Maatiyoosi 11:11 - Kafa Linguistics Project

¹¹ Iberoon ittoshich gettoye: Showee toommooch shiijjetinaꞌo daggoochee Aacona Afaallechi Yowannisiyee beshe asho daneyaanoone; tunebaani shimaajji taatittineechaa bulliyee desho tuneto biyee beshemmone.

Maatiyoosi 11:11 ပူးပေါင်းရင်းမြစ်များ

Iyoobi 14:1

“Maachee maacoochee shiijjeti ashi eeno, qaminonaa xuuxoona ceennitonane.

Iyoobi 14:4

Eeꞌoochee xalle mooyon danoon hakkemmo konine? Koniyoona aalloone.

Iyoobi 15:14

“Asho xalloo tunoon hakkehe? Maachee maacoochee shiijjeto, cadiqo tunoon hakkehe?

Iyoobi 25:4

Yeeri aafoochaa asho cadiqo bi tunemmo aabichireeshiye? Maachee waanee shiijjeti asho xalloo bi tunemmo aabichireeshiye?

Shoddo 51:5

Ta shiijjoochee tiijjaꞌa gondeto taane; ta indee maacooch ta xifeetoochee tiijjaꞌa axaaxecho taane.

Isiyaasi 30:26

Doono Yeeri bi asheenaꞌochi tiishoon sheppheꞌi bi wodiihooba, bi naxo mayiiton bi wodiihooba, agene aabeechoommon aaxxemmine; aabee aaxxo aafichoyee shabaatte kishoon besho tunemmone; shabaatte qemi aabo ikkochee kechiton shaahiree bekkemmone.

Zakaariyaasi 12:8

Ebiyooba Doono Yeeri ta, Yerusaalemi beetinaꞌoyich deebo tunemmo taane; boonoshi daggoochee hakka guutoo Daawitiyoommi kupphoon tunemmone. Daawitichi kechi asheenaꞌo Nuggishoommon woyee ta maraakoommon tuneree asheenaꞌon yaabi qeejjemminaꞌone.

Maatiyoosi 11:10

‘Yeeriyoo, “Ne gommon qaxxemmi ta wocheyechon neyee shiichiree daachiyemmo taane” itone’ getaa kooreeto ebine.

Maatiyoosi 11:12

Aacona Afaallechi Yowannisi yemeenoochee tiijjiꞌi hanaach beddaahaa boggechinaꞌo giidechi koyoona shimaajji taatittineen kochitinaꞌone; biin bogga tiyitinaꞌone.

Maatiyoosi 3:1

Ebiyee gubb, Aacona Afaallechi Yowannisi Yihudee barahooch waaꞌi, “Shimaajji taatittine ittoshi kellooch shaggetine; ebich axaaxee gommoochee Yeer waan wottebote” iꞌi getooch giyiye.

Maatiyoosi 3:11

“Tawoo axaaxee gommoochee Yeerichi gommooch ittoshi wottoon bekkiyoyich, ittoshin aacona afaalliibeeto taane; tunebaani bi caammoonolla shaagoyich ta bedaano ta hillooch waabeeto, tayee beshe kupphoone; aroo Yaafe Ayaanoonaa qaaqqoona ittoshin afaallemmone.

Maatiyoosi 5:19

Illa Yeeri tuniibote iꞌi bi gettiti hini sheereenaꞌoochee ikke giishecheyichona ‘Deꞌa getaache’ ii bareenaꞌonoo ‘Deꞌa gettaahote’ iꞌi dojjiibeeti asho koniyoona shimaajji taatittineechaa bulliyee desho tunemmone; tunetaa deꞌa ii beetonaa bareenaꞌon ‘Deꞌa getote’ iꞌi dojjii beetona koniyoona shimaajji taatittineechaa oogo tunemmone.

Luqaasi 1:15

Biyoo Doonochi aafooch oogemmone; wotta woyinee uyoonaa mashiibeeti bare uyo bullinon uyaachemmone; shiijjeyaanoon bi indee maacooch beebee, Yaafe Ayaanoona ceennemmone.

Luqaasi 7:28

Ittoshich gettoye: Showee toommooch shiijjetinaꞌo daggoochee Aacona Afaallechi Yowannisiyee beshe asho koniyoona aalloone; tunebaani Yeerichi taatittineechaa bulliyee desho tuneto biyee beshoone” iye.

