Maatiyoosi 11:8 - Kafa Linguistics Project

⁸ woyee amoon beegga hammiyote? Deꞌe tahoon taheti uroon beegga hammiyote? Deꞌe tahoon taheti asho taateenaꞌo kexoochiye bi beeto.

Maatiyoosi 11:8 ပူးပေါင်းရင်းမြစ်များ

2 Taateenaꞌo 1:8

Boonoshiyoo, “Huushechi tahoon taheti uroone. Bi shimetoochoo shachoon cuyetone” iyeete. Aroochee taatoo, “Ebi aroo Tishibee asho Eliyaasine” iye.

Isiyaasi 20:2

Arooba Doono Yeeri Amootsi bushoo Isiyaasin, “Dookoon ne qeddoochee shoote; caammoonoo ne baatoochee kichibe” iye. Isiyaasiyoo deꞌa iꞌi shokke qeddoon, shokke baatoonoo shaꞌee beehe.

Zakaariyaasi 13:4

“Ebiyooba keemecho bulli keemoon keemmii bi beegaata, bi beeggiibeeti yaaꞌee naboona yeellemmone. Asheenaꞌon dachoyich huushechi tahoon taheyaachemmone.

Maatiyoosi 11:7

Yowannis waanee wocheetinaꞌo wotteꞌi boonoshi hammii beetaa, Yesuusi Yowannisi mooyon dofee asheenaꞌoyich getooch giyiye; boonoshichoo ishichiye: “Amoon beegga barahooch hammiyote? Yongoona koho shuuroommon shuuriibeeti ashoon beegga hammiyotee,

Maatiyoosi 11:9

Woyee amoon beegga hammiyote? Keemechoniye? Eeha, ittoshich gettoye, keemechoyee beshooniye.

Maatiyoosi 3:4

Yowannisi gaalechi eexoochee shippeti tahoon tahee beehe; wotta gooqqoochee shuuneeti shachoon cuyee beehe; bi maayoo gechoonaa bobbiyee eeyonane.

Luqaasi 7:25

Woyee amoon beegga hammiyote? Deꞌe tahoon taheti urooniye? Macacikkiti tahoon taheꞌi mashaamiti beemon beetinaꞌo beeto taateenaꞌo kexoochiye.

1 Qorontoosi 4:11

Hanaach beddaahaa shaacaabeeto noone; shachewaabeeto noone; kuxoon tahaabeeto noone; hoxeeꞌa kishee gubboona tappeebeeto noone; beeyemmi kexo muccaꞌa guuddaabeeto noone.

2 Qorontoosi 11:27

Wodde aayonaa yulloona, wodde wottoon tokketee muccoona, shaacoona, shachewoona, beeho; abete kashoona qeyaa heecheto taane; ta tahemmo aalletaa wodde wottoon aqqoo taan wuxitone.

Yibbaatoo 28:54

Etto bi katemoon giichitoyich, ariqqechonaa shiimechona tuneti asholla oogichii mandaacheree bi hajjee bushiishoon maayemmone. Ebin bi tuniyemmo, bi maayemmi maayo amolla aallo bi tunetoyichiye. Biyoo ariqqaalli mulli manjoon tuneree, ebi aroochee bi manoyich woyee shuni bi mecheyich woyee echeti bi bushiisheenaꞌoyich qoodaachemmone.

Yaaꞌoo 11:3

Gutte ta miixeenaꞌon woche deejjemmo taane; boonoshiyoo muushenee tahoon taheree ebi are ikke humaa gutte ballaa shiche qemon keemoon keemmemminaꞌone” iye.