Maatiyoosi 16:19 - Kafa Linguistics Project

¹⁹ Shimaajji taatittinee kellee qulfoon neech immemmo taane; showoochaa ne cucheti mooyo bulli shimaayoochaa cucheeto tunemmone; showoochaa ne biicheti mooyo bulli shimaayoochaa biicheto tunemmone” iye.

Maatiyoosi 16:19 ပူးပေါင်းရင်းမြစ်များ

Isiyaasi 22:22

Daawitichi yareenaꞌo qulfoon biich immemmo taane; bi hicciton koniyoona qechaachemmone; bi qechiton koniyoona hicaachemmone.

Maatiyoosi 18:18

“Iberoon ittoshich gettoye: Showoochaa ittoshi cuchiti mooyo shimaayoochaanoo cucheeto tunemmone; showoochaa ittoshi biichiti mooyo shimaayoochaanoo biicheto tunemmone” iye.

Yowannisi 20:23

konichi axaaxoonona ittoshi maarigaata, Yeeri boonoshin maaremmone; konichi axaaxoonona ittoshi maaroo qayigaata, Yeeriyoo boonoshin maaraachemmone” iye.

Mishiraachechinaꞌo 15:7

Oogichii boonoshi yibbaatetoyee gubb, Pheexiroosi tiyiꞌi ishichiye: “Ta maneenaꞌote! Aageteenaꞌo ta noonoochee mishiraachee qaaroon waayeree Yesuusi toommooch mulloon boonoshi tooꞌiyemmoyich, Yeeri meeti natoyee aaf ittoshi daggoochee taan bi kaacon ariibeeto ittoshine.

2 Qorontoosi 2:10

Illa ittoshi maariti ashoon tawoo wotta maarito taane; ta maaremmi mooyo amolla bi beegaata, ittoshicha iyaꞌa Kiristoosi aafooch maarito taane.

1 Tasaloonqi 4:8

Illa ebi no dojjiti mooyon shixxiibeeti asho, bi shixxiibeeto, ittoshich bi Yaafe Ayaanoon immiibeeti Yeerinalli, ashoon toonoone.

Yaaꞌoo 1:18

Beeyecho taane; qitito taane, tunebaani ebiyoche and bulli yemeenoon beeyecho taane; qitoonaa Siꞌooloonon qechiibeeti qulfo taach beetone.

Yaaꞌoo 11:6

Eboshi keemoon boonoshi keemmiibeeti aabooba, “Amiyo dihaaye” iꞌi shimaayoon hicoyich hakkoo boonoshich beetone; boonoshi shunnitoommon boonoshi qaawimmi areddoo bullin aacon damoo tuniyoyich, showee toommooch beetinaꞌonoo naxo bullina shooddiyoyich hakkoo boonoshich beetone.

Yaaꞌoo 3:7

“Filaadelifi kittinnee guuphi maraakoyich ishichi kooribe: Yaafoonaa iberoona tuneto, Daawitichi qulfoon yechito, bi qechiton koniyoona hicaano, bi hicciton koniyoona qechaano ishichiye:

Yaaꞌoo 9:1

Uuchinnee maraakoo tiroon huggiye; shimaayoochee showooch holliti xojjenoon beeggeho. Oppee hoonoochi kelloon qechiibeeti qulfo biich ichehe.