Maatiyoosi 16:27 - Kafa Linguistics Project

²⁷ Ashi Bushoo bi Nihoochi oogee yiiroona bi maraakeenaꞌona tookki katinoon woyemmone; arooba bullich bi shuuni shuunoommon immemmone.

Maatiyoosi 16:27 ပူးပေါင်းရင်းမြစ်များ

Iyoobi 34:11

Ashi toommooch bi shuuneebeeto bi shuunetoommoniye; bi toommooch bi tuniibeeto, tun bedooniye.

Shoddo 62:12

Ta Doonocho, shoodo neechone; newoo ashich bi shuuni shuunoommon qoccehine.

Shaahiyoo 24:12

“Ebin ta ariyaache” ne getigaata, mulloon haattiibeeto ebin shalligaachehe? Ne kashoon ciinniibeeti aroo ariyaachehe? Asho bullich bi shuuni shuunoommon qocaachehe?

Dojjecho 3:17

Tawoo ta mulloona “Mooyo bullinaa shuunoo bullinoyich taajjeeti aabo bi beetoyich, Yeeri cadiqo toommooch tuneba axaaxecho toommooch nallemmone” iyaꞌa gabiyo.

Erimiyaasi 17:10

Asho bullich bi gommi gommoommona, bi shuuni shuunee aafoommona imoyich, Doono Yeeri ta, gaboon huushii, mulloonoo boshaabeeto taane” iye.

Erimiyaasi 32:19

Gaboona oogoo, shuunoonoo hakkecho neene; asho bullich bi gommoommonaa bi shuunee aafoommonon qocoyich, ne aafo asho bullichi gommon ciinnii beetone.

Hiziqeeli 18:20

Axaaxoon shuuneto aroo qitemmone; bushoo bi nihoochi axaaxoyich naxeyaachemmone; nihoo bi bushoochi axaaxoyich naxeyaachemmone; cadiqo bi cadiqittinee gaacoon danemmone; axaaxechoo bi axaaxoyich naxeyemmone.

Hiziqeeli 7:27

Taatoo eeppemmone; woraaferashoo gibenoon kuxxemmone; showee asheenaꞌochi kishoo keqqoona qewemmone; boonoshi gommi gommoommona boonoshi toommooch tuniyemmo taane; boonoshi nallitoommon boonoshi toommooch nallemmo taane; Doono Yeeri ta tunoon ariyemminaꞌone” iye.

Daaneeli 7:10

Qaaqqoo woce aacochoommon, bi aafoochee kechiꞌi ufee beehe. Hume kaallee humeenaꞌo biich maddee beeheete; aashire hume kaallee aashire humeenaꞌoo bi aafooch neexee beeheete. Nallechinaꞌo nalliya koteꞌi, macaafeenaꞌon gaxxiyeete.

Zakaariyaasi 14:5

Ittoshiyoo guudon gutta keexxiꞌi Atsel shaggiti bamboona woccemmo ittoshine. Yihudee taatoo Uziyaahi yemeenooba showoo qewetaa ittoshi wocoommon woccemmo ittoshine. Ta Nuggishoo Doono Yeeri woyemmone. Yaafeetinaꞌo bulliyoo biinna tookki woyemminaꞌone.

Maatiyoosi 13:41

Ashi Bushoo bi maraakeenaꞌon deejjemmone; asheenaꞌoyich xugo tunee beetinaꞌonaa hukkoon shuunee beetinaꞌo bullinon bi taatittinee daggoochee macemminaꞌone;

Maatiyoosi 13:49

Yemeenee ciirooba ebiyoommon tunemmone; Yeerichi maraakeenaꞌo waaree cadiqeenaꞌo daggoochee gondeenaꞌon qephi kichemminaꞌone;

Maatiyoosi 24:30

“Arooba Ashi Bushoo malletoo shimaayoochaa bekkemmone; arooba showooch beeti ashi yareenaꞌo bulli ‘Woowo!’ gettemminaꞌone. Ashi Bushoo giidoonaa oogee yiiroona shimaajji quboona waataa beeggemminaꞌone.

