Maatiyoosi 14:3 - Kafa Linguistics Project

^3-4 Heroodisi bi ishichiti naboo ebine: Heroodisi bi manoo Filipphoosichi mechee Heroodiyaadin bi shaaggitoyich, Yowannisi tiyiꞌi biich “ ‘Ne manoochi mecheen shaage’ iꞌi Muusichi Sheeroo daaggaanoone” iye. Heroodisi ureechi naboyich “Yowannisin yeshi cuyote” iꞌi bi ginee naayinaꞌoochee wochehe. Boonoshiyoo hammiꞌi yechii cuyee kexooch cuchiyeete.

Maatiyoosi 14:3 ပူးပေါင်းရင်းမြစ်များ

Maatiyoosi 11:2

Yowannisi cuyee kexooch beebee Kiristoosichi shuunoon waayehe; ebich bi dabbeenaꞌon Yesuus waan wochee daachiihe.

Maatiyoosi 14:6

Tunebaani ebiyee gubb, Heroodisichi shiijjee aabee baarooba Heroodiyaadichi bushee iibbeenaꞌo aafooch giyaa duubbaꞌa Heroodisin emirikkiyan.

Maatiyoosi 4:12

Yesuusi Yowannisi yeshaa cucheyoon waayeꞌi Galiilee showooch tiyii hammiye.

Maariqoosi 6:14

Yesuusichi shigo bulli xaaꞌooch gaminnii bi arichetoyich, taatoo Heroodisi waayehe. Ikkikke asheenaꞌo “Hini Aacona Afaallechi Yowannisine; ebiyoommi gaakkechi mooyon tuniyoo bi hakkito, qitoochee tiyiꞌiniye” iyeete.

Maariqoosi 6:17

Heroodisi bi ishichiti naboo ebine: Heroodisi bi manoo Filipphoosi mechee Heroodiyaadin bi shaaggitoyich, Yowannisi tiyiꞌi biich “ ‘Ne manoochi mecheen shaage’ iꞌi Muusichi Sheeroo daaggaanoone” ii beehe. Ebi bi mechechi naboyich Heroodisi “Yowannisin yeshi cuyote” iꞌi bi ginee naayinaꞌo daggoochee wochehe. Boonoshiyoo hammiꞌi yechii cuyee kexooch geddiyeete.

Maariqoosi 6:19

Heroodiyaadiyoo Yowannisich qummaꞌa bi wuxeyemmi gommon qaawaa beehan; tunetaa hakkaaneene.

Maariqoosi 6:22

Arooba Heroodiyaadichi bushee gifiree kexooch giyaa duubon duubbaꞌa Heroodisinaa biinna tookkii kotetinaꞌonon emirikkiyan. Taatoo tiyiꞌi busheen “Ne qaawiton ta waanee qollebe.

Maariqoosi 8:15

Yesuusi boonoshin, “Fariseenaꞌonaa Heroodisinochi bukee shittoochee ittoshi qelloon quyebote” iye.

Luqaasi 13:1

Arooba asheenaꞌo Yesuus waan waaꞌi, “Galiilee asheenaꞌo daggoochee ikkikkeenaꞌo deejjoon boonoshi deejjii beetaa, Phelaaxoosi boonoshin wuxiꞌi boonoshi damoon deejjoona baccitone” iꞌi gettiyeete.

Luqaasi 13:31

Arooba Fariseenaꞌo daggoochee ikkikkeenaꞌo Yesuus waan giddeꞌi, “Heroodisi neen wuxiya qaawii beetone. Ebich hiniichee tiyiree hambe” iyeete.

Luqaasi 23:11

Wotta Heroodisi bi ginee naayinaꞌona tookkii Yesuusin qallayii coonehe. Malletechi tahoon tajjiꞌi Phelaaxoos waan wochii daachiihe.

Luqaasi 23:7

Yesuusi waato Heroodisichi taatee showoochee bi tunoon ariiꞌi biin Heroodis waan daachiihe. Arooba Heroodisi bi beeto Yerusaalemiye.

Luqaasi 3:1

Xibaaroosi Qesaari taateti aaraa uuche natooba, Fantoosechi Phelaaxoosi Yihudee iraashoo tuneꞌi bi beehooba, Heroodisiyoo Galiilee iraashoo tuneꞌi bi beehooba, bi manoo Filipphoosiyoo Ixuriyaasee showoonaa Xirakonidoosee showoonochi iraashoo tuneꞌi bi beehooba, Lisanoosiyoo Abilaanee iraashoo tuneꞌi bi beehooba,

Luqaasi 8:3

taatoo Heroodisichi kechi guudo Kuuzi mechee Yowani, Susaaninaa bare meeti genneenaꞌona boonoshi gijjoona Yesuusinaa bi dabbeenaꞌonon deggii beeheete.

Mishiraachechinaꞌo 12:1

Aroobee yemeenooch taatoo Heroodisi iritoon bekkiiya Yesuusichi asheenaꞌo daggoochee ikkikkeenaꞌon yechiihe.

Mishiraachechinaꞌo 4:27

“Iberoone, ne huutteti yaafe ne Bushoo Yesuusi toommooch gondoon koceya, Heroodisinaa Fantoosechi Phelaaxoosina Israꞌeeleenaꞌonaa Aageteenaꞌona tookkii hini katemooch kiceeheete.