Maatiyoosi 14:20 - Kafa Linguistics Project

²⁰ Bulliyoo maa michiyeete. Echeti kochi ooyoon bi dabbeenaꞌo aaraa gutte ogooge mokkoona ceechiꞌi tiijjiyeete.

Maatiyoosi 14:20 ပူးပေါင်းရင်းမြစ်များ

Keyo 16:12

“Israꞌeeleenaꞌo guruuxiti guruuxoon waayeto taane. Ebin boonoshich gete: ‘Mayi xum, aabe gimooch, meenon maayemmo ittoshine; bi dechara maaddoona koshon maa michemmo ittoshine; ebina ittoshi Nuggishoo Doono Yeeri ta tunoon ariyemmo ittoshine’ gete” iye.

Keyo 16:8

Muusiyoo daakkiꞌi, “Bi toommooch ittoshi guruuxoon bi waayetoyich, xum ittoshi maayemmi meenon, maaddoona ittoshi qettee wottoon ittoshi maayemmi koshon ittoshich immemmo Doono Yeeriyani no amo noone? No toommooch ittoshi guruuxito, Doono Yeeri toommooch guruuxoone” iye.

Shaahiyoo 13:25

Cadiqo bi qettee wottoon maahe; tunebaani gonde asho shaacaa beehe.

Leweenaꞌo 26:26

Maayoon ittoshi danemmi gommon ta kuxxetoyee gubb, aashire genneenaꞌo ikke midaadooch koshon kachiyemminaꞌone. Ebi aroon ittoshich tiishi boonoshi qoodaa maayemmo ittoshine; tunebaani miyaachemmo ittoshine.

Haagi 1:6

Ittoshiyoo woddiiꞌi gochiyote, tunebaani ittoshi qeccii giijjito giishechoone. Maahote, tunebaani maa miyaachote. Uchiyote, tunebaani uchii tooꞌaachote. Tahehote, tunebaani ittoshi achooch qeecaache. Shumaayoon deqqiibeeti asho keexe kiisooch geddii beetoommon tunetone.

Maatiyoosi 14:21

Genneenaꞌonaa bushiisheenaꞌona haddeyaanoon koshon maatinaꞌoochee doonjeenaꞌo baach uuche hum bedeenaꞌone.

Maatiyoosi 15:33

Bi dabbeenaꞌo wochiꞌi, “Hini shaahe asheenaꞌon michiyemmi koshon hini gafoo aalli xaaꞌoochee amoochee danehone?” iyeete.

Maatiyoosi 5:6

Yeeri aafooch cadiqoon tunoyich, oogichii qaatii beetinaꞌo diireetinaꞌone; Yeeri boonoshi qaatiton ceechemmone.

Luqaasi 1:53

Shaacetinaꞌonoo deꞌe mooyona michiitone; gaannechinaꞌonoo shokke kishoon echiitone.

Luqaasi 9:17

Boonoshiyoo daammiꞌi qoometaa, bulliyoo maaꞌi michiyeete. Boonoshi maatoyee gubb bi dabbeenaꞌo aaraa gutte ogooge mokkee ceeni koshonaa haashoonochi ooyoon tiijjiyeete.

Yowannisi 6:7

Filipphoosi “Boonoshi qelli qelloona giishi giishecheenolla boonoshi maagaata, gutte balle diinaaroona kosho kemetaa boonoshich bedaache” iꞌi wochiye.