Maatiyoosi 16:21 - Kafa Linguistics Project

²¹ Aroobee aabooba Yesuusi bi dabbeenaꞌoyich ishichiꞌi getooch giyiye: “Yerusaalem hamo taach qaawiihe; aroochaa showee geeneenaꞌo, qeeshee ukkireenaꞌonaa Muusichi Sheeree dojjechinaꞌonochi kishoochee wodde xuuxoon beeggemmo taane; taan wuxemminaꞌone. Tunebaani keejje qemooba qitoochee tiyemmo taane” iye.

Maatiyoosi 16:21 ပူးပေါင်းရင်းမြစ်များ

Nehimi 12:7

Saluuhi, Amooqi, Hiliqiyinaa Yedaayinane. Eboshi Yaasichi yemeenooba, qeeshee ukkireenaꞌonaa boonoshina tookkii shuunee beetinaꞌochi ukkireenaꞌonane.

Maatiyoosi 12:40

Yoonaasi ooge haashee maacooch keejje areddoonaa keejje xumoonon bi kotetoommon, ebiyoommon Ashi Bushoo showee maacooch keejje areddoonaa keejje xumoonon kotemmone.

Maatiyoosi 16:22

Arooba Pheexiroosi Yesuusin ikke badd wochiꞌi, “Ebi ne waanee wohe! Cir ne toommooch shaggaaye!” iꞌi noggee kaarehe.

Maatiyoosi 16:28

Iberoon ittoshich gettoye: Hiniich neexee beetinaꞌoochee ikkikkeenaꞌo Ashi Bushoo taateꞌi bi waataa boonoshi beegimmi wottoon, qitaachemminaꞌo beetinaꞌone” iye.

Maatiyoosi 17:12

Tunetaa ta ittoshich gettoye: Eliyaasi ebiyee aaf waatone. Bi waataa, boonoshi qaawito bullin bi toommooch shuuneheetani bi konigaata ariyaaneenaꞌone. Ebiyee wotta Ashi Bushoo boonoshi kishoochee xuuxoon beegg bedditone” iye.

Maatiyoosi 17:9

Ebiyee gubb, Yesuusinaa keejje bi dabbeenaꞌona guudi toommoochee boonoshi kindii beetaa, Yesuusi “Ashi Bushoo qitoochee tiyimmi wottoon, ittoshi beeggiton konichona gettaahote” iꞌi gettiye.

Maatiyoosi 20:28

Ashi Busholla wocheyoonaa bi kashoon meetinaꞌochi keroyich deejjoonoyich waahalli, boonoshi biich wocheebeete iꞌi waataanoone” iye.

Maatiyoosi 26:2

“Gutte qemoyee gubb Beshee Baaroo bi tunoon ariibeeto ittoshine; Ashi Bushoon yooddiyoyich beshiiree immemminaꞌone” iye.

Maatiyoosi 26:47

Yesuusi ishin yibbaatee bi beetaa, bekkech aaraa gutteexi ikkoo Yihudi shaggiye. Biinna tookkii dofee asheenaꞌo goraadoonaa yeelloonon yechiꞌi waaheete. Boonoshiyoo qeeshee ukkireenaꞌonaa showee geeneenaꞌona waanee wochetaa waatinaꞌone.

Maatiyoosi 27:12

Qeeshee ukkireenaꞌonaa showee geeneenaꞌona bi toommooch taggoon yaaqqiyeete; Yesuusi minnakanna getaanoon qajjiye.

Maatiyoosi 27:63

Kiceeꞌi ishichiyeete: “Doonocho, are ashoon dawushoona muriciyecho qitaanoon beebee, ‘Keejje qemoyee gubb qitoochee tiyemmo taane’ bi iton shalligito noone.

Maatiyoosi 28:6

Bi noonoona bi gettitoommon tiyitone! Hiniich aalloone; bi cahoo qeyiti xaaꞌoo ebiyoche waaree beegote.

Maariqoosi 8:31

Ebiyee gubb, Yesuusi bi dabbeenaꞌoyich ishichiꞌi dojjooch giyiye: “Ashi Bushoo wodde xuuxoon beego biich echeyaani mooyone. Geeneenaꞌonaa qeeshee ukkireenaꞌona, Muusichi Sheeree dojjechinaꞌoo biin shixxemminaꞌone; wuxiishoo gettemminaꞌone. Keejje qemooba qitoochee tiyemmone” iye.

Maariqoosi 9:12

Biyoo wochiꞌi boonoshich ishichiye: “Iberoone; Eliyaasi shiichiree woyemmone; waaree bulli mooyon tachemmone. Tunetaa Ashi Bushoo wodde xuuxoon beeggemmo, hoxeyemmoo bi tuno bi kooreeto amoyichiye?

Luqaasi 17:25

Tunebaani ebiyee shiichi wodde xuuxoon beegonaa hini yemeenooch beeti asheenaꞌona shixxeyoona biich qaawiihe.

Luqaasi 24:46

Boonoshich ishichiye: “ ‘Kiristoosi xuuxoon beeggemmone; bi keejje qemooba qitoochee tiyemmone.