Maatiyoosi 16:16 - Kafa Linguistics Project

¹⁶ Simoon Pheexiroosi tiyiꞌi, “Ne Kiristoosi, beeyechi Yeerichi Bushoo neene” iye.

Maatiyoosi 16:16 ပူးပေါင်းရင်းမြစ်များ

Shoddo 2:7

Doono Yeerichi getoon awaajjemmo taane; biyoo taach ishichitone: “Ne, ta bushoo neene; hanaach neen shiyeto taane.

Shoddo 42:2

Ta kashe Yeerin, beeyechi Nuggishoon shachewehane; hamiree Yeeri aafoon ta beeggemmo aatane?

Daaneeli 6:26

Ta taatee showoo bullichi daggooch beeti asho bulli Daaneelichi Nuggishoo Yeerin bi shattemmonaa bi oogiyemmonoyich awaajjoon kichito taane. “Biyoo bulli yemeenoon beeti, beeyechi Nuggishoone; bi taatittinoon koniyoona ciroona aalliyoon hakkaanoone; bi hajjiibeetoo ciirooch beddaahaane.

Maatiyoosi 1:16

Yaaqobi Yooseefin shiyihe; Yooseefi Kiristoosi getteebeeti Yesuusin shiyeti Maariyamin shaagga maakkiiti uroone.

Maatiyoosi 14:33

Markabee toommooch beetinaꞌo “Iberoon Yeerichi Bushoo neene” iꞌi Yesuusich yittii goyinneheete.

Maatiyoosi 16:15

Biyoo “Ittoshiyochi taan konine ii beetote?” iye.

Maatiyoosi 26:63

Tunetaa Yesuusi cikkii qajjiye. Wotta qeeshee guudo “Ne Yeerichi Bushoo Kiristoosi ne gaata, nooch ne gettemmoyich beeyechi Yeerina neen yecheto taane” iye.

Maatiyoosi 27:54

Areegaata balle ginee iraashoonaa biinna tookkii Yesuusin quyee beetinaꞌona showee qewoonaa tuneti mooyonon beeggiꞌi, “Iberoon hini uro Yeerichi Bushoone!” iꞌi oogichii shattiyeete.

Maatiyoosi 4:3

Arooba daabiloosi giddeꞌi, “Yeerichi Bushoo ne gaata, hini xaqqeenaꞌon ‘Koshon tunebote’ gete” iye.

Maariqoosi 14:61

Tunetaa Yesuusi cikkii qajjiye; minnakanna getaanoone. Wotta wochiꞌi qeeshee guudo “Galleteeti Yeerichi Bushoo Kiristoosi neene?” iꞌi echehe.

Luqaasi 2:11

Hanaach Daawiti Katemooch Wodiyecho ittoshich shiijjetone; biyoo Kiristoosi getteeti Doonone.

Yowannisi 1:49

Naatinaꞌeeli wochiꞌi, “Dojjechocho, ne Yeerichi Bushoo neene! Ne Israꞌeelee taatoo neene!” iye.

Yowannisi 11:27

Areyoo “Eeha, ta Doonocho, ne ‘Hini alemooch woyemmone’ getteeti Kiristoosi Yeerichi Bushoo ne tunoon iberiiti taane” iyan.

Yowannisi 20:31

Tunebaani Yesuusi aroo Kiristoosi Yeerichi Bushoo bi tunoon ittoshi iberiyemmoyich, bi toommooch mulloon tooꞌiiree bi shigoona kashoon ittoshi danemmoyich, ebi kooreetone.

Yowannisi 6:57

Beeyechi Nihoo Yeeri taan wochetone; tawoo bi naboona beeyecho taane. Ebiyoommon taan maabeeto, ta naboona kashecho tuneree beeyemmone.

Yowannisi 6:68

Simoon Pheexiroosi wochiꞌi, “Ta Doonocho, koni waaniye no hammemmo? Bulli yemeenee kashee qaaro ne waaniye bi beeto.

Yowannisi 6:69

Nowoo, Yeerichi Yaafoo ne tunoon iberiito noone; ariinoo ito noone” iye.

Mishiraachechinaꞌo 14:15

“Hini asheenaꞌote! Ebin amoyich shuunee beetote? No ittoshiyoommi asho noone. Hiniich no waato, hini duube mooyinaꞌoyich goyinnoochee shimaayoonaa showoonon, baharoonoo, boonoshi daggooch beetinaꞌo bullinoo halliti, beeyecho tuneti Yeer waan ittoshi wottemmoyich, mishiraachee qaaroon ittoshich gettaniye.

Mishiraachechinaꞌo 8:36

Tookkii gommo hammiibee aaco beetooch shaggiyeete; uro tiyiꞌi, “Ebiyoche, hiniich aaco beete; aacona ta afaalleyaachemmoyich, taan bajjemmi mooyo amoone?” iꞌi echehe.