Luqaasi 9:48

boonoshich ishichiye: “Koniyoona taacha iꞌi ebiyoommi giisheche bushoon bi shunigaata taan shunnii beetone; wotta koniyoona taan bi shunigaata, taan deejjiti Yeerin shunnii beetone; ittoshi bulli daggoochee giishecho bulliyee besho tunemmone” iye.

Yowannisi 1:15

Ebin Yowannisi bi qaaroon oogichiꞌi gettiye; ishichiinoo iye: “ ‘And ta hillooch waabeeto, ta shiijjetaan beehooba beetone; ebich tayee beshoone’ iyaꞌa ta getteto ebine” iibee miixehe.

Yowannisi 1:27

Ta bi caammee cuyoon biich ta bedaani, ta hillooch waabeeto aroone” iye.

Yowannisi 10:41

Wodde asheenaꞌo bi waan waaheete. Boonoshinaa boonoshina “Yowannisi ikke malletoonolla bekiyaanoone; tunebaani Yowannisi hini uroochon bi gettito bulli iberoone” iyeete.

Yowannisi 3:30

Bi oogo beshibe; ta oogo giishebe; ebi tunibede mooyone” iye.

Yowannisi 5:35

Yowannisi micciibee aaxxeebeeti bekkoone; ittoshiyoo giisheche yemeenoon bi bekkoona emiriya shunnito ittoshine.

Yowannisi 7:39

Ishin bi gettito, boonoshi mulloon bi toommooch tooꞌiitinaꞌo boonoshi danemmi Yaafe Ayaaneechoniye; Yaafe Ayaano batt kindaan beetone; ebiyoo Yesuusi oogoyich batt shimaajj keyaan beeto bi tunetoyichiye.

1 Qorontoosi 15:9

Ishichii ta ii beeto, Yeerichi kittinnee guuphinaꞌon yookkaa ta duꞌitoyich, mishiraachechinaꞌo bulliyee desho ta tunetoyichiye; mishiraachecho getenoo ceekkeya bedaano taane.

1 Qorontoosi 6:4

Ishigaata, eboshiyoommi mooyo tiyiyooba, kittinnee guuphinaꞌo hoxeeti asheenaꞌon kaacciꞌi, “No taggoon nallibote” amoyich iyote?

Efesooni 2:3

Arooba ebi asheenaꞌo daggooch no bulli wotta no meechi daaggoommonaa no mullee daaggoommonon tuniyaabee, no meechi qaatoommona beehone; bareenaꞌo bullichoommon wotta Yeerichi kaaree shiixxoo no toommooch kindemmi asho tunaꞌa beehone.

Efesooni 3:8

Yaafeenaꞌo bulliyee desho taane; tunebaani koniyoona maqqiꞌi ariyoon hakkaani Kiristoosichi wojjeechon Aageteenaꞌoyich ta gettemmoyich, bullinoo halliti Yeeri wonnee yemeenoochee aacheeti, shuuneya bi gabiti mooyo amo gaata asho bullich gaxxi ta gettemmoyich, hini wojjoon taach immiye.

2 Ximootiyoosi 1:10

Andoo hini wojjoo, noon Wodiyechi Kiristoos Yesuusi hini showee toommooch bi womona bekketone. Biyoo qitee giidoon aalliitone; bulli yemeenoon kashoona no beeyemmi gommonoo mishiraachee qaaroona gaxxii xalliiꞌi bekkiitone.

Hibireena'o 11:40

Danoon boonoshi qajjiti naboo, Yeeri beshe mooyon nooch bi gabitoyichiye; ebiyoo noonna tookkii tuno bi qayigaata, shappaalli ceeninaꞌo boonoshin tuniyaachemmo bi tunetoyichiye.

1 Pheexiroosi 1:10

Yeeri ittoshich immemmi wojjeechon keemmiti keemechinaꞌo ebi wodoon kupphiiꞌi maqqii qaawiibee kichii kindiiꞌi gabiyeete.

1 Saameeli 2:30

“ ‘Israꞌeelee Nuggishoo Doono Yeeri ta, ne kechi asheenaꞌonaa ne nihoochi kechi asheenaꞌona bulli yemeenoon taach boonoshi maddemmoyich ebiyee aaf gibenikkito taane. Tunebaani and illa ebin tuniyaachemmo taane. Taan oogii beetinaꞌon oogiyemmo taane. Taan qallayii beetinaꞌo giishemminaꞌone.