Maatiyoosi 18:10 - Kafa Linguistics Project

¹⁰ “Hini gishiisheenaꞌoochee ikkoonolla ittoshi hoxeyaachemmoyich, ittoshi qelloon quyebote. Shimaayooch beeti boonoshi maraakeenaꞌo shimaayooch beeti ta Nihoo aafooch bulli aaboon beetinaꞌone.

Maatiyoosi 18:10 ပူးပေါင်းရင်းမြစ်များ

2 Saameeli 14:28

Abisoloomi ceeni gutte naton taatoona daneyaanoon, Yerusaalem kotehe.

1 Taateenaꞌo 22:19

Aroochee Mikiyaasi ishichiye: “And illa Doono Yeerichi qaaroon waayebe! Doono Yeeri bi taatee qeenooch koteꞌi, shimaajji maraakoo bulliyoo bi gaꞌooch, bi qanninaa bi yoochinooch neexeꞌi beeton beeggoye.

Asteeri 1:14

Eboshiyoo Karisheeni, Shetaari, Adimaati, Tarisheshi, Mereesi, Mariseeninaa Memuukinane. Ebi Faariisinaa Meedinochi showee shabaatte iraasheenaꞌo taatoochi katini asheenaꞌonaa iraasheenaꞌo bulliyee beshe iraasheenaꞌonane.

Shoddo 15:4

Doono Yeeri hoxetinaꞌon qallayiibeeto, tunebaani Doono Yeerin shattii beetinaꞌon oogiibeeto, bi wogeti mooyo bi toommooch iritoon deebemmo bi tunetaanoona, wogeechii shaddaano,

Shoddo 17:15

Tunebaani ta, cadiqittinoona ne aafoon beeggemmo taane; tiyi qaalliree, ne oogee yiiroon beegi michemmo taane.

Shoddo 34:7

Doono Yeerin shattii beetinaꞌochi guudoona bi maraakoo kotemmone; boonoshinoo wodiyemmone.

Shoddo 91:11

Ne gommo bulliichaa neen boonoshi quyemmoyich, bi maraakeenaꞌoyich getiree ne waan deejjemmone.

Zakaariyaasi 13:7

Beshe Mawe Doono Yeeri ishichiye: “Goraadoocho, ta qiddoo toommooch, ta nuuchoo toommooch tibe! Qiddoonoo yexe! Bageenaꞌoo shacemminaꞌone; tawoo ta mochoon gishiisheenaꞌo toommooch tiijjemmo taane.

Zakaariyaasi 4:10

“Giisheche mooyo tuneebeeti aaboon hoxeebeeto konine? Asheenaꞌo tumbin Zerubabeelichi kishooch boonoshi beegiyooba emiremminaꞌone. “Ebi shabaatte ceecheenaꞌo showoo bulliich guuddiibeeti Doono Yeerichi aafeenaꞌone” iye.

Maatiyoosi 1:20

Yooseefi ebin gabii bi beetaa, Doonochi maraakoo gumona daneꞌi biich ishichiye: “Daawitichi bushoo Yooseefo, shaagga ne maakkiiti Maariyami yeqqefeto, Yaafe Ayaanoonane. Ebich shattaahine, shaage.

Maatiyoosi 12:20

kopheeti shombeqoon tiishaachemmone; taha bedditi ceechoonoo takkaachemmone. Ebin bi tuniyemmo, dayinneto wudoon bi danemmoyich bi tuniimmi wottooniye.

Maatiyoosi 18:14

Ebiyoommon hini gishiisheenaꞌoochee ikkolla bi aallemmoyich shimaayooch beeti ittoshi Nihoochi daaggoo toonoone” iye.

Maatiyoosi 18:6

“Wotta boonoshi mulloon ta toommooch tooꞌiiti hini gishiisheenaꞌoochee ikkoyich xugo tunemmo koniyoona, ooge yiikke xaqqoon bi qettooch tifaa baharee gejjooch giyii manjeyoo biich gaawiye.

Maatiyoosi 2:13

Xojjenee hiddechinaꞌo hammitoyee gubb, Doonochi maraakoo gumona daneꞌi, Yooseefin “Heroodisi hini gaggere bushoon wuxiyoyich qaawii beetone; ebich tiyiree gaggeroonaa bi indeenon yeshiree, Gibits maxxebe; neech ta gettemmi wottoon, arooch kotebe” iye.

Maatiyoosi 2:19

Heroodisi qititoyee gubb, Doonochi maraakoo Gibitsaa gumona Yooseefina daneꞌi,

Maatiyoosi 24:31

Arooba ooge tiree qaaroona maraakeenaꞌon wochemmone. Boonoshiyoo hamiree awudde kelloona aabi-keyoochee aabi-gimooch, showee tuggooch beddaahaa Yeeri kaaccitinaꞌon kicemminaꞌone” iye.

Luqaasi 1:19

Maraakoo wochiꞌi, “Ta Yeeri aafooch neexaabeeti Gabreeli taane; neech ta gettemmoyich, hini mishiraachoonoo neech ta bechemmoyich Yeeri taan ne waan wochetone.

Luqaasi 10:16

Ebiyee gubb, Yesuusi bi dabbeenaꞌon “Ittoshichon waayeebeeto, taachon waayee beetone; ittoshin qajjiibeeto, taan qajjii beetone; taanoo qajjiibeeto, taan wocheti Yeerin qajjii beetone” iye.

Luqaasi 16:22

“Ebiyee gubb, are girecho qitiye; maraakeenaꞌo deenniꞌi Abrahamichi sheenooch daammii kotiiheete. Gaannecho wotta qitiꞌi duukkehe.

