Maatiyoosi 13:21 - Kafa Linguistics Project

²¹ Tunetaa cammon yeshaaneenaꞌo boonoshi tunetoyich yagaachemminaꞌone; Yeerichi qaaree naboona iritoo woyee duꞌo waahooba bekkech giinnii dihechinaꞌone.

Maatiyoosi 13:21 ပူးပေါင်းရင်းမြစ်များ

Iyoobi 19:28

“ ‘Aabichiree biin beshoon duꞌiibona? Bi duꞌee naboo bi qelloona biine’ ii beeto ittoshi tunegaata,

Shoddo 36:3

Bi yibbaatoo maroonaa dawushoonane; shalligoona shuunoonaa deꞌe mooyon tuniyoonon qajjiye.

Shaahiyoo 12:12

Gondeenaꞌochi qaatoo gonde mooyon tuniyoone; tunebaani cadiqeenaꞌo gaawe aafoon aafeheete.

Shaahiyoo 12:3

Gondittino ashoon manjoo tuniyaache; tunebaani cadiqeenaꞌo boonoshi xaaꞌoochee shuuraachemminaꞌone.

Hosee'i 6:4

Aroochee Doono Yeeri ishichiye: “Efreemo, neen aabichibote? Yihudo, neen aabichibote? Ittoshi shoodo maaddee quboommo, harimmona bekkechi shokkeebeeti keetoommone.

Maatiyoosi 10:22

Asheenaꞌo bulli ta naboyich ittoshin shixxemminaꞌone; tunetaa ciirooch beddaahaa manjiꞌi kupphemmo wodemmone.

Maatiyoosi 11:6

Ta mooyona axiraacheyaano bulli diireetone” iye.

Maatiyoosi 13:20

Wotta maacaa xaqqo beeti showooch holliti yaroon shaahii beetinaꞌo, Yeerichi qaaroon waayeꞌi bekkech emiroona deqqii beetinaꞌone.

Maatiyoosi 13:57

Hini mooyo boonoshich xugo tunehe. Tunebaani Yesuusi “Keemechon bi shiijjee showeexi asheenaꞌonaa bi kechi asheenaꞌonoyee beshetaa bareenaꞌo oogiyaanoon qayaacheete” iye.

Maatiyoosi 13:6

tunetaa aabe michimmona shoolliye; cammon awuro bi qajjitoyich, shuuqqiye.

Maatiyoosi 24:13

Tunetaa ciirooch beddaahaa manjiꞌi kupphemmo wodemmone.

Maatiyoosi 26:31

Arooba Yesuusi bi dabbeenaꞌoyich ishichiye: “ ‘Yeeri “Qiddoon xoobbemmo taane; bageenaꞌo shacemminaꞌone” iꞌi gettitone’ getaa kooreetone; ebich hanaach xum ittoshi bulli taan qajjemmo ittoshine.

Maatiyoosi 26:33

Arooba Pheexiroosi tiyiꞌi, “Bareenaꞌo bulli neen boonoshi qayi gaatoona, ta neen cir qayaache” iye.

Maariqoosi 4:17

Tunetaa cammon yeshaaneenaꞌo boonoshi tunetoyich yagaachemminaꞌone; Yeerichi qaaree naboona iritoo woyee duꞌo waahooba bekkech giinnii dihechinaꞌone.

Luqaasi 8:13

Wotta maacaa xaqqechi showooch holliti yaroomminaꞌo geto, Yeerichi qaaroon waayeꞌi bekkech emiroona deqqiibeeti asheenaꞌo getone. Tunebaani cammon yeshaaneenaꞌone; boonoshi mulloon Yeeri toommooch boonoshi tooꞌiibeeto andichalli, daabiloosi boonoshin gondoon shuuniiya bi qiiccehooba, gubb shokiree echemminaꞌone.

Yowannisi 6:26

Yesuusi wochiꞌi ishichiye: “Iberoon ittoshich gettoye: Taan ittoshi qaawiibeeto, koshon maaꞌi ittoshi michitoyichalli, malletoon ittoshi beeggitoyich toonoone.

Roomi 2:7

Gaawe mooyon shuunoona kuppheebee oogee yiiroonaa naadoonon, bulli yemeenee kashoonoo qaawii beetinaꞌoyich, bulli yemeenee kashoon immemmone.

Galaati 5:6

Ebiyoo Kiristoos Yesuusina tunetoyich, dokireyoo woyee dokireyee qayo bi gaaccemmi gaaco amolla aallo bi tunetoyichiye; gaaccemmo shunoona shuuneebeeti, Kiristoosi toommooch mullee tooꞌiyoo baachiye.

Galaati 6:12

Boonoshi meenona gaaweton tuneree bekkeya qaawii beetinaꞌo dokireebote iꞌi ittoshin yullii beetinaꞌone. Ebin boonoshi tuniibeeto, Kiristoosichi masqalee naboona duꞌo boonoshi toommooch bi shagaachemmoyichiye.

Galaati 6:15

Kiristoos Yesuusina andire halloon tunoani, dokireyoo woyee dokireyee qayo gaaccemmo toonoone.

Filipphisiyoosi 1:6

Ebi gaawe shuunoon ittoshina shuunooch giyiti Yeeri, Yesuus Kiristoosi wotteree bi woyemmi aabooch beddaahaa are shuunoon shuune ciichemmo bi tunoon manjiiꞌa ariito taane.

2 Ximootiyoosi 1:15

Isiyee showooch beeti kittinneenaꞌo bulli ta waanee boonoshi shokoon ariibeeto neene; Fugeloosinaa Herimogeneesina are shokitinaꞌo daggeexinaꞌone.

2 Ximootiyoosi 4:10

Deemaasi hini alemoon shunniꞌi taan qajjii Tasaloonqa hammitone; wotta Qerqiisiyoo Galaatee showooch, Titoosiyoo Dalimaatee showooch boonoshi hammiichaa,

Yaaqobi 3:2

No bulli wodde mooyona muriccaabeeto noone; bi yibbaateebeeti yibbaatoona muricaano koniyoona bi beegaata, are asho bi hullimalloon quyo hakkiibeeti, shappaalli ceeni ashoone.

1 Pheexiroosi 1:5

Ittoshi mulloon Kiristoosi toommooch ittoshi tooꞌii beetoyich, yemeenee ciirooba bekkeya qanniti wodoyich Yeerichi giidoona quyeeꞌi beeto ittoshine.

Yaaꞌoo 2:13

Ne beeto Sheexaanoo taateꞌi beeti xaaꞌooch bi tunoon ariibeeto taane; tunebaani ta toommooch mulloon tooꞌiyoona manjito neene. Sheexaanoo beeti ittoshi katemoochaa taach gibeneeto tuneꞌi taachon miixeti Antiphaasi wuxeehoobee yemeenoobolla, ta toommooch mulloon tooꞌiyoon nookkeyaano neene.