Maatiyoosi 19:23 - Kafa Linguistics Project

²³ Aree hillooch Yesuusi bi dabbeenaꞌoyich ishichiye: “Iberoon ittoshich gettoye: Gaannechoyich shimaajji taatittineech gimo am shaahe maggoone!

Maatiyoosi 19:23 ပူးပေါင်းရင်းမြစ်များ

Shaahiyoo 11:28

Bi gaannoon gibeneebeeto oojjemmone; tunebaani cadiqo mocee waamochoommon waarwaariyemmone.

Maatiyoosi 13:22

Ebiyoommon angichi xuppo beeti showooch holliti yaroon shaahii beetinaꞌo, Yeerichi qaaroon boonoshi waayetaa, hini showeexi beemon gaboonaa gijjee shaawona dacheyoona boonoshi mullooch naaxiꞌi boonoshi waayeti qaaroon maa beetone; ebichi naboona aafeyaanoon dobberee echemminaꞌone.

Maatiyoosi 18:3

Boonoshichoo ishichiye: “Iberoon ittoshich gettoye, wotto ittoshi qayigaata, gishiishi bushiishoommonoo tuno ittoshi qayigaata, shimaajji taatittineech cir giyaachemmo ittoshine.

Maatiyoosi 19:22

Tunetaa are gurimaashoo wodde gijjoo biich beeto bi tunetoyich, ebin waayeꞌi tiyii ayiniibee wotteꞌi hammiye.

Maatiyoosi 21:31

“Gutteenaꞌoochee bi nihoochi wochoon waayeto aabine?” iye. Boonoshiyoo wochiꞌi, “Shiichii bi wochetone” iyeete. Boonoshich Yesuusi ishichiye: “Iberoon ittoshich gettoye: Gabiyee guudeenaꞌonaa yahechinaꞌona Yeerichi taatittineech ittoshiyee shiichiree giyemminaꞌone.

Maatiyoosi 5:20

Andoo ellebote! Ittoshi cadiqittino Muusichi Sheeree dojjechinaꞌonaa Fariseenaꞌonochi cadiqittinoyee beshoo bi qayigaata, shimaajji taatittineech ciroona giyaachemmo ittoshine” iye.

Maariqoosi 10:23

Aree hillooch Yesuusi guuddii wottee ciinniꞌi bi dabbeenaꞌoyich “Gaannechinaꞌoyich Yeerichi taatittineech gimo am shaahe maggoone!” iye.

Luqaasi 18:24

Yesuusiyoo oogichii bi ayinoon beeggiꞌi, “Gaannechinaꞌoyich Yeerichi taatittineech gimo am shaahe maggoone!

Yowannisi 3:3

Yesuusiyoo wochiꞌi, “Iberoon neech gettoye: Koniyoona bi tunetaa, guttinnoon bi shiijjo qayigaata, Yeerichi taatittineen beegon hakkaachemmone” iye.

Yowannisi 3:5

Yesuusiyoo wochiꞌi ishichiye: “Iberoon neech gettoye: Koniyoona bi tunetaa, aaconaa Ayaanoonoochee shiijjo bi qayigaata, Yeerichi taatittineech gimon hakkaachemmone.

1 Qorontoosi 1:26

Ta maneenaꞌote! Yeeri ittoshin bi ceegiyooba, am shaahe asho ittoshi gaata, eke shalligibote. Ittoshi daggoochee meetinaꞌo hini alemeexi ashi shalligoommi shalligechinaꞌo tooneenaꞌone; ittoshi daggoochee meetinaꞌo hini showeexi ashi giidoommi giidechinaꞌo tooneenaꞌone; ittoshi daggoochee meetinaꞌo hini showeexi ashi gaboochaa ogooge ashi yareenaꞌo tooneenaꞌone.

Yaaqobi 2:6

Tunebaani ittoshi girechinaꞌon coonehote. Ittoshin xuqqii beetinaꞌo gaannechinaꞌo tooneenaꞌone? Nallee gabberee aafooch ittoshin geechii beetinaꞌo boonoshi tooneenaꞌone?