Maatiyoosi 13:44 - Kafa Linguistics Project

⁴⁴ “Wotta shimaajji taatittine ebiyoommine: Ikke uro goyee daggooch aacheeti aaxxe qiicoon danehe. Daneꞌi arooch wochii aachiye. Oogeton emiriibee hammii biich beeto bullin kemmiꞌi are goyoon kemehe.

Maatiyoosi 13:44 ပူးပေါင်းရင်းမြစ်များ

Iyoobi 28:13

Bi gatiyoon koniyoona xiishii ariyaache; kashechinaꞌo beeti hini showee toommooch daneyaache.

Shaahiyoo 16:16

Aachoon danoyee shalligoon dano beshiye; birewoon danoyee goommii deꞌon dano gaawiye.

Shaahiyoo 17:16

Tuushe asho mullaallo bi tunetoyich, shalligoon danoyich gijjoon bi qoccitaa, amo halleshe?

Shaahiyoo 18:1

Ashoona yesheyaani asho, bi qaatoon baach dabbiye; asho bullina shucheti qociyoon shixxiye.

Shaahiyoo 23:23

Iberoon kemeballi kemmaahine; shalligoon, gaawe ciicoonaa gabii deꞌonon kemebe.

Isiyaasi 55:1

“Shachewetinaꞌote, ittoshi bulli aacooch wobote; ittoshi kememmi gijjaalleenaꞌote, waaree keme mamote. Woyinoonaa ejjoonon gijjaalloon, gatiyaalloon kemebote.

Maatiyoosi 13:24

Yesuusi bare shaahiyoon ishichiꞌi boonoshich gettiye: “Shimaajji taatittine ebiyoommine: Ikke uro bi goyooch deꞌe yaroon shookkiye.

Maatiyoosi 13:46

Aaxxe gatiyoo kichiibeeti ikke inqoon bi danehooba hammiꞌi biich beeto bullin kemmiꞌi hini are inqoon kemehe” iye.

Maatiyoosi 13:47

“Wotta shimaajji taatittine ebiyoommine: Haashe yesheenaꞌo boonoshi dabboon baharooch dufaa, dabboo haashee yaroo bulliichee yechiye.

Maatiyoosi 19:21

Yesuusi “Deꞌoon tuno ne shunigaata, hamiree neech beeto bullin kemiree iriteetinaꞌoyich imbe. Neech shimaajji kexooch kiceeree beeyemmone. Aroyee gubb waaree taan dabbibe” iye.

Maatiyoosi 19:27

Arooba Pheexiroosi wochiꞌi, “Ebiyoche, bullin qajjaꞌa neen dabbito noone. Ishigaata, no danemmo amooniye?” iye.

Maatiyoosi 19:29

Taacha iꞌi bi kexon woyee bi anaami maneenaꞌon woyee bi maache maneenaꞌon woyee bi indeen woyee bi nihoon woyee bi bushiishoon woyee bi gochiibeeti showoon qajjito bulli, eboshi bullin balle kishoon daakkaa danemmone; wotta bulli yemeenee kashoon danemmone.

Maatiyoosi 6:21

Ne gijjoo beetooch ne mullo tunemmone” iye.

Luqaasi 14:33

Illa ebiyoommon ittoshi daggoochee koniyoona biich beeto bullin bi qayaan gaata, taan dabboon hakkaache” iye.

Yowannisi 6:35

Yesuusi ishichiꞌi boonoshich wochiye: “Kashee kosho taane; ta waan waabeeto cir shaaceyaachemmone; bi mulloon ta toommooch tooꞌiibeeto, bulli yemeenoon cir shacheweyaachemmone.

Roomi 15:4

Yaafe Macaafoochee no danaabeeti haaꞌiyoonaa goggoona gibeno nooch bi beeyemmoyich, shiichiꞌi Yaafe Macaafooch kooreeto bulli nooch dojjiya kooreetone.

Qolaasiyaasi 2:3

Shalligee gaannoonaa ariyee gaannoona bulli aacheeꞌi bi beeto bi waaniye.

Qolaasiyaasi 3:16

Kiristoosichi qaaro ceenoona ittoshi mullooch beebe; ariyoo bullina ikkoo ikkoon dojjibee, ittoshinaa ittoshina ciiceebote. Shoddoonaa naadoona, Ayaanee shoddoona galletoonoo ittoshi mulloona Yeerich shoddebote.

Hibireena'o 10:34

Qoppeenaꞌoyich ariqqehote; bulli yemeenoon beeyemmi beshe gaanno ittoshich beemon ariiꞌi, ittoshi hajjito bullin bareenaꞌo bogaa cikkii emiroona ciinniyote.

Yaaꞌoo 3:18

Ebich gaannecho ne tunemmoyich, qaaqqoona wociitaa shuuneeti aachoon, shokkaachoo tuneree ne yeelleyaachemmoyich ne tahemmi nacce tahoon, ne aafo ciinnemmoyich ne huutemmi attoon ta waanee ne kememmoyich neen ciiccaabeeto taane.