Maatiyoosi 12:41 - Kafa Linguistics Project

⁴¹ Nallaa gallooba Nanawi katemeexi asheenaꞌo neexeree hini yemeeneexi asheenaꞌon taggemminaꞌone; ebiyoo Yoonaasi Yeerichi wochoon bi getaa waayeꞌi axaaxee gommoochee Yeer waan boonoshi wottetoyichiye. Andoo Yoonaasiyee besho hiniich beetone.

Maatiyoosi 12:41 ပူးပေါင်းရင်းမြစ်များ

Isiyaasi 54:17

Neen koyoyich shuuneeti ginee qiico shuuneyaachemmone; neen taggeꞌi ne toommooch tiyimmo bullin nallee xaaꞌoochaa xoobiyemmi neene. Doono Yeerichi maddechinaꞌo iristo ebine; ta waanee boonoshi danemmi cadiqoo ebine” iye Doono Yeeri.

Erimiyaasi 3:11

Doono Yeeri taach ishichiye: “Dachechi Yihudi gibeneyaani Israꞌeeliyee beshi gonde tunehane.

Yoonaasi 1:2

“Tiyiree ooge katemoo Nanawa hambe; are katemeexi asheenaꞌochi axaaxoo ta aafooch bi bekketoyich, hamiree boonoshich ‘Magge axaaxoon shuuneto ittoshine’ gete” iye.

Yoonaasi 3:4

Yoonaasiyoo katemee daggoona ikke qemi gommon hammiꞌi, “Aabbe qemoyee gubb, hini Nanawi katemoo tiishe aallemmone” iꞌi cookiye.

Maatiyoosi 12:39

Tunetaa bi wochiꞌi ishichiye: “Hini gondoonaa yahechona tuneti shiijjeroo malletoon beegoyich qaawii beetone; tunetaa keemechi Yoonaasichi malletoyee besh bare malletoo biich icheyaachemmone.

Maatiyoosi 12:42

Deshi-waanee waati taatee nallaa gallooba neexeree hini yemeeneexi asheenaꞌon taggemmine; ebiyoo Solomooni gettiibeeti shalligoon waayoyich showee tuggoochee bi waatoyichiye. Ebiyoche, Solomooniyee besho hiniich beetone” iye.

Maatiyoosi 12:45

Aroyee gubb, hammiꞌi biyee gonde shabaatte bare yinneenaꞌon kicii dabbii deebiye; boonoshiyoo biinna tookkii arooch giyiꞌi koteheete; are uroyich aafichoyee andi beemo beshoon gondehe. Hini yemeenee gonde shiijjeroyich wotta ebiyoommon tunemmone” iye.

Maatiyoosi 12:6

Tunebaani ittoshich gettoye: Yaafee kexoyee besho hiniich beetone.

Maatiyoosi 16:4

Hini gondoonaa yahechona tuneti shiijjeroo malletoon beegoyich qaawii beetone; tunetaa Yoonaasichi malletoyee besh bare malletoo biich icheyaachemmone” iye. Bi ishichitoyee gubb arooch boonoshin duppiichii bare xaaꞌooch hammiye.

Maatiyoosi 17:17

Yesuusi wochiꞌi boonoshich ishichiye: “Hini, Yeeri toommooch mulloon tooꞌiyaani xumme shiijjereenaꞌote! Aati wottoon ittoshina tookki beeyehote? Amee wottoon ittoshin haaꞌiyehote? Eke ta waan bushoon deebote” iye.

Maatiyoosi 23:36

Iberoon ittoshich gettoye: Ebi bullichi nalloo hini shiijjeroo toommooch kindemmone” iye.

Luqaasi 11:32

Nanawi katemeexi asheenaꞌo nallaa gallooba neexeree hini yemeeneexi asheenaꞌon taggemminaꞌone; ebiyoo Yoonaasi Yeerichi wochoon getaa waayeꞌi, axaaxee gommoochee Yeer waan boonoshi wottetoyichiye. Ebiyoche, Yoonaasiyee besho hiniich beetone” iye.

Yowannisi 3:31

“Damba shimaayoochee waabeeto bulliyee beshoone; dechi showoochee tuneebeeto showeexone; showee toommeexi mooyoniye bi gettiibeeto. Shimaayoochee waabeeto bulliyee beshoone.

Yowannisi 4:12

Hini aachi oppoon nooch immito no qaabbechi nihoo Yaaqobine; biyoo, bi bushiishoo, bi miimo bulliyoo hiniichee uchitinaꞌone. Newochi biyee besho neene?” iyan.

Roomi 2:27

Ebich icheti Sheeree Macaafo neech beetonaa dokireetona tunaachaa ebi sheeroon shaaddaabeeti ne toommooch Muusichi Sheerooch kooreeton ceechiibeeti, bi meenona dokireyaano nallemmone.

Hibireena'o 11:7

Noohi, Yeeri toommooch mulloon tooꞌiyoona batt bekkeyaan beeti mooyon Yeeri biich arichiitaa, Yeerin shattiꞌi biinnaa bi kechi asheenaꞌonon wodiyemmi markaboon shuunee qanniihe. Ebina aroobee yemeenooch beeti asheenaꞌochi gonde mooyon xalla bekkiihe; mullee tooꞌiyoona daneebeeti cadiqoon Yeer waanee danehe.