Maatiyoosi 18:9 - Kafa Linguistics Project

⁹ Wotta ne aafo axaaxoo ne shuunemmoyich naboo bi tunegaata, kichiree dufe. Gutte aafoona beebee shiweree qaaqqooch ne duppeyoyee ikke aafoona beebee kashee kexooch giyiꞌi beemo neech gaawiye” iye.

Maatiyoosi 18:9 ပူးပေါင်းရင်းမြစ်များ

Maatiyoosi 16:26

Wotta asho showee toommooch beeto bullin biicho tuniichii bi kasheen bi muccegaata, amoon biich hallehe? Asho bi kasheen wochiꞌi danoyich amoon qoco hakkehe?

Maatiyoosi 18:8

Illa ne kishoo woyee ne baatoo axaaxoo ne shuunemmoyich naboo bi tunegaata, kuxiree dufe. Gutte kishoona woyee gutte baatoona beebee, bulli yemeenoon tahaani shiweree qaaqqooch ne duppeyoyee, baata kuxo woyee kisha duroo tuneechii kashee kexooch giyiꞌi beemo neech gaawiye.

Maatiyoosi 19:17

Yesuusi wochiꞌi, “Deꞌe mooyichon amoyich taan echaa beetine? Deꞌo tuneto ikkeeti Yeeri baachiye. Bulli yemeenee kashoon danoon ne qaawigaata, Muusichi Sheeroo gettiton ceechibe” iye.

Maatiyoosi 5:22

Tunebaani and ta waanee waayebote! Bi manoon kaareebeeto bulli nallee gabberooch giddemmone; bi manoon ‘Ulloocho!’ iꞌi naaggimmo bulli nallee iitee aafoochaa bi toommooch nalleyemmone; ‘Mullaalli ongoocho!’ iꞌi naaggimmo bulli ‘Shiweree qaaqqooch duppebe’ getaa bi toommooch nalleyemmone.

Maatiyoosi 5:29

Ebich ne qanne aafo axaaxoo ne shuunemmoyich naboo bi tunegaata, kichiree dufe. Ne ashittino bulli shiweree qaaqqooch bi duppeyoyee ne ashittinoochee ikkoo shappi gaata gaawiye.

Maariqoosi 9:47

Wotta ne aafo axaaxoo ne shuunemmoyich naboo bi tunegaata, kichiree dufe. Gutte aafoona beebee, ashi meenon maabeeti hipperoo qitaani, aaxxo tahaani shiweree qaaqqooch ne duppeyoyee, ikke aafoona beebee kashee kexooch giyiꞌi beemo neech gaawiye.

Hibireena'o 4:11

Illa ebi areenaꞌo deꞌa boonoshi getti qayi naboona boonoshi dihitoommon koniyoona bi dihaachemmoyich, Yeeri nooch bi immemmi kashee xaaꞌooch gimoyich kupphebone.

Yaaꞌoo 21:27

Bagoochi kashee macaafooch boonoshi shigo kooreetinaꞌoyee beshetaa, amee eeꞌe mooyo tuneba tiyaariibeeti mooyon shuuneebeeto woyee kootoon koottiibeeti asho hini are katemeech ciroona giyaachemmone.