Mishiraachechinaꞌo 8:37

[Filipphoosiyoo “Ceeni ne mulloon Yesuusi toommooch ne tooꞌiigaata, neen bajjemmi mooyo aalloone” iye. “Ta, Yesuus Kiristoosi Yeerichi Bushoo bi tunoon iberiihoye” iye.]

Mishiraachechinaꞌo 9:20

Boonoshina tookkii beebee, Ayihudeenaꞌo kiceebeeti kexinaꞌoochaa Yesuusi Yeerichi Bushoo bi tunoon gettii beehe.

2 Qorontoosi 1:19

No, ebi geto Sillaasinaa taanna, Ximootiyoosiyoo, ittoshi daggooch no beehooba, Yeerichi Bushoo Yesuus Kiristoosichon ittoshich no getteto eeha ii beeti qaaroonalli, eeha iichii, wotta toonoone ii beeti gutte heciyoona toonoone.

2 Qorontoosi 3:3

No maddee naboona daneti Kiristoosichi koorichoo ittoshi tuno xalla arichetone; hini koorichoo bi kooreeto beeyechi Yeerichi Ayaanoonalli, qalemoona toonoone; ashi mullee toommoochalli, xareeti xaqqee toommooch toonoone.

2 Qorontoosi 6:16

Yeerichi yaafee kexonaa shahalloonoyich amee danittino beete? No, beeyechi Yeerichi yaafee kexo noone; Yeeri ishichiye: “Boonoshina tookki beeyemmo taane; boonoshi daggooch shaꞌemmo taane; boonoshi Nuggishoo tunemmo taane; boonoshiyoo ta macceenaꞌo tunemminaꞌone” iye.

Yibbaatoo 5:26

Meeno taheti ashi daggoochee qaaqqee daggoochaa tuneꞌi beeyechi Nuggishoo Yeeri yibbaatetaa no waayoommon waayeechii, kashoona beemon hakkito, konine?

1 Tasaloonqi 1:9

Ittoshi waan no waahooba, aabichiꞌi noon ittoshi iibbiito gaata hini are asheenaꞌo bulli gettii beetinaꞌone; wotta beeyechonaa ibere Nuggishoonoyich ittoshi maddemmoyich, qitoochee bi tiijjiti bi Bushoo, aroo woyemmi kaaree shiixxoochee noon wodiyemmi Yesuusi, shimaayoochee bi womon ittoshi quyemmoyich, shahalloyich goyinnoochee Yeer waan aabichiꞌi ittoshi wotteto gaata gettii beetinaꞌone.

1 Ximootiyoosi 4:10

Ebicha getona aajjaa maraataa beeto noone. Ebiyoo asho bullin, beshoonoo Kiristoosichi mishiraachee qaaroon iberii beetinaꞌo bullin, wodiibeeti beeyechi Nuggishoon no gibenaa beetoyichiye.

Hibireena'o 10:31

Beeyechi Yeerichi kishooch dihoo am shaahe shattiiti mooyone!

Hibireena'o 12:22

Tunebaani ittoshi Tsiyooni guudooch, shimaayooch beeti Yerusaalem, beeyechi Yeerichi katemooch shaggito ittoshine. Humaa xume maraakeenaꞌo waan,

Hibireena'o 3:12

Ta maneenaꞌote! Beeyechi Yeerin qachiyemmi, Yeeri toommooch mullee tooꞌiyoon bajjemmi gonde mullo diqqich ittoshi daggoochee ikkoyichona bi beetaachemmoyich, ittoshi qelloon quyebote.

Hibireena'o 9:14

kiinaallo tuneꞌi bulli yemeenoon beeyemmi Yeerichi Ayaanoona bi qelloon deejjoo tuniiꞌi Yeerich giddiiti Kiristoosichi damoo aabichiree beshoon beeyechi Yeerich no maddemmoyich, qitoo tuneti shuunoochee no mulloon xalliyemmo tunehe!

1 Yowannisi 4:15

Asho koniyoona “Yesuusi Yeerichi Bushoone” iꞌi bi miixegaata, Yeeri biinna tookkii beetone; biichoo Yeerina tookkii ikkittino beetone.

1 Yowannisi 5:20

Wotta Yeerichi Bushoo womonaa iberoo tuneti Yeerin no ariibeeti mulloon nooch bi imonon ariibeeto noone. Iberoo tuneti Yeerina tookkii nooch ikkittino beetone; wotta bi Bushoo Yesuus Kiristoosina tookkii nooch ikkittino beetone. Biyoo ibere Nuggishoonaa bulli yemeenee kashoonane.

1 Yowannisi 5:5

Yesuusi Yeerichi Bushoo bi tunoon iberii beetoyee damba, hini alemoon kochii wochiibeeto, konine?

Yaaꞌoo 7:2

Beeyechi Nuggishoo Yeerichi maatemoon yechiti bare maraakoo aabi-keyo waanee kechii bi beetaa beeggeho. Biyoo showoonaa baharee aaconochi toommooch gonde mooyon boonoshi tuniyemmoyich daaggeeti awudde maraakeenaꞌoyich oogeti qaaroona cookiꞌi,