Maatiyoosi 15:27 - Kafa Linguistics Project

²⁷ Ure wochaꞌa, “Ishi iberoone, ta Doonocho! Tunebaani kunaaneenaꞌolla boonoshi doonochi madoochee oojjiti ooyoon macii maa beetinaꞌone” iyan.

Maatiyoosi 15:27 ပူးပေါင်းရင်းမြစ်များ

Halloo 32:10

ne gibeneyoona ne guuno taach ne tuniiti deꞌittino bullich beddeti asho toono taane. Yoordaanoosin ta kimiyooba, ta kishooch ta yecheti gumbeyee besh amolla taach aalloone; tunebaani and gutte kuxi ashoonaa gijjoonon yecheto taane.

Hiziqeeli 16:63

Ne tuniiti mooyo bullin echebe ta iyooba ne xuꞌo neech bi tipphiimmona yeellemmi neene; yeellee naboona wochinnoon noonoo wochaachemmi neene, iye Nuggishoo Doono Yeeri’ gete” iye.

Daaneeli 9:18

Ta Nuggishoocho, ne waamon gaꞌiiree waayebe; ne aafoon gaxxiree no xuuxoonaa ne shigo beeti katemoonon ciine. Ebi qolloon ne aafooch no giddiibeeto, cadiqo no tunetoyich tuneyaanoon, ne maaree woddoyichiye.

Maatiyoosi 15:26

Yesuusi wochiꞌi, “Bushiisheenaꞌochi maayoon tiijjiꞌi kunaaneenaꞌoyich dufo tato toonoone” iye.

Maatiyoosi 15:28

Arooba Yesuusi ureyich wochiꞌi, “Haane, ta toommooch mulloon ne tooꞌiyoo oogeti mooyone. Ebich ne qaawitoommon neech tunebe” iye. Arooba bi bushee bekkech wodiyan.

Maatiyoosi 8:8

Hini are balle ginee iraashoo wochiꞌi, “Ta Doonocho, ta kexooch ne giyi beddemmi uro toono taane; tunebaani ikke qaaroon baach gete; ta aafee bushoo wodemmone.

Maariqoosi 7:28

Ure wochaꞌa, “Ishi iberoone, ta Doonocho, tunetaa kunaaneenaꞌolla bushiisheenaꞌo maabeeti madee baatooch oojjiti ooyoon maciꞌi maa beetinaꞌone” iyan.

Luqaasi 16:21

Biyoo are gaannechochi madee ooyoochee maaya qaatii beehe. Ebi bulli toommooch kunaaneenaꞌolla waaꞌi bi mayon napphee beeheete.

Luqaasi 18:13

“Wotta hini are gabiyee guudo yaafee kexooch neexee beetinaꞌoyee wohooch neexeechii bi aafoon kaama tiijjiꞌi shimaajj ciinonolla shunaanoone; tunebaani bi getoon qicciibee, ‘Yeero, axaaxechi taan maaribe’ iibee Yeerin qollehe.

Roomi 10:12

Ayihudoonaa Aagetoonochi daggooch barbarittino aalloone; ikke Doono bullichi Doonone. Corootoonoo biin qollee beetinaꞌo bullich beshaa beshiiꞌi immii beetone.

Roomi 3:19

Asho bulli noonoo bi wochaachemmoyich, alemo bulli toommooch Yeeri nallemmoyich, Muusichi Sheerooch kooreeto bulli ebi are sheeroyich hajjee beetinaꞌoyich gettiibeeto bi tunoon ariyaabeeto noone.

Roomi 3:29

Halla Yeeri Ayihudeenaꞌo ikkeetochi Nuggishoo baachiye? Aageteenaꞌoyichoo wotta Nuggishoo toone? Eeha, boonoshich wotta Nuggishoone.

Roomi 3:4

Ciroona echiyaache. “Ne noonoochee kechiibeeti qaaroona cadiqo ne tuno asho bullich bekkemmone; neenna taggee beetinaꞌon xoobiyemmo neene” getaa bi kooreetoommon, asho bulli kooto bi tunetaanoona, Yeeri iberoone.

Efesooni 3:19

Wotta ariyoyee beshiti Kiristoosichi shunoon ittoshi ariyemmoyich, ebina Yeerin ciroona shaahoyich ittoshi beddemmoyich corootaabeeto taane.

Efesooni 3:8

Yaafeenaꞌo bulliyee desho taane; tunebaani koniyoona maqqiꞌi ariyoon hakkaani Kiristoosichi wojjeechon Aageteenaꞌoyich ta gettemmoyich, bullinoo halliti Yeeri wonnee yemeenoochee aacheeti, shuuneya bi gabiti mooyo amo gaata asho bullich gaxxi ta gettemmoyich, hini wojjoon taach immiye.