Maatiyoosi 13:52 - Kafa Linguistics Project

⁵² Biyoo “Illa shimaajji taatittineecha ta dabboo tuneti sheeree dojjecho bulli, bi kiciti qiicoochee andire mooyonaa geene mooyonon kichiibeeti doonoommone” iye.

Maatiyoosi 13:52 ပူးပေါင်းရင်းမြစ်များ

Iziri 7:10

Iziri Doono Yeerichi sheeroon doyoonaa tuniyoonon, wotta Israꞌeeleenaꞌoyich qociyoonaa doyoonon dojjoonoo ta shuuna itone.

Iziri 7:21

“Efiraaxisee beqachi woraafooch beeti araaqee iraasheenaꞌote, Arta Yekisesi ta, ittoshi bullich ebin getteto taane: Shimaajji Nuggishoochi sheeree dojjechi qeeshoo Iziri ittoshi waanee bi qaawimmo amoonolla biich gaawichiree imbote.

Shaahiyoo 11:30

Cadiqe ashi shuunee aafo kashoon daniihe; asheenaꞌon kiciibeeto ariyechone.

Shaahiyoo 15:7

Mullecho ariyoon gamichiye; tunebaani mullaallo ebiyoommon tuniyaache.

Shaahiyoo 18:4

Ashi noonoochee kechiibeeti shalligee qaaro, ooge aacoommo, qulliqullii ufeebeeti aachi xuuphoommone.

Solomooni 7:13

Dudayimo cinnetone; shaawi michi aafo bulli natoonaa andiroona no kellooch ceennitone; ta shiiqqo, neech kotiiti taane.

Maatiyoosi 12:35

Deꞌe asho bi mullooch bi kotiiti deꞌe mooyoochee deꞌoon kichiye. Gonde asho bi mullooch bi kotiiti gonde mooyoochee gondoon kichiye.

Maatiyoosi 13:51

Yesuusi bi dabbeenaꞌon “Ebi bulli ittoshi mullooch giyite?” iꞌi echehe. Boonoshiyoo “Eeha giyitone” iyeete.

Maatiyoosi 13:53

Yesuusi hini shaahiyeenaꞌon gettii bi ciichitoyee gubb, aroochee tiyiꞌi hammiye.

Maatiyoosi 23:34

Ebich keemechinaꞌon, yiiteenaꞌonaa dojjechinaꞌonon ittoshi waan woche daachiyemmo taane. Boonoshi daggoochee ikkikkeenaꞌon wuxemmo ittoshine; ikkikkeenaꞌon yooddemmo ittoshine; boonoshi daggoochee ikkikkeenaꞌon ittoshi kiceebeeti kexoochaa arengoona xoobiree katemoochee katemooch yookkemmo ittoshine.

Maatiyoosi 28:19

Illa tiyiree hambote; aageteenaꞌo bulliich beetinaꞌon Nihoo Yeeri, Bushoo Yeerinaa Yaafe Ayaanoonochi shigoona aacona afaalloonaa tuniibote iyaꞌa ittoshich ta getteto bullin boonoshich dojjoona ta dabbeenaꞌon tuniibote. Illa yemeenee ciirooch beddaahaa bulli aaboon ta ittoshina tookkaa beeto taane” iye.

Luqaasi 11:49

Ebich Yeerichi shalligoo ishichiye: ‘Boonoshi waan keemechinaꞌonaa mishiraachechinaꞌonon daachiyemmo taane; boonoshi daggoochee ikkikkeenaꞌon wuxemminaꞌone; ikkikkeenaꞌon duꞌiyemminaꞌone’ itone.

Yowannisi 13:34

“ ‘Ittoshinaa ittoshina shunebote’ iyaꞌa ittoshich andire mooyon gettoye; ta ittoshin ta shunnetoommon, ittoshi wotta ittoshinaa ittoshina shunebote.

2 Qorontoosi 6:10

Ayinikkiti mooyo no toommooch bi shaggitaa, bulli aaboon emiriyone; girecho no tunetaa, meetinaꞌon gaannecho tuniihone; amolla nooch aallo bi tunetaa, bulli mooyo noochone.

Efesooni 3:4

Ebinoo ittoshi shemmegaata aaf aricheyaani, and Kiristoosi ceechiti, Yeerichi gaboon aabichaꞌa ta shalligaabeeto gaata ariyoon hakkiyote.

Efesooni 3:8

Yaafeenaꞌo bulliyee desho taane; tunebaani koniyoona maqqiꞌi ariyoon hakkaani Kiristoosichi wojjeechon Aageteenaꞌoyich ta gettemmoyich, bullinoo halliti Yeeri wonnee yemeenoochee aacheeti, shuuneya bi gabiti mooyo amo gaata asho bullich gaxxi ta gettemmoyich, hini wojjoon taach immiye.

Qolaasiyaasi 1:7

Ebinoo noonna tookkii Kiristoosichi gibeneeti maddechon tuneꞌi no keroyich shuuneebeeti, noonna tookkiinoo maddeebeeti, shucheti manoo Epphaafir ittoshich dojjitone.

Qolaasiyaasi 3:16

Kiristoosichi qaaro ceenoona ittoshi mullooch beebe; ariyoo bullina ikkoo ikkoon dojjibee, ittoshinaa ittoshina ciiceebote. Shoddoonaa naadoona, Ayaanee shoddoona galletoonoo ittoshi mulloona Yeerich shoddebote.

1 Ximootiyoosi 3:6

Biyoo geeciree daabiloosi toommooch nalleetoommi nalloo bi toommooch bi nalleyaachemmoyich, kashaani kittinnoo tunaaye.

Titoosi 1:9

Gaawe kittinnittinee doyoona bi ciiccemmoyich, wotta gaawe doyoon shixxii beetinaꞌon bi xoobiyemmoyich, ibere doyoo beeti, gibeneeti qaaroon manjiiree yeshe.