Mishiraachechinaꞌo 10:3

Ikke areddoon yiixiye saati bedooch Yeerichi maraakoo “Qorinelooso!” iibee bi waan bi giyii beetaa, yaaꞌoon xallayii beeggiye.

Mishiraachechinaꞌo 12:15

Asheenaꞌo “Hini busheene, geyetine” iyeete. Areyoo “Iberooniye ta gettaabeeto” iibee manjii gettahan. “Ishigaata, Pheexiroosichi maraakoone” iyeete.

Mishiraachechinaꞌo 12:23

Taatoo Heroodisi “Oogoo Yeerine” iꞌi Yeerich oogoon imo bi qajjitoyich, bekkech Doonochi maraakoo kindiꞌi, biiyoona biin yexxiye; aroo hippereꞌi qitiye.

Mishiraachechinaꞌo 27:23

Ishichii ta beeto, biicho ta tuneti, biichoo ta maddaabeeti Yeeri deejjiti maraakoo yiichi xum ta gaꞌooch neexeꞌi,

Mishiraachechinaꞌo 5:19

Boonoshi cuchiiti aroobee xum, Doonochi maraakoo cuyee kechi kelleenaꞌon qechii boonoshin maach kichiꞌi,

Roomi 14:10

No bulli Yerichi nallee gabberee aafooch neexemmo noone. Ebich ne manoo toommooch amoyichiye ne nallaabeeto? Newochi wotta ne manoon amoyichiye ne qallayaabeeto?

Roomi 14:21

Meenon mami qayo, woyinee uyoon uyi qayo, bare ashoon xugo tuneree yexi dichemmi mooyon tuniyee qayoo gaawetone.

Roomi 15:1

Ebich Kiristoosichi toommooch mullee tooꞌiyoona kuppheti no, no qelloon emirikkoon qayiichi kuppheyaaneenaꞌochi shaagoon shaago nooch qaawiihe.

1 Qorontoosi 11:22

Ishi amoone? Kechecho ittoshi toone? Ittoshi kexoochaa maa uyaachote? Woyee Yeerichi kittinnee guuphoniye ittoshi hoxeebeeto? Amolla aalli girechinaꞌoniye ittoshi yeelliibeeto? Ittoshin ama getote? Ebi mooyoyich ittoshin galletebote? Cir galleteyaache!

1 Qorontoosi 16:11

koniyoona biin hoxaaye. Maneenaꞌon tookkiree ta waan woyemmo bi tunetoyich, iriteyaanoon bi woyemmoyich deenote.

1 Qorontoosi 9:22

Kiristoosi toommooch mullee tooꞌiyoona kuppheyaaneenaꞌon kupphiyoyicha iyaꞌa boonoshina tookkaa beebee boonoshichoommon Kiristoosi toommooch mullee tooꞌiyoona kuppheyaani ashoon shaahaꞌa beeho; taach hakkeebeeti gommo bullina ikkikkeenaꞌon wodiyoyicha iyaꞌa asheenaꞌo bullin bulli mooyona boonoshin shaahiyoye.

2 Qorontoosi 10:1

Ta Phawuloosi, ta qelloona ittoshina tookkaa ta beehooba “gaꞌi deꞌo” getteeto, ittoshiyee ta wohiyooba “aaf kuppho” getteeto, Kiristoosichi shiimoonaa ariqqoona ittoshin qollaabeeto taane.

2 Qorontoosi 10:10

Ikkikkeenaꞌo “Phawuloosi kooriibeeti koorichoo maggoonaa giidechonane; tunebaani aroo no waan bi beehooba giidaalloone; bi yibbaatoo qallayeetone” ii beetinaꞌone.

Galaati 6:1

Ta maneenaꞌote! Ittoshi daggoochee ikkoo toommooch amee xuꞌolla bi danegaata, Yaafe Ayaanoona yaabeebeeti ittoshi ebiyoommi ashoon shiimoona kaachibote. Newoo wotta ebiyoommi mooyona geecheeree ne dihaachemmoyich ne qelloon ariibe.

1 Tasaloonqi 4:8

Illa ebi no dojjiti mooyon shixxiibeeti asho, bi shixxiibeeto, ittoshich bi Yaafe Ayaanoon immiibeeti Yeerinalli, ashoon toonoone.

1 Ximootiyoosi 4:12

Koniyoona ne bushittinoon hoxaaye; ne yibbaatoonaa ne qocoona, ashoon ne shunonaa Kiristoosi toommooch ne mullee tooꞌiyoona, ne xallittinoonoo, boonoshi mulloon Kiristoosi toommooch tooꞌii beetinaꞌoyich gaawe shaahiyoon tunebe.

Hibireena'o 1:14

Maraakeenaꞌo bulliyoo Yeeri wodiyemmi asheenaꞌon boonoshi gaachemmoyich wochee beetinaꞌo, Yeerichoo maddeebeeti ayaaneenaꞌo tooneenaꞌone?

Hibireena'o 9:24

Kiristoosi ashi kishoona shuuneeti Yaafe Xaaꞌooch, ebiyoo ibere yaafe xaaꞌeexi shaahiyoona tuneti xaaꞌooch giyaanoone; tunebaani shimaayooch giyiichii, and noocha iꞌi Yeeri aafooch giddetone.

Yaaꞌoo 8:2

Aroochee Yeeri aafooch neexeebeeti shabaatte maraakeenaꞌon beeggeho; shabaatte tiroo boonoshich ichehe.