoosi 12:46

Ebiyee gubb, Yesuusi dofee asheenaꞌoyich getooch bi beetaa, bi indeenaa bi maneenaꞌona biinna daneya qaawiꞌi maaxooch neexeheete.

Maatiyoosi 14:33

Markabee toommooch beetinaꞌo “Iberoon Yeerichi Bushoo neene” iꞌi Yesuusich yittii goyinneheete.

Maatiyoosi 2:2

“Katinoon shiijjeti Ayihudeenaꞌochi taatoo aabiichiye? Bi xojjenoon aabi-keyoochaa beeggaꞌa, biich goyinneya waato noone” iyeete.

Luqaasi 2:16

Ebina qiddeenaꞌo bekkech tiyii afaafinoona hammiꞌi Maariyaminaa Yooseefinon, yegillooch tokketee beeti gaggeroonoo daneheete.

Luqaasi 2:38

Bekkech areegaata Yooseefinaa Maariyamina waan waaꞌa Yeerin galletahan; aroochee Yeeri Yerusaalem beeti asheenaꞌon xuuxoochee biisheree bi wodiyemmi aaboon quyee beetinaꞌo bullich are gaggere bushoochi mooyon gettahan.

Yowannisi 19:39

Wotta ebiyee aaf xumoona Yesuus waan waati Niqoodimoosi shaashaa awudde kiilo giraam bede hareboonaa ereetoonon yechiꞌi waahe.

Yaaꞌoo 19:10

Hini are maraakoyich goyinneya bi baatooch dihiyo; tunebaani aroo “Neen ariibe! Eechiyaahine! Neechoommon, Yesuusi miixeti iberoon yechiti ne maneenaꞌochoommonoo Yeerichi guuno taane; Yeerich baachiye ne goyinnemmo. Yesuusi miixeti iberoo Yeerichi wochoon boonoshi gettemmoyich asheenaꞌon shuurikkii beeti ayaanoone” iye.

Yaaꞌoo 5:8

Macaafoon bi daammimmona, kashechi awudde halleenaꞌonaa hiyaa awudde geeneenaꞌona Bago aafooch baroona guufeheete. Boonoshi ikkikkoona ximboonaa yaafeenaꞌochi corootee malletoo tuneti ixaano ceenniti, aachoochee shuuneeti qiicoonon yechiꞌi,

1 Saameeli 10:27

Tunebaani ikkikke gonde asheenaꞌo “Hini uro aabichireeshiye noon bi wodiyemmo?” iꞌi biin qallayiyeete; biich wojjoon immemmon qajjiyeete. Tunebaani Saaꞌooli cikkii qajjiye.