Maatiyoosi 12:34 - Kafa Linguistics Project

³⁴ Hini xekeree bushiisheenaꞌote, ittoshi gondo tuneechi tiyi aabichiree deꞌe yibbaatoon yibbaato hakkehote? Asho bi gettiibeeto bi mullooch ceenniti mooyoocheeniye.

Maatiyoosi 12:34 ပူးပေါင်းရင်းမြစ်များ

Shoddo 53:1

Mullaalli asheenaꞌo boonoshi mulloona “Yeeri aalloone” iyeete; ebi asheenaꞌo duubeenaꞌone; boonoshi shuunoo ciigeetone; gaawe mooyon tuniibeeto ikkolla aalloone.

Shoddo 64:3

Boonoshi heciyoon goraadoochoommon aciiheete; boonoshi yibbaatoon xuppattechi shangoochoommon awureheete.

Shoddo 64:5

Gonde mooyon tuniiya boonoshinaa boonoshina koceeheete; aashoona olloon olloyich yibbaateheete. “Noon koniyoona beeggaache” ii gabiyeete.

Shaahiyoo 16:23

Mullechochi mullo, bi noonoon quyehe; bi noonoochoo ariyoon daakkiye.

Shaahiyoo 4:23

Kashee tunoo bi tunetoyich, bulli mooyoyee beshiiree ne mulloon quyebe.

Isiyaasi 32:6

Yeexeroo yeexeree yibbaatoon yibbaatehe; bi mullo gondoon gabiye; Yeeri aalli mooyon tuniihe; Doono Yeerichon koote mooyon yibbaatehe; shaacetoyich maanjaache; shachewetoyichoo uchaache.

Isiyaasi 59:14

Dayinneto gubb wottetone; cadiqoo wokkii neexetone; iberoo addibaaboochaa tepheetone; kaamoo gimon hakkaanoone.

Isiyaasi 59:4

Dayinnetoon qaawiibeeto, nallee gabberooch iberittinoona hammiibeeto aalloone; gaacaalli mooyon gibenetinaꞌone; kootoon yibbaateheete; gondoon yeqqefeꞌi axaaxoon shiyiheete.

Isiyaasi 9:17

Ebich Doono Yeeri gurimaasheenaꞌona emiraachemmone; nihaalli bushiisheenaꞌonaa kenaalli maacheenaꞌonoyichoo ariqqeyaachemmone; bulliyona Yeerich qeyaaneenaꞌonaa gonde shuunechinaꞌonane; boonoshi bulli noonoochee gonde yibbaatoo kechiye; ebi bulli tunetaanoona Doono Yeeri kaaro besheyaanoone; andoo bi mochoon tiijjiꞌiniye bi beeto.

Maatiyoosi 12:35

Deꞌe asho bi mullooch bi kotiiti deꞌe mooyoochee deꞌoon kichiye. Gonde asho bi mullooch bi kotiiti gonde mooyoochee gondoon kichiye.

Maatiyoosi 15:18

Tunetaa noonoochee kechiibeeto, mulloocheeniye bi kechiibeeto; ashoon eeꞌiibeeto aroone.

Maatiyoosi 23:33

“Hini dingereenaꞌote! Xekerechi bushiisheenaꞌote! Yeeri nallemmi shiweree qaaqqoochee aabichiree muriccehote?

Maatiyoosi 3:7

Tunebaani Fariseenaꞌonaa Saduuqeenaꞌonochi daggoochee meeti asheenaꞌo aacona afaalleyoyich bi waan boonoshi womon Yowannisi beeggiꞌi, boonoshich ishichiye: “Hini xekerechi bushiisheenaꞌote! Yeer waanee kindemmi kaaree shiixxoochee ittoshi wokkemmoyich, konine ittoshich gettito?

Luqaasi 3:7

Ebich Yowannisi aacona afaalleya bi waan waati dofee asheenaꞌoyich ishichii beehe: “Hini xekerechi bushiisheenaꞌote! Yeer waanee kindemmi kaaree shiixxoochee ittoshi muriccemmoyich, konine ittoshich gettito?

Luqaasi 6:45

Asho bi gettiibeeto bi mullooch ceenniti mooyoocheeniye. Deꞌe asho bi mullooch bi kotiiti deꞌe mooyoochee kichiye; gonde ashoo bi mullooch bi kotiiti gonde mooyoochee kichiye” iye.

Yowannisi 8:44

Ittoshiyoo, ittoshi nihoo daabiloosichi bushiishoo ittoshine; ittoshi nihoochi qaatoon ceechoon shunniyote. Biyoo shiichiꞌi kashee kichechone; iberoo bi maacooch bi aalletoyich, iberee gommooch neexeyaanoone. Biyoo kootecho, kooto bullichi nihoone; ebich kootoon bi gettii beegaata, bi mullooch beeton gettiye.

Efesooni 4:29

Waayee beetinaꞌoyich diiroo tunemmi, asheenaꞌon eenniyemmi, boonoshichoo gaaccemmi gaaweti mooyon getotalli, amee gonde mooyolla ittoshi noonoochee kechaaye.

Efesooni 5:4

Ittoshich bi tuniiti mooyo bullich Yeerin galletebotalli, ittoshich tate shuunoo tuneyaani, yeelliibeeti mooyon, bache yibbaatoon woyee gonde naacoon tuniyaahote.

Yaaqobi 3:2

No bulli wodde mooyona muriccaabeeto noone; bi yibbaateebeeti yibbaatoona muricaano koniyoona bi beegaata, are asho bi hullimalloon quyo hakkiibeeti, shappaalli ceeni ashoone.

1 Yowannisi 3:10

Yeerichi bushiisheenaꞌonaa daabiloosichi bushiisheenaꞌona ebina bariꞌi arichee beetinaꞌone: Cadiqee shuunoon shuuneyaano, bi manoonoo shunaano, Yeerichi bushoo toonoone.

1 Saameeli 24:13

Wonnee asheenaꞌochi tochoochaa ‘Gonde asheenaꞌo waanee gonde mooyo kechiye’ getteetone; tunebaani ta ne toommooch amee gondoonona tuniyaachemmo taane.