Maatiyoosi 25:31

“Ashi Bushoo bi oogee yiiroona maraakeenaꞌo bullina tookki waaree oogee yiiroo beeti bi taatee qeenooch kotemmone.

Maatiyoosi 26:64

Yesuusi wochiꞌi, “Ne getteto neene; tunebaani ittoshich gettoye: Ebiyee damba Ashi Bushoo Giidechi Yeerichi qanne badd bi kotetaa, wotta shimaajji qubee toommoochoo koteree bi waataa beeggemmo ittoshine” iye.

Maatiyoosi 8:20

Yesuusiyoo “Boqqelleenaꞌoyich oppo, shimaajji kafeenaꞌoyichoo kexo beetone; ebi tunemmona Ashi Bushoyich giyi bi qeyemmi xaaꞌoo aalloone” iye.

Maariqoosi 14:62

Yesuusi wochiꞌi, “Eeha, taane. Ashi Bushoo Giidechi Yeerichi qanne badd bi kotetaa, wotta shimaajji qubee daggoona bi waataa beeggemmo ittoshine” iye.

Maariqoosi 8:38

Illa Ashi Bushoo ta wotta ta Nihoochi oogee yiiroona yaafe maraakeenaꞌona tookkaa ta waahooba, hini yahechonaa axaaxoona tuneti shiijjeroo daggooch taannaa ta qaaroonoyich yeellemmo bullina yeellemmo taane” iye.

Luqaasi 21:27

Arooba Ashi Bushoo wodde giidoonaa oogee yiiroona qubee daggoona bi waataa beeggemminaꞌone.

Luqaasi 22:69

Tunebaani hanaachin ikka getiree Ashi Bushoo Giidechi Yeerichi qannooch kotemmone” iye.

Luqaasi 9:26

Ashi Bushoo bi oogee yiiroona, bi Nihoonaa yaafe maraakeenaꞌonochi oogee yiiroona bi waahooba, biinnaa bi gettiti qaaroonoyich yeellemmo bullina, yeellemmone.

Yowannisi 21:22

Yesuusiyoo “Wottaꞌa ta waammi wottoon bi beeyemmoyich ta shuni gaatochi, neen amo qaaqqiye? Ne taan dabbibe” iye.

Yowannisi 21:23

Ebich “Are bi dabboo qitaachemmone” immi woroo maneenaꞌo waan waayeehe; tunebaani Yesuusi “Wottaꞌa ta waammi wottoon bi beeyemmoyich ta shuni gaatochi, neen amo qaaqqiye?” iyalli, “Qitaachemmone” getaanoone.

Mishiraachechinaꞌo 1:11

“Hini Galiilee asheenaꞌote, kaama shimaajj ciinniibee amoyich neexee beetote? Hini ittoshi waanee shimaajj kechiti Yesuusi, shimaajj bi keyaa ittoshi beeggitoommon, ebiyoommon wotteree woyemmone” iyeete.

Roomi 14:12

Illa no ikkikkoo no qelli qelli shuuneechon Yeeri aafoochaa echeeree wochemmo noone.

Roomi 2:6

Biyoo asho bi ikkikkoyich bi shuuni shuunoommon qoccemmone.

1 Qorontoosi 15:23

Tunebaani ebi bi tunemmo kaalli kaalloonane; shiichii Kiristoosi qaabboo tuneꞌi qitoochee tiyitone; ebichi hillooch wotta Kiristoosi wotteꞌi bi waahooba, biicho tunetinaꞌo tiyemminaꞌone.

1 Qorontoosi 3:13

bi qelli qelloona hakketo am shaahoo gaata bekkemmone. Doono Yesuusi nalliya wotteree bi woyemmi aabooba, qaaqqoona miixeyemmone; are aabooba ikkikkoochi hago am shaahoo gaata qaaqqoo haattiree bekkiyemmone.

