Maatiyoosi 13:32 - Kafa Linguistics Project

³² Hini shanaafee aafe bare maayi yaroo bulliyee giishecheene; tunebaani shookkaꞌa collaa bi diccehooba daaddeexi maayeenaꞌoyee besheene. Shimaajji kafeenaꞌo waaꞌi bi atooch kotoon boonoshi hakkimmi wottoon ooge mixo tunemmine” iye.

Maatiyoosi 13:32 ပူးပေါင်းရင်းမြစ်များ

Shoddo 104:12

Are aachi gasheexi mixinaꞌooch shimaajji kafeenaꞌo gafiyeete; aroochaanoo shoddeheete.

Hiziqeeli 31:6

Shimaajji kafeenaꞌo bulli boonoshi kexinaꞌon arooch haggiyeete; kubbi cooxinaꞌo bulli bi yiiroochaa bushiishoon shiyiheete; bi yiiroochoo ogooge aageteenaꞌo bulli kotee beeheete.

Daaneeli 4:12

Ebi mixo gaawe waajjechone; meeti aafoonoo aafetone; bullich bede maayoonoo immii beetone. Kubbi cooxo bi yiirooch kashee beetone; bi qaakkoochoo shimaajji kafoo bi kexon haggitone; kashecho taane ito bulli bi aafoochee maa beehe.

Zakaariyaasi 4:10

“Giisheche mooyo tuneebeeti aaboon hoxeebeeto konine? Asheenaꞌo tumbin Zerubabeelichi kishooch boonoshi beegiyooba emiremminaꞌone. “Ebi shabaatte ceecheenaꞌo showoo bulliich guuddiibeeti Doono Yeerichi aafeenaꞌone” iye.

Maariqoosi 4:30

Aroyee gubb Yesuusi ishichiye: “Yeerichi taatittine am shaaheene getona? Woyee amee shaahiyoona bekkiibona?

Maariqoosi 4:32

Tunebaani shookkaꞌa collaa bi diccehooba daaddeexi maayeenaꞌo bulliyee besheene. Shimaajji kafeenaꞌo waaꞌi bi atooch kotee bi yiirooch kashoon boonoshi hakkimmi wottoon ogooge atoon atahane” iye.

Luqaasi 13:18

Ebiyee gubb, Yesuusi ishichiye: “Yeerichi taatittine am shaaheene getote? Woyee amee shaahiyoona shaahiibote?

Mishiraachechinaꞌo 1:15

Ikke areddoon kiceeꞌi boonoshi beetaa, balli hiya bede Yesuusichi asheenaꞌo daggooch Pheexiroosi tiyii neexeꞌi ishichiye:

Mishiraachechinaꞌo 21:20

Hini are geeneenaꞌo ebin waayeꞌi Yeerin galleteheete. Phawuloosichoo ishichiyeete: “Manoocho, Ayihudeenaꞌo daggoochee boonoshi mulloon Yesuusi toommooch tooꞌiitinaꞌo ambiche humeenaꞌo gaata beeggaabeeto neene; boonoshi bulli Muusichi Sheeroyich qanaatee beetinaꞌone.

Yaaꞌoo 11:15

Shabaattinnee maraakoo tiroon huggiye; shimaayoochaa “Showee toommeexi taatittino bulli no Doono Yeericho, bi kaacciti Kiristoosicho tunetone; bulli yemeenoon taatemmone” ii beeti ogooge qaareenaꞌon waayeho.