Maatiyoosi 19:4 - Kafa Linguistics Project

⁴ Yesuusi wochiꞌi ishichiye: “Yeeri shiichiꞌi ashoon anaamonaa maacheenon tuniiꞌi halliye.

Maatiyoosi 19:4 ပူးပေါင်းရင်းမြစ်များ

Halloo 1:27

Ebich Yeeri ashoon bi malletoona halliye; biin shaahoonoo tuniiꞌi halliye; anaamonaa maacheenon tuniiꞌinoo halliye.

Halloo 2:18

Aroyee gubb Nuggishoo Doono Yeeri “Asho bi ikkeeton beemo gaaweto toonoone; biich mashaamemmi gaachoon hallemmo taane” iye.

Halloo 2:23

Arooba Addaami ishichiye: “And hini shaawushe ta shaawushoocheeniye; hini meenoo ta meenoocheeniye; biyoo asho waanee bi danetoyich, ashe getteebu” iye.

Halloo 5:2

Anaamonaa maacheenon tuniiꞌi halliye. Boonoshinoo diiriye; “asho” iinoo boonoshin shigiihe.

2 Kiinoo 24:3

Yoyaadiyoo gutte mecheen bi shaaggemmoyich tuniihe; biyoo maache bushiishoonaa anaami bushiishoonon shiyihe.

Milikiyaasi 2:15

Yeeri neennaa biinnon ikke meenonaa ikke ayaanoonon tuniyaanoone? Ebin bi tuniito amoyichiye? Ebin bi tuniito, biin shattiibeeti bushiishoon ittoshi shiyemmoyichiye. Ebich ittoshi qelloon quyebote. Koniyoona bi bushittinee mecheyich bi giyiti wogoon biichaaye.

Maatiyoosi 12:3

Yesuusi boonoshich ishichiye: “Daawitinaa biinna tookkii beetinaꞌona boonoshi shaacehooba Daawiti tuniiton shemmeyaachote?

Maatiyoosi 21:42

Yesuusi boonoshich ishichiye: “ ‘Gimbenyeenaꞌo hoxee duppiti xaqqo, aroo kexon deggii neechiti giimbee guummon tunetone. Ebinoo Doono Yeeri tuniitone; hini mooyo no beeggich worganikkito tunetone’ ii beeton Yaafe Macaafoochee cir shemmeyaachote?

Maatiyoosi 21:6

Aroochee gutte bi dabbeenaꞌo hammiꞌi Yesuusi gettitoommon tuniiheete;

Maatiyoosi 22:31

Wotta qititinaꞌo timichon Yeeri ittoshich gettiton cir shemmeyaachote?

Maariqoosi 12:10

“Illa ‘Gimbenyeenaꞌo hoxee duppiti xaqqo, aroo kexon deggii neechiibeeti giimbee guummon tunetone. Ebinoo Doono Yeeri tuniitone; hini mooyo no beeggich worganikkito tunetone’ ii beeton Yaafe Macaafoochee shemmeyaachote?” iye.

Maariqoosi 12:26

Qititinaꞌochi timon, Yeeri tushee qaaqqee daggoochaa Muusich amoon bi gettito gaata, Muusi kooriti macaafoochee shemmeyaachote? Ebiyoo ‘Ta Abrahamichi Nuggishoo, Yisaaqichi Nuggishoo, Yaaqobichi Nuggishoo taane’ ii beetone.

Maariqoosi 2:25

Yesuusiyoo “Daawitinaa biinna tookkii beetinaꞌona shaaceꞌi iriteetaa, Daawiti aabichii bi ito gaata shemmeyaachote?

Luqaasi 10:26

Yesuusiyoo “Muusichi Sheeree Macaafooch kooreeto amoone? Aroochee amooniye ne ciinnaabeeto?” iye.

Luqaasi 6:3

Yesuusiyoo boonoshich wochiꞌi ishichiye: “Daawitinaa biinna tookkii beetinaꞌona boonoshi shaacehooba, Daawiti tuniiton shemmeyaachote?