Maatiyoosi 18:13 - Kafa Linguistics Project

¹³ Iberoon ittoshich gettoye: Bi danegaata, aalleyaani yixenaa yiixiyeenaꞌoyee aalleꞌi daneti bagoyich oogichi emiremmone.

Maatiyoosi 18:13 ပူးပေါင်းရင်းမြစ်များ

Shoddo 147:11

Tunebaani Doono Yeeri emiriibeeto, biin shattii beetinaꞌona, bi shoodoon gibenee beetinaꞌonane.

Isiyaasi 53:11

Cadiqe ta guuno, bi kashe xuuxetoyee gubb, kasheechi bekkoon beegiree emiremmone; bi ariyoona meetinaꞌon cadiqiyemmone; boonoshi xuꞌoonoo shaaggemmone.

Isiyaasi 62:5

Gurimaashoo gidiideen shaaggiꞌi bi daamoommon, ne bushiisheenaꞌo ne showoon hajjemminaꞌone; woꞌee keno woꞌeena bi emiroommon ne Nuggishoo neenna emiremmone.

Hiziqeeli 34:4

Nireton kupphiyaano ittoshine; biiyeton attee wodiyaano ittoshine; tiisheton sheppheyaano ittoshine; yallyallimiton wochaano ittoshine; aalleton qaawaano ittoshine; giidoona, mullee manjoonoo neexxii hajjiyote.

Mikiyaasi 7:18

Curo tuneꞌi echeti bi asheenaꞌochi axaaxoon maariibeeti, boonoshi xuqqiti xuꞌoonoo shaaddeebeeti, neenoommi Nuggishoo halla konine? Shoodecho ne tunetoyich, ne kaaroon bulli yemeenoon yagiyaachine.

Sofoniyaasi 3:17

Ittoshi Nuggishoo Doono Yeeri ittoshina tookkii beetone; bi immiibeeti giidoona wudoon danemmo ittoshine. Biyoo ittoshina oogichi emiremmone; bi shunoona ittoshi kashoon andiriyemmone. Asheenaꞌo baaroon baariibee emiroommon, ittoshina oogichi emiriree shoddemmone” getteyemmone. Doono Yeeri ishichiye: “Ittoshi duꞌoon ittoshi waanee wokkiyemmo taane; ebiyee damba ittoshin yeelliyemmi mooyo beetaachemmone.

Maatiyoosi 18:12

“Eke ittoshich amoon shaahii beete? Ikke uroyich balle bago beegaata, aree daggoochee ikke bago aallegaata, echeti yixenaa yiixiyeenaꞌon geppooch dufiichi are aalleton qaawooch hamaachehe?

Maatiyoosi 18:14

Ebiyoommon hini gishiisheenaꞌoochee ikkolla bi aallemmoyich shimaayooch beeti ittoshi Nihoochi daaggoo toonoone” iye.

1 Qorontoosi 13:6

Ibere mooyona emiriyalli, gonde mooyona emiraache.

Yaaqobi 2:13

Yeeri bi nallemmi aabooba ashoon maaraani ashi toommooch maaraalli nalloon nallemmone; maaroo nallee toommooch giidemmone.