Maatiyoosi 12:31 - Kafa Linguistics Project

³¹ Ebich ittoshich gettoye: Asheenaꞌo shuuneebeeti axaaxoonaa boonoshi naageebeeti naago bullina maareyemmone; tunebaani Yaafe Ayaanoon naaggii beeti asho maaroon daneyaachemmone.

Maatiyoosi 12:31 ပူးပေါင်းရင်းမြစ်များ

Isiyaasi 1:18

Doono Yeeri ishichiye: “Ittoshi waataa ittibateebone. Ittoshi axaaxoo uchilloo ceelloommon bi ceelleteenona, kecho naccoommon naccemmone; damoo celloommon bi ceelleteenona, huuttoo naccoommon naccemmone.

Isiyaasi 55:7

Gonde asho bi gommon, axaaxecho bi gaboon qaye; no Nuggishoochi ariqqo woddoo bi tunetoyich, biinoo bi maaremmoyich Doono Yeer waan wottebe.

Hiziqeeli 33:11

‘Ta, beeyechi Nuggishoo Doono Yeeri ta tunoona wogehoye: Axaaxecho bi gommoochee wotteree kashoona bi beeyemmoyichani, bi qitoona emiraache. Israꞌeelee macceenaꞌote, wottebote. Ittoshi gonde gommoochee wottebote. Amoyichiye ittoshi qitemmo?’ itone gete.

Leweenaꞌo 24:16

Doono Yeeri ta shigoon naaggimmo qitibe. Iiteenaꞌo bulli biin xaqqoona yexi wuxibeete. Israꞌeelee showooch koteti shiqqoo tuneba showee bushoo, asho koniyoona Doono Yeeri ta shigoon bi naagigaata, qitibe.

Luqaasi 12:10

Ashi Bushoo toommooch gondoon yibbaatee beeto maareyemmone; tunebaani Yaafe Ayaanoon naaggimmo maaroon daneyaachemmone.

Mishiraachechinaꞌo 7:51

“Illa hini ittoshi mullo muumeti, ittoshi waamoo ulleti babbereenaꞌote! Ittoshi qaabbechinaꞌochoommon ittoshiyoo wotta bulli aaboon Yaafe Ayaanoyich deꞌa getaano ittoshine.

Hibireena'o 10:26

Mishiraachee qaaree iberoon no ariitoyee gubb, shunnaꞌa axaaxoon no shuunegaata, ebiyee damba no axaaxoon wokkiyoyich giddemmi bare deejjoo aalloone.

Hibireena'o 10:29

Illa Yeerichi Bushoon qallayito, bi axaaxoochee bi yaafeeti, ebi andire Yeerichi wogoon manjiibeeti Yesuusichi damoon hoxeeti mooyoommon tuniiꞌi haddito, Yeerichi wojjoon bi daneti Yaafe Ayaanoon naaggito, amoon tunemmo ittoshich shaahii beete? Am shaahoon beshe shattii, giiriiti naxo bi toommooch kindemmo tunehe?

Hibireena'o 6:4

Ikke wottoon Yeerichi wocho iberoo bi tunoon ariitinaꞌon, Yeerichi wojjoochee quupphii beeggitinaꞌon, Yaafe Ayaanoochee qoodeyecho tunetinaꞌon,

1 Yowannisi 1:9

Tunetaa no axaaxoon Yeerich no aannigaata, biyoo no axaaxoon maaroonaa no gondo bulliichee noon xalliyoonoyich, gibeneetonaa cadiqoonane.

1 Yowannisi 5:16

Wotta koniyoona ikke bi manoo qitooch biin bechaachemmi axaaxoon bi shuunee beetaa bi beegigaata, corootibe; arooba Yeeri ebi qitooch biin bechaachemmi axaaxoon shuuneebeeti uroyich kashoon immemmone. Ashoon qitooch bechiibeeti axaaxoo beetone; ebiyoommi axaaxoyich qollebe getaache.