Maatiyoosi 2:1 - Kafa Linguistics Project

¹ Heroodisi Yihudee showooch taateꞌi bi beetaa, are showooch beeti Beetilehemi katemooch Yesuusi shiijjehe. Arooba xojjenee hiddechinaꞌo aabi-keyoochee Yerusaalem waaꞌi,

Maatiyoosi 2:1 ပူးပေါင်းရင်းမြစ်များ

Halloo 10:30

Boonoshi yechiti xaaꞌoo Meeshee tiijjiꞌi, Sefaara daammiibeeti, aabi-keyo waan beeti geppe showooch beddaahaane.

Halloo 25:6

Bare maacheenaꞌo waanee shiijjeti bi bushiishoyichoo batt kashoona beebee wojjoon immiꞌi, Yisaaqiyee wohiree boonoshi beeyemmoyich, aabi-keyo waan beeti showooch daachiihe.

Halloo 41:8

Bi dechara Farooni oogeton keqqii xuuxehe. Ebich Gibitsee showoo bulliich beeti kaayechinaꞌonaa yiiteenaꞌo bullinon ceekkiiꞌi, bi gummiti gumon boonoshich maacciye; tunebaani ebi gumon biisho hakkito koniyoona aallehe.

Halloo 49:10

Taatittinee gumbo biicho tuneto waammi wottoon, aageteenaꞌon hajjemmo waammi wottoon, taatittinee gumbo Yihudichi kishoochee keyaachemmone; taatittinee gumboon bi shiijjereenaꞌo yeshiree taatemminaꞌone.

1 Taateenaꞌo 4:30

Solomoonichi ariyoo aabi-keyo waan beeti asheenaꞌo bullichi ariyoonaa Gibitsee asheenaꞌo bullichi ariyoonoyee beshitone.

1 Kiinoo 2:51

Bi guttinnee bushoo Beetilehemi katemoon shuuneti Salimaahine. Bi keejjinnee bushoo Beet Gadeeri katemoon shuuneti Hareefine.

Iyoobi 1:3

Biichoo shabaatte hume bago, keejje hume gaalee, uuche balle kashee gattoonaa uuche balle maache kureenaꞌona beetinaꞌone; wotta meeti guuninaꞌo biich beetinaꞌone. Aabi-keyo waan beeti asheenaꞌoyee beshoon oogeti gaannechi uroone.

Isiyaasi 11:10

Arooba Iseyichi yaroo aageteenaꞌoyich malletoon tuneree neexemmone; aageteenaꞌo biin qaawemminaꞌone; bi beeyemmi xaaꞌoo oogechi xaaꞌoo tunemmone.

Mikiyaasi 5:2

Doono Yeeri ishichiye: “Beetilehem Efiraati katemeene, Yihudee showooch beeti gishiishi katemeenaꞌoochee ikke ne tunetaanoona, wonnee wonneecho, wohi yemeeneexo tuneti, Israꞌeelee showoon qeejjemmi woraaferashoo ne waanee taach kechemmone” iye.

Maatiyoosi 1:25

Bi qaabbe bushoon bi shiyemmi wottoon, bi achooch shagaanoone. Yooseefiyoo shiijjeti bushoon Yesuusi iꞌi shigiihe.

Maatiyoosi 2:16

Heroodisi xojjenee hiddechinaꞌo biin dawushoon ariiꞌi oogichii kaarehe; xojjenee hiddechinaꞌon manjii bi echee waayeti aaboon shalligiꞌi, bi ginechinaꞌon daachii Beetilehemi katemoonaa bi katinoonooch shiijjeti gutte natonaa gutte natoyee deshina tuneti gaggere anaami bushiisheenaꞌon wuxiihe.

Maatiyoosi 2:19

Heroodisi qititoyee gubb, Doonochi maraakoo Gibitsaa gumona Yooseefina daneꞌi,

Maatiyoosi 2:3

Taatoo Heroodisi ishin waayeꞌi keqqiye; wotta Yerusaalem beetinaꞌo bulliyoo keqqiyeete.

Maatiyoosi 2:5

Boonoshiyoo ishichiyeete: “Yihudee showooch beeti Beetilehemiye; ‘Hini Yihudee showooch beeti Beetilehemi asheenaꞌote, ta macceenaꞌo tuneti Israꞌeeleenaꞌon quyemmi woraaferashoo ittoshi daggoochee kechemmone; ebich Yihudee showooch beeti katemeenaꞌoyee ittoshi katemoo cir shappaachemmone’ iꞌi Yeeri gettiton keemecho kooritone” iyeete.

Maatiyoosi 2:7

Ebiyee gubb, Heroodisi xojjenee hiddechinaꞌon aashoona ceekkiiꞌi xojjeno bekketi aaboon boonoshi waanee manjii echee waayehe.

Luqaasi 1:5

Yihudee taatoo Heroodisi taatee beehooba, Yeerich maddeebeeti Abiyi guuphi daggooch Zakaariyaasi getteebeeti ikke qeeshoo beehe; bi mechee Haroonichi yareene; bi shigoo Elsabeexi getteehe.

Luqaasi 2:11

Hanaach Daawiti Katemooch Wodiyecho ittoshich shiijjetone; biyoo Kiristoosi getteeti Doonone.

Luqaasi 2:15

Hini are maraakeenaꞌo qiddeenaꞌo waanee shimaayooch boonoshi hammiichaa, qiddeenaꞌo boonoshinaa boonoshina “Eke illa Beetilehem beddaahaa hambone; Doono nooch arichiiti hini tuneti mooyon beegone” iyeete.

Yowannisi 7:42

Yaafe Macaafoochaa ‘Kiristoosi taatoo Daawiti yaroochee, Daawiti beebee echeti katemoo Beetilehemee kechemmone’ getteyaache?” iyeete.

Woraaferasheenaꞌo 17:7

Yihudee showooch, Yihudee yoodee asheenaꞌona tookkii Beetilehemi katemooch koteti ikke gurimaashe Lewee asho beehe.