1 Qorontoosi 8:8

Tunebaani are maayoon mamo toonoone noon Yeer waan katichemmo; mamo no qajjetaanoo nooch shappemmo amolla aalloone; no maataanoo, nooch ceennemmo amolla aalloone.

2 Qorontoosi 5:10

Asho bi ikkikkoona meenona beebee, gonde mooyon tuneba deꞌe mooyon bi tuniiti shuunoommona qocheeya, no bulli Kiristoosichi nallee gabberee aafooch neexo echeyaani mooyone.

Efesooni 6:8

Asho koniyoona guuno bi tunetaa, tuno bi qajjitaa, bi tuniibeeti gaawe mooyo bullich Doono Yesuus waanee gaacoon danemmo bi tunoon ariibeeto ittoshine.

Qolaasiyaasi 3:25

Yeeri ashoon ciinniꞌi heppaache; ebich xuqqiibeeto bullich bi xuꞌee gaacoon qoccemmone.

1 Tasaloonqi 4:16

Yeerichi getee qaaro, maraakeenaꞌochi ukkiroo qaaro, Yeerichi tiree qaaroo waayeyemmone; arooba Doono Yesuusi bi qelloona shimaayoochee kindemmone; Kiristoosina tuneechii qititinaꞌo shiichiree tiyemminaꞌone.

Yaaqobi 5:7

Illa ta maneenaꞌote! Doono Yesuusi waammi wottoon haaꞌiibote. Eke goyechon ciinote; biyoo qaabbe amiyonaa gubbi amiyona dihimmi wottoon haaꞌiibee showoochee daneebeeti, aaxxoo tuneti maayi aafoon quyee beetone.

1 Pheexiroosi 1:17

Koninolla heppaanoon bi ikkikkoyich bi shuuneti shuunoommona bi toommooch nalliibeeti Yeerin “Ta Nihoocho!” iꞌi ittoshi ceeggii beetoyich, illa hini iibboommo tuneꞌi, ittoshi beeti yemeeno bulliich biin shatona beebote.

1 Yowannisi 2:28

Andoo ta shuni bushiisheenaꞌote! Kiristoosin no beegiyooba no shataachemmoyich, bi waahooba bi aafooch no yeelleyaachemmoyich, biinna tookkii ittoshich beeti ikkittinoona manjiree beebote.

Yihudi 1:14

Addaamiichee tiijjiꞌi shabaattinnee shiijjeroo tuneti Henooki wotta eboshichon ishichii keemmiꞌi, “Ebiyoche, Doono Yeeri asho bulli toommooch nalliya, hukkechinaꞌo tuneꞌi boonoshi shuuneti hukkee shuunoo bullich, hukkechi axaaxechinaꞌoo bi toommooch boonoshi yibbaateti gonde mooyo bullich boonoshi bulli toommooch nalliya, wodde hume yaafeenaꞌona tookkii bi waa beetaa beego” iꞌi gettiye.

Yaaꞌoo 1:7

Ebiyoche, quboona woyemmone; asho bulli, biin kochitinaꞌooch beddaahaa, biin beeggemminaꞌone; showee toommooch beeti yoodeenaꞌo bulliyoo bi naboona woowo, geti eeppemminaꞌone. Tuneba! Ameena.

Yaaꞌoo 2:23

Bi bushiisheenaꞌonoo wuxi ciichemmo taane. Arooba ashi mulleexi gaboonaa qaatoonon maqqaa ariibeeto ta tunoon kittinnee guuphinaꞌo bulli ariyemminaꞌone; ittoshi ikkikkoyich ittoshi shuuni shuunoommona qoccemmo taane.

Yaaꞌoo 20:12

Qititinaꞌo, gishiisheenaꞌonaa ogoogeenaꞌona qeechi aafooch neexeꞌi boonoshi beetaa beeggeho; macaafeenaꞌo gaxxeeheete; wotta bare macaafo gaxxeehe; aroo kashee macaafoone. Qititinaꞌoyich macaafeenaꞌooch kooreetoommon boonoshi shuuni shuunoommona boonoshi toommooch nalleehe.