Maatiyoosi 17:27 - Kafa Linguistics Project

²⁷ Tunebaani boonoshich xugo no tuneyaachemmoyich, baharooch hamiree haashoon yeshe qamaaxiroon baharooch dufe; shiichii ne yecheti haashee kookkoon ne gaxxigaata, gijjoon danemmo neene; aroon daamiree neennaa taannochi gibiroon qoce” iye.

Maatiyoosi 17:27 ပူးပေါင်းရင်းမြစ်များ

Halloo 1:28

Bi hallitoyee gubb, Yeeri boonoshin “Shiijje shiijjerebote; showoona ceenote; showee toommooch beetinaꞌo bullin hajjibote. Haasheenaꞌo toommooch, yoobbereenaꞌo toommooch, showee toommona shaꞌeebeeti halleenaꞌo bulli toommoochoo taatebote” ii diiriye.

1 Taateenaꞌo 17:4

Aacon aroochee uchemmo neene. Kurecheenaꞌoo maayoon neech arooch boonoshi deebemmoyich getteto taane” iye.

Shoddo 8:8

shimaajji gaceenaꞌon, bahareexi haasheenaꞌon, baharee daggoona shiwureebeeto bullin, biich hajjiihine.

Yoonaasi 1:17

Doono Yeeri Yoonaasin ooge haashoo qooxxemmoyich tuniitone. Biyoo haashee maacooch keejje areddoonaa keejje xumoonon beehe.

Yoonaasi 2:10

Aroochee Doono Yeeri haashoyich getaa, Yoonaasin shuuꞌi showooch aapphiye.

Maatiyoosi 17:26

Pheexiroosi “Baree waati asheenaꞌo waaneeniye” iꞌi wochiye. Yesuusi “Ishigaata, kechi bushiisheenaꞌo qoco boonoshich qaawiyaache.

Maatiyoosi 18:6

“Wotta boonoshi mulloon ta toommooch tooꞌiiti hini gishiisheenaꞌoochee ikkoyich xugo tunemmo koniyoona, ooge yiikke xaqqoon bi qettooch tifaa baharee gejjooch giyii manjeyoo biich gaawiye.

Maatiyoosi 18:8

Illa ne kishoo woyee ne baatoo axaaxoo ne shuunemmoyich naboo bi tunegaata, kuxiree dufe. Gutte kishoona woyee gutte baatoona beebee, bulli yemeenoon tahaani shiweree qaaqqooch ne duppeyoyee, baata kuxo woyee kisha duroo tuneechii kashee kexooch giyiꞌi beemo neech gaawiye.

Maatiyoosi 5:29

Ebich ne qanne aafo axaaxoo ne shuunemmoyich naboo bi tunegaata, kichiree dufe. Ne ashittino bulli shiweree qaaqqooch bi duppeyoyee ne ashittinoochee ikkoo shappi gaata gaawiye.

Maatiyoosi 5:30

Ne qanne kishoo axaaxoo ne shuunemmoyich naboo bi tunegaata, kuxiree dufe. Ne ashittino bulli shiweree qaaqqooch duppeyoyee ne ashittinoochee ikkoo shappi gaata gaawiye” iye.

Maariqoosi 9:42

“Wotta boonoshi mulloon ta toommooch tooꞌiiti hini gishiisheenaꞌo daggoochee ikkoyich xugo tunemmo koniyoona, ooge yiikke xaqqoon bi qettooch tifaa baharee gejjooch bi duppeto gaata, biich gaawiye.

Maariqoosi 9:43

Ebich ne kishoo axaaxoo ne shuunemmoyich naboo bi tunegaata, kuxiree dufe. Gutte kishoona beebee [ashi meenon maabeeti hipperoo qitaani,] aaxxo tahaani shiweree qaaqqooch ne gimoyee, kisha kuxo tuneꞌi kashee kexooch giyii beemo neech gaawiye.

Luqaasi 17:2

Are uro hini gishiisheenaꞌo daggoochee ikkoyichona xugo bi tunoyee, ooge yiikke xaqqoon bi qettooch tifaa baharee gejjooch bi duppeto gaata, biich gaawiye.

Yowannisi 6:61

Tunetaa Yesuusi biin dabbitinaꞌo ebi mooyoyich boonoshi guruuxoon bi mulloona ariiꞌi boonoshich ishichiye: “Ebi ittoshich xugoone?

Roomi 14:21

Meenon mami qayo, woyinee uyoon uyi qayo, bare ashoon xugo tuneree yexi dichemmi mooyon tuniyee qayoo gaawetone.

1 Qorontoosi 8:13

Illa ta maabeeti maayo ta manooyich xugo bi tunesho gaata, biin yexi ta dichaachemmoyich, ta maayemmi meeno ta qitimmi wottoon echebe.

1 Qorontoosi 8:9

Tunebaani ebi ittoshi mami aalloo kuppheyaani kittinneenaꞌoyich xugo bi tuneyaachemmoyich, ittoshi qelloon ariibot!

2 Qorontoosi 6:3

Yeerich no maddaabeeti maddoo bare asheenaꞌona bi qoonneyaachemmoyich, ikke mooyona koninolla no tephaachemmoyich no qelloon quyaabeeto noone.

2 Qorontoosi 8:9

No Doono Yesuus Kiristoosichi gaawe wojjoon ariito ittoshine; aroo amoommon gaannecho bi tunetaanoona, bi giroona gaannecho ittoshi tunemmoyich, ittoshicha iꞌi girechon tunehe.

1 Tasaloonqi 5:22

Gonde mooyo bulliichee wohote.

Yaaqobi 2:5

Ta shunnaabeeti ta maneenaꞌote! Ellebote! Kiristoosi toommooch mullee tooꞌiyoona gaannechinaꞌo boonoshi tunemmonaa biin shunnii beetinaꞌoyich bi gibenikkiti taatittinoon boonoshi woraashemmonoyich, Yeeri hini alemeexi girechinaꞌon kaacaanoone?