Maatiyoosi 13:19 - Kafa Linguistics Project

¹⁹ Yeerichi taatittinee qaaroon waayeꞌi shalligaano bulli toommooch gondoochi nihoo woyemmone; boonoshi mullooch shookketi qaaroon maciree daammemmone; eboshi gommi gashooch holliti yaroomminaꞌone.

Maatiyoosi 13:19 ပူးပေါင်းရင်းမြစ်များ

Shaahiyoo 1:7

Doono Yeerin shato ariyee shiichoone; tunebaani tuusheenaꞌo shalligoonaa sheeroonon hoxeheete.

Shaahiyoo 17:16

Tuushe asho mullaallo bi tunetoyich, shalligoon danoyich gijjoon bi qoccitaa, amo halleshe?

Hiziqeeli 31:18

“ ‘Faroono, ebi shaahiyoo bi bekkiibeeto neennaa dofee ne asheenaꞌononiye. Oogee yiiroonaa oogoona Edeni mixinaꞌoochee koni neen shaahehe? Tunebaani newoo wotta Edenee mixinaꞌona tookki deshi showooch kindemmo neene; goraadoona qititi dokireyaaneenaꞌochi daggooch qeyemmo neene’ iye Nuggishoo Doono Yeeri, gete” iye.

Maatiyoosi 12:26

Sheexaanoo Sheexaanoon asheenaꞌo toommoochee yookkiibeeto bi tunegaata, biinnaa biinna shacete getone. Illa bi taatittine aabichiree neexehane?

Maatiyoosi 13:20

Wotta maacaa xaqqo beeti showooch holliti yaroon shaahii beetinaꞌo, Yeerichi qaaroon waayeꞌi bekkech emiroona deqqii beetinaꞌone.

Maatiyoosi 13:38

budoo alemoone. Deꞌe yaroo Yeerichi taatittinee bushiisheenaꞌone; dadaddoo gondoochi nihoo bushiisheenaꞌone.

Maatiyoosi 4:23

Ebiyee gubb, Yesuusi Ayihudeenaꞌo kiceebeeti kexoochaa dojjiibee, Yeerichi taatittinee mishiraachee qaaroon gettiibee, biiyo bulliichee asheenaꞌon wodiibee, Galiilee showoo bullina guuddii beehe.

Maatiyoosi 5:37

Tunebaani tunemmon tunebe, tuneyaachemmon tuneyaache gete. Ebiyee baroon ne yibbaategaata, aroo gondoochi nihoo waaneeniye” iye.

Maariqoosi 4:15

Shookkii bi beetaa, gommi gashooch holliti yaroon shaahii beetinaꞌo Yeerichi qaaroon boonoshi waayemmona, bekkech Sheexaanoo waaꞌi hini are boonoshi waayeti qaaroon boonoshi mulloochee maciꞌi daammiibeeti asheenaꞌone.

Luqaasi 10:9

are katemooch beeti biiyechinaꞌon wodiibote; arooch beeti asheenaꞌoyichoo ‘Yeerichi taatittine ittoshi kellooch shaggetine’ getote.

Luqaasi 9:2

Yeerichi taatittinee mishiraachee qaaroon boonoshi gettemmonaa biiyechinaꞌon boonoshi wodiyemmonoyich wochehe.

Yowannisi 18:38

Phelaaxoosiyoo “Iberoo amoone?” iye. Phelaaxoosi ishichiichii, wochinnoon Ayihudee ukkireenaꞌo waan maach kechiꞌi, “Ta bi toommoochee gondoon daneyaano taane.

Yowannisi 8:43

Ta gettaa beeton amoyich shalligaachote? Ta qaaroon waayo ittoshi mawiitoyichiye.

Mishiraachechinaꞌo 17:32

Phawuloosi “Qititinaꞌo tiyemminaꞌone” iꞌi bi getaa, waayetinaꞌo daggoochee qatinaꞌo cooneheete; wotta qatinaꞌo “Hini mooyon wochiree ne getaa waayebone” iyeete.

Mishiraachechinaꞌo 18:15

Yibbaateechon, shigeechonaa ittoshi sheereechonon ittoshi gajjiteyemmo gaata, ittoshi qelloona ciichibote. Ta hini mooyooch giyiree nallaache” iye.

Mishiraachechinaꞌo 20:25

“Ta ittoshi bulli daggooch guuddaabee, Yeerichi taatittineechon dojjito taane; ebiyee gubb illa ta aafoon beegaachemmo ittoshi tunoon ariibeeto taane.

Mishiraachechinaꞌo 28:23

Boonoshiyoo bare aaboon taajjeꞌi, are taajjee aabooba meetinaꞌo tuneꞌi Phawuloosi beeti kexooch waaheete. Biyoo maaddoochee tiijjiꞌi xum beddaahaa, Yeerichi taatittineechon miixoona bi gaboon bekkiihe; Muusichi Sheeroonaa keemechinaꞌochi macaafoonoochee galliibee, Yesuusichon gettiibee, boonoshi mullooch gedda qiiccehe.

Roomi 1:28

Yeerin ariyoon gaacaallo shaahiiꞌi boonoshi gabitoyich, tuneyaani mooyon boonoshi hallemmoyich, Yeeri boonoshin qajjiye; ebich xumme gaboon baach gabiyeete.

Roomi 14:17

Ebiyoo Yeerichi taatittino cadiqoonaa diggoona, Yaafe Ayaanoochee tuneti emiroonalli, maayoonaa uyoonochi mooyo tuno bi qajjitoyichiye.

Roomi 2:8

Tunebaani beshi bekkeya qaawii beetinaꞌo toommooch, iberoyich deꞌa geton qajjiichii xumme mooyon shuunee beetinaꞌo toommooch, kaaree shiixxoonaa naxoona kindemmone.

Efesooni 3:8

Yaafeenaꞌo bulliyee desho taane; tunebaani koniyoona maqqiꞌi ariyoon hakkaani Kiristoosichi wojjeechon Aageteenaꞌoyich ta gettemmoyich, bullinoo halliti Yeeri wonnee yemeenoochee aacheeti, shuuneya bi gabiti mooyo amo gaata asho bullich gaxxi ta gettemmoyich, hini wojjoon taach immiye.

2 Tasaloonqi 2:12

Yeeri ebin bi tuniibeeto, iberee qaaroon iberiyaaneenaꞌonaa axaaxoon shuunoona emirii beetinaꞌo bullinochi toommooch bi nallemmoyichiye.

Hibireena'o 2:1

Ebich no waayeti mooyoochee muriciree no dihaachemmoyich, no waayeti mooyoyich beshoon no qelloon quyo nooch qaawiihe.

1 Yowannisi 3:12

Qayeeliyoommon tunaayone; aroo gondoochi nihoo magechone; aroo bi hajjee manoon wuxiye. Amoyichiye bi wuxito? Bi hajjee shuunoo gondo, bi manoochi shuunoo cadiqo bi tunetoyichiye.

1 Yowannisi 5:18

Illa Yeer waanee shiijjeto bulli axaaxoon bi shuunee qayon ariibeeto noone. Yeerichi Bushoo biin bi quyee beetoyich, gondoochi nihoo bi achooch shagaachemmone.

1 Yowannisi 5:20

Wotta Yeerichi Bushoo womonaa iberoo tuneti Yeerin no ariibeeti mulloon nooch bi imonon ariibeeto noone. Iberoo tuneti Yeerina tookkii nooch ikkittino beetone; wotta bi Bushoo Yesuus Kiristoosina tookkii nooch ikkittino beetone. Biyoo ibere Nuggishoonaa bulli yemeenee kashoonane.