Maatiyoosi 19:9 - Kafa Linguistics Project

⁹ Tunebaani ta iberoon ittoshich gettoye: Shunimaaye tuneyaani bi mecheen gawukkiꞌi bareen shaaggiibeeto bulli shunoon maatone” iye.

Maatiyoosi 19:9 ပူးပေါင်းရင်းမြစ်များ

Halloo 20:3

Ikke xumoon Yeeri gumona daneꞌi, Abimeleekich ishichiye: “Waayebe; ebi ne daammeti ure kenechine; qitito neene” iye.

2 Kiinoo 21:11

Wottoo Yihudee showeexi geppeenaꞌooch goyinnee xaaꞌeenaꞌon shuuneꞌi, Yerusaalemi asheenaꞌo Doono Yeerich boonoshi gibeneyaachemmoyich, Yihudee asheenaꞌoo muriccemmoyichoo tuniihe.

Erimiyaasi 3:1

“Ikke asho bi mecheen bi gawukkaa, areyoo bi waanee hammaa bare kenoon bi shaagigaata, biin wochi deebi shaaggehe? Showoo ciroona eeꞌeyaachehe? Ne, meetinaꞌona tookkii shunoon maabee echaꞌa, and ta waan wottoon qaawii beetine?” iye Doono Yeeri.

Erimiyaasi 3:8

Ebi bi shunee mamo bullich biichi koorichoon immaꞌa, gibeneyaani Israꞌeelin ta biishon kootechi Yihudi beeggetine; ebi bi manee Yihudi shataaneene; areyoo hammaꞌa shunoo maahane.

Hiziqeeli 16:15

“ ‘Tunebaani ne, ne malletoonaa aricheti ne tunoonon gibenaꞌa gommo beshina tookkii shunee mamooch giyehine.

Hiziqeeli 16:29

Giixee showoo Baabloon beddaahaa woddii yahihine; ebinoo tooꞌaanee neene.

Hiziqeeli 16:8

“ ‘Wochinnoon ne gaꞌoona beshaabee neen ciinnaꞌa, shaakkeya ne bedon beeggeho; tawoo ta tahoon ne toommooch yaggii, ne achoon qeriyoye; wogaa neenna tookkii wogoon giyaꞌa neen taachi tuniihoye, iye Nuggishoo Doono Yeeri.

Maatiyoosi 19:10

Bi dabbeenaꞌo “Mecheenaa kenoonochi mooyo ebi tunegaata, shaagi qayo gaawiye” iyeete.

Maatiyoosi 19:8

Yesuusi wochiꞌi ishichiye: “Muusi mecheen ittoshi gawukkemmoyich bi daaggito ittoshi mullee muumoon beeggiꞌinalli wonna ebi aalloone.

Maatiyoosi 5:32

Tunebaani and ta waanee waayebote! Shunimaaye tuneyaani bi mecheen gawukkiibeeto bulli shunimaaye bi tunemmoyich tuniitone; gawukkeetinoo shaaggiibeeto shunoon maatone” iye.

Luqaasi 16:18

“Wotta bi mecheen gawukkiꞌi bareen shaaggiibeeto bulli, shunoon maatone; bi keno waanee gawukkeetin shaaggiibeeto shunoon maatone” iye.

1 Qorontoosi 5:1

Ittoshi daggooch shunee mamo beemo waayee beetone; ebiyoo bi nihoochi mecheen shaaggiti asho beemone. Ebiyoommi yeelliibeeti mooyo Yeerich goyinneyaani asheenaꞌo daggoocholla aalloone.

1 Qorontoosi 7:39

Kenechi maachee bi keno kashoona bi beemmi wottoon, shaagee samaanoona cuchetine; tunebaani bi keno qitigaata, bi mulloon Doono Yesuusi toommooch tooꞌiiti kittinnoon baach tunebaani, bi shunneton shaago biich daaggeetone.

1 Qorontoosi 7:4

Mechee bi ashittinoon ta hajjoone gettaayuye; bi ashittino bi kenoochone. Kenoo ebiyoommon wotta bi ashittinoon ta hajjoone gettaaye; bi ashittino bi mechechone.