Maatiyoosi 13:11 - Kafa Linguistics Project

¹¹ Yesuusi wochiꞌi ishichiye: “Yeeri shimaajji taatittinee maacee mooyon ittoshich arichiitone; tunetaa bareenaꞌoyich arichiyaanoone.

Maatiyoosi 13:11 ပူးပေါင်းရင်းမြစ်များ

Shoddo 25:14

Doono Yeeri biin shattii beetinaꞌoyich maaci bi mooyon aachaache; bi wogoon boonoshi ariyemmoyich tuniihe.

Isiyaasi 29:10

Doono Yeeri tokketee ayaanoon ittoshi toommooch minjitone; keemechinaꞌo aafoon kaappitone; yaaꞌoon beeggii beetinaꞌochi qelloon oppetone.

Isiyaasi 29:11

Ebi yaaꞌoo bulli ittoshich nasheeti macaafoommon tunetone; shemmoon hakkii beetoyich, “Ebin shemmebe” iꞌi boonoshi imigaata, biyoo wochiree “Nashee bi itoyich hakkaache” gettemmone.

Isiyaasi 35:8

Arooch gommo kechemmone; ebiyoo Yaafee Gommo getteyemmone; xalleyaaneenaꞌo aroona besheyaachemminaꞌone; aroona hammemminaꞌo Yeer asheenaꞌo baachiye; tuusheenaꞌo aroona hamaachemminaꞌone.

Maatiyoosi 13:10

Ebiyee gubb, bi dabbeenaꞌo Yesuus waan giddeꞌi, “Amoyichiye asheenaꞌoyich shaahiyoona ne gettaabeeto?” iꞌi echeheete.

Maatiyoosi 16:17

Yesuusiyoo wochiꞌi ishichiye: “Yoonichi bushoo Simoono, ebin neech bekkiito shimaayooch beeti ta Nihoani asho toonoone; ebich diireeto neene.

Maatiyoosi 19:11

Yesuusi wochiꞌi, “Ebi mooyo Yeeri immitinaꞌoyichani bullich toonoone.

Maatiyoosi 20:23

Yesuusi wotta “Ta uchemmi xoofoochee uchemmo ittoshine. Tunebaani ta qannoonaa ta yoochoonooch ittoshi kotemmoyich immemmo ta toonoone. Ebi are xaaꞌeenaꞌon ta Nihoo qanniiree bi immemmo, bi kaacciti asheenaꞌoyichiye” iye.

Maariqoosi 10:40

Tunebaani ta qanne baddinaa ta yooche baddinooch ittoshi kotemmoyich immemmo ta toono taane. Ebi are xaaꞌeenaꞌon Yeeri qanniiree bi immemmo, bi kaacciti asheenaꞌoyichiye” iye.

Maariqoosi 4:11

Yesuusiyoo boonoshich ishichiye: “Yeeri bi taatittinee maacee mooyon ittoshich arichiitone; tunetaa bareenaꞌoyich bulli mooyo shaahiyoona bi getteebeeto, ‘Ciinibee boonoshi beegaachemmoyich, waayebee boonoshi shalligaachemmoyich, Yeer waan boonoshi wotteyaachemmoyich, boonoshi axaaxoo bi maareyaachemmoyichiye’” iye.

Luqaasi 8:10

Yesuusiyoo ishichiye: “Yeeri bi taatittinee maacee mooyon ittoshich arichiitone; tunebaani bareenaꞌoyich bulli mooyo bi getteebeeto shaahiyoonane. Ebiyoo, ciinibee boonoshi beegaachemmoyich, waayebee boonoshi shalligaachemmoyichiye” iye.

Yowannisi 6:65

Daakkiꞌi ishichiye: “Ebich ishichiyoye: ‘Nihoo Yeeri biich hakkoon imaan gaata, ta waan womon hakkemmo aalloone’ ” iye.

Yowannisi 7:17

Koniyoona Yeeri shunniton tuniyoyich bi qaawigaata, aroo hini ta doyoo Yeer waanee bi tunoon woyee ta, ta qelloona ta geton ariyemmone.

Mishiraachechinaꞌo 16:14

Kiceeꞌi waayeebeeti genneenaꞌo daggooch Liidi getteebeeti, Yeerich qeyaabeeti ikke ure beehan. Biyoo Tiyaxirooni katemoochee waaꞌa, aaxxe gatiyechi damere qoreddoon giixaa beetine. Arooba Phawuloosi gettii beeton manjiiree bi ellemmoyich, Yeeri bi mulloon qechiye.

Roomi 11:25

Ta maneenaꞌote! Ebi maacee mooyon ittoshi tuushemmon shunaache. “Mullecho noone” getiree naadeyahote. Yeer waan wottemmi Aageteenaꞌo bulli Yeerichi taatittineech boonoshi giyimmi wottoon ikkikke Israꞌeeleenaꞌo mullo muumetone.

