Maatiyoosi 11:21 - Kafa Linguistics Project

²¹ “Koraziine, neech woowo! Beetisayide, neech woowo! Ittoshich bekketi gaakkechi shuunoo Xiroosinaa Sidooninoyich bi bekketo gaata, wonna dookoon tahe tulloon boonoshi toommooch shahiree, axaaxee gommoochee Yeer waan wotteshinaꞌone.

Maatiyoosi 11:21 ပူးပေါင်းရင်းမြစ်များ

Iyoobi 42:6

Ebich ta qelloon wochaa hoxaabeeto taane; tulloonaa buttoonooch kotaachaa ta gondoon aannaabeeto taane” iye.

Erimiyaasi 13:27

Geppeenaꞌonaa gaddeenaꞌonoochaa ne shuuneti ciigiiti shuunoon, shunee ne mamon, ne kaahonaa ne yahoonon beeggeto taane. Yerusaaleme, neech woowo! Ne xalleyaachemmo aati wottooniye?” iye.

Yoꞌeeli 3:4

“Xiroos, Sidoon, wotta Filsixeemee woraafeenaꞌooch beeti asheenaꞌote, aabichiiniye ittoshi beeto? Ta toommooch nichoon kichiya qaawii beetote? Ebi tunegaata, kaateree afaafinoona ittoshi shuuneton ittoshi toommooch shuunemmo taane.

Amootsi 1:9

Doono Yeeri ishichiye: “Xiroosi asheenaꞌo wochii wochii boonoshi shuuneti axaaxoyich, boonoshin naxeyaanoon qayaachemmo taane. Ebiyoo manaamanittinee wogoon biichiꞌi, kecceti asho bullin Edoomee showooch boonoshi kemmitoyichiye.

Maatiyoosi 11:22

Tunebaani ittoshich gettoye: Nallaa gallooba ittoshiyee Xiroosinaa Sidooninoyich naxo kettemmone.

Maatiyoosi 15:21

Yesuusi aroochee tiyiꞌi Xiroosinaa Sidooninochi gaꞌooch beeti showooch hammiye.

Maatiyoosi 18:7

Ashich xugo tunemmi mooyo woyemmo bi tunetoyich hini showee toommeexi asheenaꞌoyich woowo! Xugo tunemmi mooyo womo echeyaani mooyone; tunebaani are uroon xugo tuneꞌi dichimmi uroyich woowo!

Maatiyoosi 26:24

Ashi Bushoo biicho bi kooreetoommon, qitemmone; tunebaani Ashi Bushoon beshiiree immemmi are uroyich woowo! Are uro shiijjeyaanoon bi dooggito gaata, biich gaawiye” iye.

Maariqoosi 6:45

Ebiyee gubb, Yesuusi bi dabbeenaꞌon “Hini asheenaꞌon diggiiꞌa ta deennemmi wottoon, giishi markabeech keyiree beqach Beetisayida tayee shiichiree beshebote” iye.

Maariqoosi 7:24

Yesuusi aroochee tiyiꞌi Xiroosi katemee gaꞌooch beeti showooch hammii ikke kexooch giyiye. Arooch bi beemon asho koniyoona ariyemmoyich shunaanoone; tunetaa aashoon hakkaanoone.

Maariqoosi 7:31

Wotta Yesuusi Xiroosee showoochee kechii Sidoonee showoona besheꞌi, Aashire Katemoona Galiilee baharooch waahe.

Maariqoosi 8:22

Ebiyee gubb, Yesuusinaa bi dabbeenaꞌona Beetisayida shaggiyeete; asheenaꞌoo aaf doogoon bi waan deebiꞌi, “Ne kishoon hini aaf doogoo toommooch kotiibe” iꞌi qolleheete.

Luqaasi 4:26

Bi tunetaa Sidoonee showooch beeti Tsarefaati katemeexi ikke xuumee Eliyaasin bi deggemmoyich bi waanalli, Israꞌeelee xuume maacheenaꞌo daggoochee koni waanona Yeeri biin wocheyaanoone.

Luqaasi 6:17

Yesuusi aaraa gutte bi dabbeenaꞌona tookkii geppoochee kindiꞌi naqqe xaaꞌooch neexehe; arooch biin dabbiibeeti bare dofee asheenaꞌo beeheete; wotta bi waanee waayoonaa boonoshi biiyoochee wodoonoyich Yihudee showoo bulliichee, Yerusaalemee, baharee gaꞌooch beeti Xiroosinaa Sidooninoochee waati dofee asheenaꞌo beeheete.

Luqaasi 9:10

Aroyee gubb wotta mishiraachechinaꞌo boonoshi hammitoochee wotteꞌi boonoshi shuuneti mooyo bullin Yesuusich gettiyeete. Boonoshin baach dabbiiꞌi Beetisayidi getteebeeti katemee gaꞌooch hammiye.

Yowannisi 1:44

Filipphoosiyoo Indiriyaasinaa Pheexiroosina beeti Beetisayidi katemeexi ashoone.

Yowannisi 12:21

Boonoshiyoo Galiilee showooch beeti Beetisayidechi Filipphoos waan giddeꞌi, “No doonocho, Yesuusin beegga qaawaabeeto noone” iyeete.

Mishiraachechinaꞌo 12:20

Ebiyee aaf Xiroosi asheenaꞌonaa Sidooni asheenaꞌonon oogichii kaaretone. Ebich and ikke mullo tuneꞌi tiyii, shiichii taatoochi gabberechi Filatuus waan waaꞌi, “Noon geenebe” iꞌi boonoshi qolletaa, boonoshich deꞌa iye. Ebina taatoo waan hammiꞌi, shunebone ii qolleheete. Shunoyich boonoshi qaawiti naboo, taatoo Heroodisi beeti showoo maayoon kemeꞌi boonoshi daammiibeeti showoo bi tunetoyichiye.

Mishiraachechinaꞌo 27:3

Dechara Sidoon shaggehon. Aroochee Yuuliyoosi Phawuloosich ariqqeꞌi, Phawuloosi bi shunechinaꞌo waan hamiree shohoon bi danemmoyich daaggiye.

Yihudi 1:11

Boonoshich woowo! Qayeeli tuniitoommon tuniitinaꞌone; gijjoon danoyicha iꞌi Balaami shuuneti muricooch boonoshi qelloon beshiiꞌi immitinaꞌone; Qoraahi hukkoon bi shuunoommon hukkoon shuunetinaꞌone; bi aalloommon aallemminaꞌone.

Yaaꞌoo 11:3

Gutte ta miixeenaꞌon woche deejjemmo taane; boonoshiyoo muushenee tahoon taheree ebi are ikke humaa gutte ballaa shiche qemon keemoon keemmemminaꞌone” iye.

Yaaꞌoo 6:12

Bagoo shirittinnee maatemoon bi gaxximmona beeggeho; oogeti showee qewo tunehe; aabeyoo shiixxoon shaahaꞌa aaqqahan; ageneyoo damoon shaahaa ceellahan.