Maatiyoosi 11:23 - Kafa Linguistics Project

²³ Hini Qifirinaahe! Shimaayooch beddaahaa ciixenne? Tunebaani kindiiree Siꞌoolooch duppeyemmi neene. Ne daggooch bekketi gaakkechi shuunoo Sodoomi daggooch bi bekketo gaata, hanaach beddaahaa are katemee beeyeshine.

Maatiyoosi 11:23 ပူးပေါင်းရင်းမြစ်များ

Halloo 13:13

Tunebaani Sodoomee asheenaꞌo oogeti gonde asheenaꞌone; Doono Yeeri aafooch magge axaaxoon shuunee beeheete.

Shoosho 2:1

Doono Tsiyoonin bi kaaroona am shaahoon qubo shiixxoommon shiixxiye! Israꞌeelichi oogoon shimaayoochee showooch ceqqehe; Tsiyooni bi baatee neexi xaaꞌee bi tunoon bi kaaree aabooba gabaanoone.

Hiziqeeli 26:20

Wonnee asheenaꞌo beetooch, maash neen daachiyemmo taane; ne daggooch beeyemmo bi daneyaachemmoyich, oppooch kindii beetinaꞌona tookki wonna happeeti xaaꞌooch, deshi showooch ne beeyemmoyich tuniyemmo taane; ebich ashi beeyi xaaꞌoon tuneyaachemmi neene; kashechinaꞌochi showooch neech xaaꞌoo daneyaachemmone.

Hiziqeeli 31:14

Am shaahoon aachi gocooch boonoshi diccitaanona ebi mixochoommon neexi genjoo tunoon, boonoshi cilloonoo qubee daggooch shakkiyoon hakkemmi mixinaꞌo aalleenaꞌone. Ebiyoo boonoshiyoo qititinaꞌo kiceeti oppooch, maash hammiibeeti ashi bushiisheenaꞌo daggooch, qitooch beshiitaa ichetinaꞌo boonoshi tunetoyichiye’ gete” iye.

Hiziqeeli 32:18

“Ashi bushoocho, ebi dofee Gibitsee asheenaꞌoyich eefe; boonoshin giidechi aagetee asheenaꞌona tookki maash deeni daachiibe.

Hiziqeeli 32:24

“Elaamee showee arooch beetine; dofee bi asheenaꞌoo bi maashee guudoona beetinaꞌone; showoo bullin keqqichitinaꞌo goraadoona dihitinaꞌone; dokireyaanoonoo desh qappooch kinditinaꞌone; boonoshi yeelloon shaaggiꞌi maash kindii beetinaꞌona tookkii kinditinaꞌone.

Abidiyi 1:4

Tunebaani booyochoommon tukkoona ne yoobbetaanona; ne kexon xojjeneenaꞌo daggooch ne tuniitaanona, ta, aroochee neen geechi kindiyemmo taane, iye Doono Yeeri.

Maatiyoosi 10:15

Iberoon ittoshich gettoye: Nallaa gallooba are katemeexi asheenaꞌoyee Sodoomi katemeexi asheenaꞌonaa Gomoori katemeexi asheenaꞌonoyich gaawiye” iye.

Maatiyoosi 16:18

Tawoo neech gettoye, ne shigo Pheexiroosine; hini xaqqee toommooch ta kittinnee guuphon neechemmo taane; qitee giidolla bi tunetaa, ebi aroon kochii wochoon hakkaachemmone.

Maatiyoosi 17:24

Yesuusinaa bi dabbeenaꞌona Qifirinaahi katemooch boonoshi shaggitoyee gubb, yaafee kechi gibiroon deqqiibeeti asheenaꞌo Pheexiroos waan giddeꞌi, “Ittoshi dojjecho yaafee kechi gibiroon qocaachehe?” iꞌi echeheete.

Maatiyoosi 4:13

Naazireeti katemoon qajjiꞌi Zebuloonee showoonaa Nifitaalee showee daggoonooch Galiilee baharee gashooch beeti Qifirinaahi katemooch hammii kotehe.

Maatiyoosi 8:5

Yesuusi Qifirinaahi katemooch bi shaggimmona balle ginee iraashoo bi waan waaꞌi,

Luqaasi 10:15

Hini Qifirinaahe! Shimaayooch beddaahaa ciixenne? Tunebaani kindiiree Siꞌoolooch duppeyemmi neene” iye.

Luqaasi 14:11

Illa bi qelloon oogiibeeto bulli giishemmone; bi qelloon giishiibeeto wotta oogemmone” iye.

Luqaasi 16:23

Siꞌooloochaa oogichiꞌi xuuxeebee, bi aafoon kaachiꞌi wohooch beeti Abrahamin ciinniye; bi sheenoochoo Alazaari beemon beeggiye.

Luqaasi 4:23

Yesuusiyoo “Ittoshi ‘Aakumoocho, eke ne qelloon wodiibe! Qifirinaahi katemooch ne shuuneto bullin waayeto noone; ebiyoommon wotta hini ne hajjee showooch shuunebe’ getiree taan iberoon ebichi shaahiyoona gettemmo ittoshine” iye.

Mishiraachechinaꞌo 2:31

Kiristoosi qitoochee timichon shiichii beeggiꞌi, ‘Biyoo Siꞌoolooch echeyaanoone; bi meenoo oꞌaanoone’ iꞌi gettiye.

Yihudi 1:7

Ebiyoommon wotta shuno maati, hallooch aalli, yeelliibeeti mooyon tuniiti, Sodoomi, Gomoorinaa boonoshi guudoonooch beeti katemeexi asheenaꞌo, bulli yemeenee qaaqqoona micciibee bullich cuuꞌiyoo tunetinaꞌone.

Yaaꞌoo 1:18

Beeyecho taane; qitito taane, tunebaani ebiyoche and bulli yemeenoon beeyecho taane; qitoonaa Siꞌooloonon qechiibeeti qulfo taach beetone.

Yaaꞌoo 11:8

Boonoshi dubenoo boonoshi Doono yooddeti ooge katemee daggeexi gommooch qeyemmone; ebi are katemee geto, ayaanee yibbaatoochaa, Sodoomi woyee Gibitsi getteetine.

Yaaꞌoo 20:13

Baharo bi daggooch beeti qititinaꞌon aapphiye; qitoonaa Siꞌooloona boonoshi waan beeti qititinaꞌon aapphiyeete; aroochee bi ikkikkoyich bi shuuni shuunoommona bi toommooch nalleehe.

Yaaꞌoo 6:8

Beeggaanoo iyo; areegaata daashe hareshoon beeggeho; aroon yebbetochi shigo Qitoo getteehe; Siꞌooloo biin dabbiye. Showee toommooch beeti asheenaꞌo daggoochee awudde beeroochee ikke beeroon ginoona, shaacoona, naxoonaa ashoon maabeeti kubbi cooxinaꞌona boonoshi wuxemmoyich hakkoo boonoshich ichehe.