Maatiyoosi 13:22 - Kafa Linguistics Project

²² Ebiyoommon angichi xuppo beeti showooch holliti yaroon shaahii beetinaꞌo, Yeerichi qaaroon boonoshi waayetaa, hini showeexi beemon gaboonaa gijjee shaawona dacheyoona boonoshi mullooch naaxiꞌi boonoshi waayeti qaaroon maa beetone; ebichi naboona aafeyaanoon dobberee echemminaꞌone.

Maatiyoosi 13:22 ပူးပေါင်းရင်းမြစ်များ

Shoddo 52:7

“Yeerichi shoobooch gimon qajjiichii, bi gaannee woddoon gibeneebeeti, gondee shuunoona kupphee qeyiti asho, ebeegote” gettemminaꞌone.

Shoddo 62:10

Bogoona woyee xuꞌoona gaannoon danemmo noone getiree gibeneyaahote; ittoshi gaanno woddegaata, aroon gibeneyaahote.

Shaahiyoo 11:28

Bi gaannoon gibeneebeeto oojjemmone; tunebaani cadiqo mocee waamochoommon waarwaariyemmone.

Shaahiyoo 23:5

Gaannoon aafoon waaxxaa ne ciinigaata, aallemmone; shimaayooch yoobbiibeeti booyochoommon bi qellich qoshoo kichi aallemmone.

Dojjecho 4:8

ebiyoo bushaalli, manaalli shiqqe uroochi mooyone; ebi uro aajjiichii wotteyaanoone; biich beeti gaannoona michiꞌi tooꞌaanoone; biyoo “Ta qelloon emirikkaanoon ta aajjaabeeto konichiye?” iꞌi gabiye. Ebiyoo duubo, xuuxee beemone.

Erimiyaasi 4:3

Doono Yeeri Yihudee asheenaꞌonaa Yerusaalemi beeyechinaꞌonoyich ishichii beetone: “Gocheyaanoon qeyiti showoon goyote; angichi daggooch ittoshi yaroon shookkaahote;

Maatiyoosi 12:32

Ashi Bushoo toommooch gondoon yibbaatee beeto bulli maareyemmone; tunebaani Yaafe Ayaano toommooch gondoon yibbaateebeeto bulli hini yemeenooch tunetaa woyemmi yemeenooch maaroon daneyaachemmone” iye.

Maatiyoosi 13:39

Shixecho tuneꞌi dadaddoon shookkito daabiloosine; qeco yemeenee ciiroone; qeccechinaꞌoo Yeerichi maraakeenaꞌone.

Maatiyoosi 13:40

“Illa dadaddo macaa qaaqqoona bi micoommon, yemeenee ciirooba ebiyoommon tunemmone.

Maatiyoosi 13:7

Baroo wotta angichi xuppo beetooch holliye; are angichi xuppoo naaxii kechiꞌi maahe.

Luqaasi 12:15

Wotta Yesuusi daakkiꞌi ishichiye: “Ashich kasho geto bi gaannee woddo tuno bi qajjitoyich, ittoshi qelloon ariibote! Hiriggoo bulliicheenoo ittoshi qelloon quyebote” iye.

Luqaasi 12:21

“Bi qellich gijjoon kiciichii Yeeri aafoochaa girecho tuneti asho ebiyoommone” iye.

Luqaasi 21:34

“Tunebaani ittoshi mullo miyona, mashoonaa mashaamiti beemi qaatoona dingiraate bi beetaa, Ashi Bushoochi aabo diqqoona shaachoochoommon ittoshin bi yeshaachemmoyich, ittoshi qelloon quyebote.

Luqaasi 8:14

Angichi xuppo beeti showooch holliti yaroomminaꞌo geto, Yeerichi qaaroon boonoshi waayetoyee gubb, beemi gaboo, gaannoonaa mashaamiti beemona kechii bi maatoyich, kashaalli taxxe aafoommi asheenaꞌo getone.

Mishiraachechinaꞌo 8:18

Mishiraachechinaꞌo ashi toommooch kishoon kotiitaa, Yaafe Ayaano kindoon Simoon beeggiꞌi gijjoon kichii,

Roomi 12:2

Gaawetonaa biin emirikkii beetona, shappaalloonoo tuneti Yeerichi daaggoon xiishii ariyoon ittoshi hakkemmoyich, Yeeri andire mulloon bi imaa andirebotalli, hini alemeexi asheenaꞌochi mooyon dabbiyaahote.

1 Qorontoosi 1:20

Illa shalligecho aaye? Muusichi Sheeree dojjecho aaye? Hini yemeenee ariyechi gajjiteyecho aaye? Yeeri alemee shalligoon tuushoo tuniyaanoone?

1 Qorontoosi 2:6

Kiristoosi toommooch mullee tooꞌiyoona kupphetinaꞌo daggoochaa no yibbaataabeeto, ibere shalligoonalli, hini showeexi ashi shalligoon woyee boonoshi oogoochee kindemmi hini showee iraasheenaꞌochi shalligoon toonoone.

1 Qorontoosi 2:8

Hini showee iraasheenaꞌo daggoochee ikkolla ebi shalligoon ariito aalloone; boonoshi ariito gaata, oogee yiiree Doono Yesuusin yoodaacheshinaꞌone.

1 Qorontoosi 3:18

Koniyoona bi qelloon dachaaye. Ittoshi daggoochee koniyoona hini showee toommeexi asheenaꞌochi gaboommon “Shalligecho taane” iꞌi bi gabigaata, shalligechon bi tunemmoyich, tuushoon shaahiree bekkebe.

2 Qorontoosi 4:4

Hini alemoon hajjiibeeti gonde nuggishoo Kiristoosi toommooch mulloon tooꞌiyaaneenaꞌo Yeerichi shaahoo tuneti Kiristoosichi oogee yiiree mishiraachee qaaree bekkoon boonoshi beegaachemmoyich, boonoshi gaboon wolliihe.

Galaati 1:4

Gondo meettiti hini yemeenooch beeti asheenaꞌon shaahiree no beetaachemmoyich, Kiristoosi noon wodiyoyich no Nuggishoonaa no Nihoona tuneti Yeerich deꞌa iꞌi no axaaxoyich deejjoon tunehe.

Efesooni 2:2

Arooba hini alemee asheenaꞌo beeti beemoommon, Yeerich deꞌa getaani asheenaꞌo toommooch and shuuneebeeti ayaanee daaggoommonoo beehote. Ebi ayaanoo yongee toommooch beeti gonde ayaaneenaꞌon hajjiibeeti gonde iraashoone.

1 Ximootiyoosi 6:17

And hini yemeeneexi gaannechi kittinneenaꞌoyich ishichibe: “Qelloon yeepphaahote; bulli mooyon nooch ceechiꞌi bi imaa, ebina no emiremmoyich tuniibeeti Yeerin gibenebotalli, gibeneyaani gaannoon gibeniyaahote.

2 Ximootiyoosi 4:10

Deemaasi hini alemoon shunniꞌi taan qajjii Tasaloonqa hammitone; wotta Qerqiisiyoo Galaatee showooch, Titoosiyoo Dalimaatee showooch boonoshi hammiichaa,