Maatiyoosi 15:14 - Kafa Linguistics Project

¹⁴ Boonoshin qayote; aaf doogoon yaabiibeeti aaf doogeenaꞌone; aaf doogo aaf doogoon bi yaabigaata, gutteenaꞌo yesheree oppooch dihemminaꞌone” iye.

Maatiyoosi 15:14 ပူးပေါင်းရင်းမြစ်များ

Isiyaasi 31:3

Gibitseenaꞌo asheenaꞌoani, nuggisheenaꞌo tooneenaꞌone; boonoshi haresheenaꞌo meenon tahetinaꞌoani, ayaaneenaꞌo tooneenaꞌone; Doono Yeeri bi mochoon bi yaggiyooba, gaacheebeeto tepheyemmone; gaachoon deqqiibeetoo dihemmone; guttiyona aallemminaꞌone.

Isiyaasi 42:19

Ta guunoyee besh wolloo konine? Ta daachiyemmi wocheyechoyee besh ulloo konine? Taach gibeneeti ashichoommon, wolleto, Doono Yeerichi guunochoommon wolloo konine?

Isiyaasi 56:10

Israꞌeelee qayechinaꞌo aaf doogeenaꞌone; boonoshi bullich ariyoo aalloone; buhaani miime kunaanoomminaꞌone; tokketeechii gummiyeete; tokketoonoo shunniyeete.

Isiyaasi 9:16

Hini maccoon yaabii beetinaꞌo murice gommona yaabitinaꞌone; yaabeebeeti maccoo gommoochee kechiꞌi yallyallimitone.

Erimiyaasi 5:31

Keemechinaꞌo kootoon keemmiyeete; qeesheenaꞌoo keemechinaꞌo kocoona qeejjiyeete; ta asheenaꞌoo ebiyoommi mooyon shunniyeete; tunebaani ebi moochi ciirooba amooniye boonoshi tunemmo?” iye.

Erimiyaasi 6:15

Ciigiiti mooyon boonoshi tuniitoyich yeelleteete? Ciroona yeelleyaaneenaꞌone; yeello amo gaatoona ariyaaneenaꞌone; ebich bareenaꞌo dihoommon dihemminaꞌone; boonoshin ta naxehooba qiti aallemminaꞌone” iye Doono Yeeri.

Erimiyaasi 8:12

Ciigiiti mooyon boonoshi tuniitoyich yeelleteete? Ciroona yeelleyaaneenaꞌone; yeello amo gaatoona ariyaaneenaꞌone. Ebich bareenaꞌo dihoommon dihemminaꞌone; boonoshin ta naxehooboo qiti aallemminaꞌone” iye Doono Yeeri.

Hosee'i 4:17

Efreemi shahalloona tookkii yeshecho bi tunetoyich, ittoshi qayaa bi gaba hambe.

Milikiyaasi 2:8

Tunebaani ittoshi ta gommoochee badd wotteto ittoshine; ittoshi dojjiibeeti doyoona meeti asheenaꞌoyich xugoon tuneto ittoshine. Lewina tookkaa ta giyeti wogoonoo happito ittoshine, iye Beshe Mawe Doono Yeeri.

Luqaasi 6:39

Wotta Yesuusi ishichiꞌi shaahiyoon boonoshich gettiye: “Aaf doogo aaf doogoon yaaboon hakkehe? Gutteenaꞌo yesheree oppooch dihaacheheete?

Yowannisi 9:39

Yesuusiyoo “Ciinaaneenaꞌo ciinaa, ciinnii beetinaꞌo doogaa, nalloona boonoshi barbaremmoyich, ta hini alemooch waato taane” iye.

1 Ximootiyoosi 6:5

kuxeyaani kaaree tiijjoo, eboshi kechemminaꞌone. Gaboon hakkaaneenaꞌo tuneꞌi dacheebee, “Yeerin oogiibeeti beemon beemo gaanniyemmone” ii gabiꞌi iberoon muccetinaꞌone.

2 Pheexiroosi 2:1

Wonna Israꞌeeleenaꞌo daggooch kootoon keemmiibeeti keemechinaꞌo beetinaꞌone; ebiyoommon wotta koote dojjechinaꞌo ittoshi daggoochee tiyemminaꞌone. Eboshiyoo boonoshin biishee wodiiti Doono Yesuus Kiristoosin nookkeree, kittinneenaꞌochi mullee tooꞌiyoon aalliibeeti koote doyoon shokiibee giijjemminaꞌone; ebina kaatee aalloon boonoshi toommooch deebemminaꞌone.

2 Pheexiroosi 2:17

Eboshi gaacaalli, shuuqqiti aachi xuuphoomminaꞌone; yubee yongo yongeꞌi shaccii aalliibeeti quboomminaꞌone; boonoshinoo dunne manderoo quyee beetone.

Yaaꞌoo 19:20

Cooxo yechehe; cooxo aafoochaa gaakkechi shuunoon bekkiibee, cooxochi malletoo geddetinaꞌon, biin shaahiitaa shuuneetoyich goyinnetinaꞌonoo muricciiti koote keemecho biinna tookkii yechehe. Gutteenaꞌoo kashoona beebee waageroo micciibeeti qaaqqee baharooch duppeheete.

Yaaꞌoo 22:15

Kunaaneenaꞌo, kaayechinaꞌo, shunimaayeenaꞌo, ashoon wuxii beetinaꞌo, shahalloyich goyinnee beetinaꞌo, kootee kooton shunnii beetinaꞌonaa kootee kooton doyitinaꞌo bullinoyich hini are katemeech gimo ciroona daaggeyaache.