Maatiyoosi 11:28 - Kafa Linguistics Project

²⁸ “Hini maraatetinaꞌonaa shaago maggetinaꞌonote, ta waan wobote; tawoo ittoshin kashiyemmo taane.

Maatiyoosi 11:28 ပူးပေါင်းရင်းမြစ်များ

Iyoobi 14:1

“Maachee maacoochee shiijjeti ashi eeno, qaminonaa xuuxoona ceennitonane.

Iyoobi 5:7

Qaaqqee xeero qaaqqee daggoochee kaama bi awureyoommon, asho bi shiijjeto, xuuxoon beegoyichiye.

Shoddo 116:7

Doono Yeeri neech bi gaawetoyich, ta kasheene, ne tooꞌi xaaꞌooch wottebe.

Shoddo 32:4

Areddoon tuneba xumoon, ne kishoo ta toommooch bi maggetoyich, qaawee gaamoo shuuꞌiiti mooyochoommon, ta hakkoo shoohimiye.

Shoddo 38:4

Ta axaaxoo taan qooxxitone; oogichiꞌi taach maggetone.

Shoddo 94:13

Gondeenaꞌoyich oppo iichemmi wottoon boonoshin xuuxee aaboochee kashiyemmo neene.

Dojjecho 1:14

Hini showee toommo bulliich shuuneebeeti shuunoo bullin ciinneho; bulliyona duuboone; yongoon yookkii dabboommone.

Dojjecho 1:8

Mooyo bulli shewiitone; asho yibbaatetaa ciyaanoone. Aafo ciinnii miyaache; waamo waayee ceenaache.

Dojjecho 4:8

ebiyoo bushaalli, manaalli shiqqe uroochi mooyone; ebi uro aajjiichii wotteyaanoone; biich beeti gaannoona michiꞌi tooꞌaanoone; biyoo “Ta qelloon emirikkaanoon ta aajjaabeeto konichiye?” iꞌi gabiye. Ebiyoo duubo, xuuxee beemone.

Isiyaasi 1:4

Hini axaaxoona ceenniti aageteenaꞌote, xuꞌoon miꞌeti asheenaꞌote, gonde asheenaꞌochi shiijjereenaꞌote, xummoo tuneti bushiisheenaꞌote, ittoshich woowo! Doono Yeerin qajjito ittoshine; Israꞌeelee Yaafoon qallayito ittoshine; biich gubboon wochito ittoshine.

Isiyaasi 11:10

Arooba Iseyichi yaroo aageteenaꞌoyich malletoon tuneree neexemmone; aageteenaꞌo biin qaawemminaꞌone; bi beeyemmi xaaꞌoo oogechi xaaꞌoo tunemmone.

Isiyaasi 28:12

Biyoo boonoshich, “Hini tooqqii kashoone; maraateton kashiibote; hini kashee xaaꞌoone” iye; tunebaani boonoshi waayemmon qajjiyeete.

Isiyaasi 61:3

Tsiyoonaa eeppii beetinaꞌoyich, tullee keroon mocee bungee gubbichoon, eeppi keroon emiree zayitoon, ayinii tuummi keroon galletee tahoon, ta immemmoyich taan wochetone; boonoshiyoo bi oogoon boonoshi bekkiyemmoyich, Doono Yeeri bechiti cadiqee mixinaꞌo getteyemminaꞌone.

Isiyaasi 66:2

Ebi bulli mooyon hallito taane; ebich ebi bulli mooyo taachone. Tunebaani ta ciinnaabeeto, boonoshi mullo tiishetinaꞌo waan, qelloon giishiyee ayaanechinaꞌonaa ta qaaroon oogii beetinaꞌona waaniye.

Erimiyaasi 31:25

Ebiyoo nireti kasheen digaayiyemmo, shaacaa maraatetonoo michiyemmo ta tunetoyichiye” iye.

Erimiyaasi 35:16

Rekaabichi bushoo Yonadaabichi yareenaꞌo boonoshi qaabbecho boonoshich gettiton ceechitinaꞌone; tunebaani hini asheenaꞌo taach deꞌa getaaneenaꞌone.

Erimiyaasi 6:16

Doono Yeeri ishichiye: “ ‘Kaattooch neexebote; ciinishoo getote; batti batti gommonoo echebote; gaawe gommo aabi gaata, aroona hambote; ittoshi kashe kashemmoyich tuniyemmo ittoshine’ iyoye. “Tunebaani ittoshi ‘Aroona hamaachone’ iyote.

Maatiyoosi 11:29

Tawoo gaꞌi deꞌoonaa ta qelloon giishii beetona ta tunetoyich, ta waanjeen shaagote; ta waaneenoo doyibote. Arooba ittoshi kashe kashemmine.

Maatiyoosi 23:4

Magge shaagoon cuchiꞌi ashi toommooch shaakkiiheete; tunetaa ikke yaphereenolla kettiyoon qaawaacheete.

Yowannisi 6:37

Shimaayoochee ta kindito, taan wocheti Yeerichi daaggoon tuniyoyichalli, ta daaggoon tuniyoyich toonoone. Ebich ta Nihoo Yeeri taach immito bulli ta waan woyemmone; ta waan waammo bullin cir maaxooch kichi dufaachemmo taane.

Yowannisi 7:37

Baaree ciiroochee qaabbe aabooba Yesuusi neexee bi qaaroon oogichiꞌi, “Koniyoona shacheweto bi beegaata, ta waan waaree uye.

Mishiraachechinaꞌo 15:10

Illa and no qaabbechinaꞌonaa noonna shaagon hakkaani magge waanjoon kittinneenaꞌo toommooch minjoona amoyichiye Yeerin yeshi beegga ittoshi qaawiibeeto?

Mishiraachechinaꞌo 20:35

‘Deqqii beetoyee immiibeeto diireetone’ iꞌi Doono Yesuusi bi qelloona gettiton shalligaabee, caajjoona maraataa shuunaabee giidaalleenaꞌon dego tun bedo bi tunoon bulli mooyona ittoshich bekkiito taane” iye.

Galaati 5:1

Sheeroyich guunon tunee hajjeeꞌi beemoochee Kiristoosi noon biishee kichitone. Illa manjiree neexebote; wochinnoon guuchittinee waanjoona xandeyaahote.

2 Tasaloonqi 1:7

and xuuxoon beeggiibeeti ittoshin ebi xuuxoochee kichiree noonna tookki kashiyemmone. Ebin bi tuniyemmo, Doono Yesuusi giidechi bi maraakeenaꞌona tookkii shimaayoochee bi waahoobane.

Hibireena'o 4:1

Illa Yeeri no kashemmoyich imma bi gabiti xaaꞌooch no giyemmoyich gibeno nooch beetone; diqqich ittoshi daggoochee koniyoona bedaano tuneree bi daneyaachemmoyich shatone.

Yaaꞌoo 22:17

Yaafe Ayaanoonaa Bagoochi woꞌeena “Wobe!” ii beetinaꞌone. Ishin waayeebeeto bulli “Wobe!” gete. Shacheweto bulli wobe; qaawiibeeto bulliyoo kashoon immiibeeti aacon baad cikki daambe.