Roomi 16:25

Bulli yemeenee Nuggishoo wonnee yemeenoochee tiijjiꞌi aachaa yagiti mooyon “and galleebe” itone. Ebich keemechinaꞌo boonoshi kooriti macaafoochaa xallayii gettitinaꞌone; aageteenaꞌoo boonoshi mulloon Yesuus Kiristoosi toommooch tooꞌiiree biich deꞌa boonoshi gettemmoyich waayeꞌi ariitinaꞌone. Illa ta gettaabeeti mishiraachoommona Yesuus Kiristoosicho getteebeeti wochoommon ittoshin kupphiyoon hakkemmi,

1 Qorontoosi 13:2

Keemoon keemmi hakkoo taach bi beetaa, Yeerichi maacee mooyo bullin ariiꞌa ariyoo bullin dano ta hakkitaa, Yeerin gibenaꞌa geppoon “Hiniichee tiyiree okk ebiich beshebe” iyaꞌa tuniyoon ta hakkitaa, shuno taach aallegaata, shokkaachoo taane.

1 Qorontoosi 15:51

Ellebote! Ikke maacee mooyon ittoshich getona: No bulli qitaachemmo noone; tunebaani ciireexi tiroo hugaa, no bulli qillifee yexx bekkech shaddeyemmo noone. Are tiroo hukkemmone; qititinaꞌo oꞌaachemminaꞌo tuneree tiyemminaꞌone; nowoo bekkech shaddeyemmo noone.

1 Qorontoosi 2:14

Yaafe Ayaano biich aalli asho Yeerichi Yaafe Ayaanee mooyon duubo bi tunii beetoyich, danoon hakkaache; shalligoonoo hakkaache; shalligoon hakkoo bi qajjiibeeto, ebi moochi gaacoon maqqiꞌi ariyoon hakkemmo, Yaafe Ayaano biich beeti asho baach bi tunetoyichiye.

1 Qorontoosi 2:7

Hini shalligoo Yeerichi maacee mooyone; Yeeri yemeeno bulliyee aaf “Hini shalligoona oogee yiiroon boonoshich immemmo taane” iꞌi nooch gabiꞌi bi kotiiti yemeenoochee tiijjiꞌi hanaach beddaahaa, aacheeti mooyone.

1 Qorontoosi 4:1

Kiristoosichi maddechonaa Yeerichi maacee mooyon gaxxaꞌa gettaa bechaabeeti bi yakkirechona no tunoon asho bulli gabibe.

1 Qorontoosi 4:7

Haano, bareenaꞌoyee besho neen tuniito, konine? Yeeri neech imaanee mooyo amo beete? Illa Yeeri neech immito bi tunegaata, amoyichiye Yeer waanee ne daneyaani wojjoon tuniiꞌa geecaabee ne naadee beeto?

Efesooni 1:18

Wotta ta qollaabeetoo, ittoshi mullee aafo gaxxeeree ciinaa, ittoshin bi ceeggiti gibeno amo gaata, bi yaafeenaꞌoyich bi immemmi worganikkiti iristo amoommo gaata, no mulloon Kiristoosi toommooch tooꞌiibeeti nooch shuuneebeeti bi giidoo am shaahe ooge giidoo gaata ittoshi ariyemmoyichiye.

Efesooni 1:9

bi gabiton Kiristoos waanaa tuniiya bi shunnitoommon tuniihe; ebiyee aafoo asho ariyaani bi daaggoon nooch arichiitone.

Efesooni 5:32

Ebi wohi maacee mooyone; tunebaani ebin ta gettaabeeto, Kiristoosichonaa kittinnee guuphochonochi shaahiyoon tuniꞌaaniye.

Efesooni 6:19

Wotta mishiraachee qaaree maacee mooyon aafee kupphoona getoyich ta noonoon ta qechaa qaaroon taach Yeeri immemmoyich qollebote.

Qolaasiyaasi 2:2

Ta qiiccaabeeto, boonoshi mullo kupphemmonaa shunoona boonoshi ikkottemmonoyich, ceeni shalligoon daneree Yeerichi maacee mooyo tuneti Kiristoosin boonoshi ariyemmoyichiye.

1 Ximootiyoosi 3:16

Biich diireeti kittinnee qocoona beemichon Yeeri gaxxiti maacee mooyo worganikkiibeeti ooge mooyo bi tunoon koniyoona nookkeyaache; ebiyoo: Asho tuneꞌi bekketo, cadiqo bi tuno Yaafe Ayaanoona miixeeto, maraakeenaꞌoyich bekketo, aageteenaꞌo bulliich awaajjeeto, alemooch gibeneeto, oogee yiiroona shimaajj kechito, ii beetone.

1 Ximootiyoosi 3:9

axaaxoon tiyaareebeeti xalle mullechinaꞌo, Kiristoosi toommooch ceeni mullee tooꞌiyoonaa Yeeri gaxxiti iberee ariyoona kupphetinaꞌo tunebeete.

Yaaqobi 1:5

Ittoshi daggoochee koniyoona shalligoo biich shappi gaata, qoonaanoon mulloochee tiijjiꞌi bullich immiibeeti Yeerin qollebe; biichoo ichemmone.

1 Yowannisi 2:20

Tunetaa ittoshi Yaafoo waanee huutoon deqqito ittoshine; ebich ittoshi bulli iberoon ariibeeto ittoshine.

1 Yowannisi 2:27

Tunebaani Kiristoos waanee ittoshi deqqiti huuto ittoshina tookkii beetone. Biyoo bulli mooyon ittoshich bi dojjii beetoyich, bare asho ittoshich dojjoo qaawiyaache. Aroo ittoshich bi dojjiibeeto iberoonalli kootoon toonoone. Illa bi ittoshich dojjitoommon Kiristoosina tookkii ittoshich beeti ikkittinoona manjiree beebote.