Maatiyoosi 11:18 - Kafa Linguistics Project

¹⁸ Yowannisi maataanoon, uyaanoon bi waataa, boonoshi ‘Hini yinnechone’ iyeete.

Maatiyoosi 11:18 ပူးပေါင်းရင်းမြစ်များ

2 Taateenaꞌo 9:11

Aroochee Yehi, ginee iraashoo tuneti bi nuucheenaꞌo waan wotteꞌi bi waammona, boonoshiyoo biich, “Mooyo bulli diggoone? Ebi geyecho ne waan bi waato, aakkiyane?” iꞌi echeheete. Biyoo, “Ebi uroon, bi yibbaatoonoo ariibeeto ittoshine” iye.

Erimiyaasi 15:17

Emiroona kuufaareebeeti asheenaꞌona tookkii koteyaano taane; wottoo emiraano taane; ta ikkeeto kotehoye; ebiyoo ne kishoo ta toommooch bi tunetonaa ne kaaroona taan ne ceechitonoyichiye.

Erimiyaasi 29:26

‘Doono Yeerichi yaafee kexoochaa, geyeebee keemoon keemmiibeeti asho bullin baatee giindoona ne giindemmonaa bi qettooch sansalatoon ne geddemmonoyich, Yoyaadichi xaaꞌooch Doono Yeeri neen qeeshoo tuniiꞌi ukkiriitone.

Hosee'i 9:7

Sheeree aabo waatone; nichoo kichee aaboo shaggitone. Israꞌeeleenaꞌo ebin ariibeete. Ittoshi axaaxoo woddetoyich, taanoo ittoshi shixxitoyich, keemecho tuushoo, ayaanechi ashoo geyecho tuniitaa ciichetone.

Maatiyoosi 10:25

Dabbito biin dabbiitochoommon, guuno bi doonochoommon tuno biich beddiye. Kechi doonon ‘Beelzebuli’ boonoshi itoyee, bi kechi ashoon am shaahoon beshiiree getteeheete” iye.

Maatiyoosi 11:17

‘Emiree shumburoon ittoshich huggehone; tunetaa ittoshi duubaachote; muushenee shooshoon shooshehone; tunetaa ittoshi eefeyaachote’ ii beeti bushiishoomminaꞌone.

Maatiyoosi 3:4

Yowannisi gaalechi eexoochee shippeti tahoon tahee beehe; wotta gooqqoochee shuuneeti shachoon cuyee beehe; bi maayoo gechoonaa bobbiyee eeyonane.

Maatiyoosi 9:34

Tunetaa Fariseenaꞌo “Yinnee taatoochi giidoonane yinnoon asheenaꞌo toommoochee bi yookkiibeeto” iyeete.

Maariqoosi 3:22

Wotta Yerusaalemee waati Muusichi Sheeree dojjechinaꞌo “Yinnee taatoo Beelzebuli bi toommooch beetone. Ebiyee yinnee taatoochi giidoonane yinnoon asheenaꞌo toommoochee bi yookkiibeeto” iyeete.

Luqaasi 1:15

Biyoo Doonochi aafooch oogemmone; wotta woyinee uyoonaa mashiibeeti bare uyo bullinon uyaachemmone; shiijjeyaanoon bi indee maacooch beebee, Yaafe Ayaanoona ceennemmone.

Yowannisi 10:20

Boonoshi daggoochee meetinaꞌo “Yinnechone; geyetone; amoyich bi yibbaatoon waayee beetote?” iyeete.

Yowannisi 7:20

Asheenaꞌo wochiꞌi, “Yinno ne toommooch beetone. Konine neen wuxoyich qaawiibeeto?” iyeete.

Yowannisi 8:48

Ayihudeenaꞌo wochiꞌi, “Shamaarecho ne tunoon, yinnoo ne toommooch beemon no geto iberoo toone?” iyeete.

Yowannisi 8:52

Ayihudeenaꞌo “And ne toommooch yinno beemon xiishaa ariito noone. Abrahami qititone; wotta keemechinaꞌoo qititinaꞌone. Tunetaa ne ‘Ta gettaa beeton ceechiibeeto koniyoona bi beegaata, cir qitaachemmone’ ii beetine.

Mishiraachechinaꞌo 26:24

Ishichiꞌi Phawuloosi bi qellichon bi taggee beetaa, iraashoo Fisxoosi oogeti qaaroona “Phawulooso, geyehine amoone! Meeti doyoo neen geyiitone” iye.

1 Qorontoosi 9:27

Tunebaani bareenaꞌoyich mishiraachee qaaree ceegoon bechiichaa, diqqich qiiccee doyoochee ta muricaa qiiccoochee Yeeri taan bi bayaachemmoyich, ta ashittinoon guripphaabee taach hajjiibeeto taane.