Maatiyoosi 11:25 - Kafa Linguistics Project

²⁵ Arooba Yesuusi ishichiye: “Showoonaa shimaayoonochi Doono tuneti ta Nihoocho, ebin ariyechinaꞌonaa shalligechinaꞌona ariyaachemmoyich ne aachitoyich, gaggereenaꞌoomminaꞌoyichoo ne bekkiitoyich neen galletehoye.

Maatiyoosi 11:25 ပူးပေါင်းရင်းမြစ်များ

Halloo 14:19

Ishichiinoo Abraamin diiriye: “Shimaayoonaa showoonon halliti, Beshe Nuggishoo Yeeri Abraamin diiribe.

Halloo 14:22

Abraami Sodoomi taatoyich ishichiye: “Shimaayoonaa showoonon halliti, Beshe Nuggishoo Doono Yeer waan ta kishoon kaama tiijjaꞌa wogehoye.

2 Taateenaꞌo 19:15

Aroochee Hiziqiyaasi Doono Yeer waan ishichiꞌi corootiye: “Kiruubeenaꞌoyee tookk kotaabeeti, Israꞌeelee Nuggishoo Doono Yeero, ne baach showee taateenaꞌo bullichi Nuggishoo neene. Showoonaa shimaayoonon hallito neene.

1 Kiinoo 29:13

No Nuggishoocho, andoo neen galletehone; ooge ne shigoonoo naadiyone.

Iyoobi 37:24

Yeeri ‘Yiito noone’ iꞌi gabiibeeti asheenaꞌon aaxxiyaache; asho biin shattii bi beeto ebichiye” iye.

Shoddo 8:2

Ne etteenaꞌochi naboona, nichoon kichiya qaawiibeeti ne etteenaꞌon cikkaayoyich gaggereenaꞌonaa xammii beetinaꞌonochi noonoochee, galletoon neech qanniihine.

Isiyaasi 5:21

Boonoshi qelloona boonoshin ariyechonaa yiitoonon tuniiꞌi ciinnii beetinaꞌoyich woowo!

Isiyaasi 66:1

Doono Yeeri ishichiye: “Shimaayoo ta taatee qeenone; showoo ta baatoo neexxemmi xaaꞌoone; ishigaata taach ittoshi haggemmi kexo am shaahoone? Ta kashemmi xaaꞌochi amoommone?

Daaneeli 2:23

Ta qaabbechinaꞌochi Nuggishoocho, neen galletoye; neen oogiihoye. Newoo taach shalligoonaa giidoonon immeto neene; neen no qolleti mooyon taach arichiito neene; taatoyich no wochemmi mooyon nooch arichiito neene” iye.

Daaneeli 4:35

Showooch beeti asheenaꞌo bulli bi aafoochaa am bedaaneenaꞌone; shimaayooch beeti maraakeenaꞌo toommooch, showooch beeti asheenaꞌo toommoochoo bi shunnimmon tuniihe. Biin bajjemmo, woyee “Ebi ne tuniibeeto, amoone?” gettemmo aalloone.

Maatiyoosi 16:17

Yesuusiyoo wochiꞌi ishichiye: “Yoonichi bushoo Simoono, ebin neech bekkiito shimaayooch beeti ta Nihoani asho toonoone; ebich diireeto neene.

Maatiyoosi 21:16

Ebich Yesuusin “Hini bushiisheenaꞌo gettiibeeti mooyo neech waayee beete?” iyeete. Yesuusiyoo wochiꞌi, “Waayaabeeto taane; ‘Yeero, gaggereenaꞌonaa xammii beetinaꞌonochi noonoochee, galletoon ne qellich qanniitine’ ii beeti qaaroon cir shemmeyaachote?” iye.

Luqaasi 22:42

“Ta Nihoocho, ne daaggigaata, hini xuuxee xoofoon ta waanee wokkiibe. Tunetaa ne daaggoo tunebaani, ta daaggoo tunaaye” iibee corootiye.

Luqaasi 23:34

Yesuusiyoo “Ta Nihoocho, boonoshin maaribe; ebi boonoshi shuunee beeton ariyaaneenaꞌone” iye. Ebiyee gubb, bi tahoon ixoo kuxxiꞌi qoodeeheete.

Yowannisi 11:41

Asheenaꞌoo xaqqoon tiijjiyeete. Yesuusi kaama wottee ciinniꞌi, “Ta Nihoocho, taachon ne waayetoyich neen galletehoye.

Yowannisi 12:27

“And ta kashe xuuxetine; ama getote? ‘Ta Nihoocho, hanaach ta toommooch woyemmi xuuxoochee taan wodiibe’ getote? Tunetaa hini hanaachi xuuxoon beegoyichiye ta waato.

Yowannisi 12:28

Ta Nihoocho, ne shigoon oogiibe!” iye. Arooba shimaayoochee “Oogiito taane; andoo oogiyemmo taane” immi qaaro waayeehe.

Mishiraachechinaꞌo 17:24

“Aroo alemoonaa bi daggooch beeto bullinon halliti Nuggishoone; showoonaa shimaayoonochi Doonone; ashi kishoo shuuneti yaafee kexooch beetaache.

1 Qorontoosi 2:10

Ebichi naboyich Yaafe Ayaano Yeerichi maacee moochi tuggooch beddaahaa, ikkoonolla echiyaanoon maqqii bi arii beetoyich, ebi bullin Yeeri bi Yaafe Ayaanoona nooch bekkiitone.

2 Qorontoosi 3:14

Areenaꞌochi mullo muumetone; wonnee wogoon boonoshi shemmee beegaata, ebi are kaafo tiyaanoon hanaach beddaahaa boonoshi mulloon kaappitone; ebi are kaafoon wokkiibeeto Kiristoosi baachiye.

1 Saameeli 2:18

Bushoo Saameeliyoo muttee tuppoochee shippeti efoodoon taheꞌi, Doono Yeeri aafooch maddee beehe.