Maatiyoosi 10:28 - Kafa Linguistics Project

²⁸ Meenon wuxoyee damba kashoon wuxoo hakkaaneenaꞌon shattaahote. Tunetaa meenonaa kashoonon shiweree qaaqqoona aalliyoon hakkii beeton shatote.

Maatiyoosi 10:28 ပူးပေါင်းရင်းမြစ်များ

2 Taateenaꞌo 17:39

Tunebaani ittoshi Nuggishoo Doono Yeeri taan shatote; tawoo ittoshi etteenaꞌo bulli kishoochee ittoshin wodiyemmo taane” iye.

Iyoobi 37:24

Yeeri ‘Yiito noone’ iꞌi gabiibeeti asheenaꞌon aaxxiyaache; asho biin shattii bi beeto ebichiye” iye.

Shoddo 119:120

Ta ashittino neen shatona qewehe; ne dayinnetoon beeggaꞌa shattehoye.

Dojjecho 5:7

Wodde gumonaa wodde yibbaatoona duuboone; ebich Yeerin shate!

Isiyaasi 51:12

Doono Yeeri ishichiye: “Ittoshin goggiyemmo ta qelloona taane; qitemmi ashich, mocoo shoolloommon shoollemmi ashi bushiishoyich, ittoshi shattiibeeto amoyichiye?

Isiyaasi 51:7

“Tate mooyon ariyaa beetinaꞌote, ta sheeroo ittoshi mullooch beeti asheenaꞌote, ta waanee waayebote: Ashi miichoon shattaahote; boonoshi naagoyichoo keqqiyaahote.

Isiyaasi 66:2

Ebi bulli mooyon hallito taane; ebich ebi bulli mooyo taachone. Tunebaani ta ciinnaabeeto, boonoshi mullo tiishetinaꞌo waan, qelloon giishiyee ayaanechinaꞌonaa ta qaaroon oogii beetinaꞌona waaniye.

Maatiyoosi 10:26

“Illa asheenaꞌon shattaahote; qereeto bulli gaxxeyoo, aacheeto bulliyoo aricho echeyaani mooyone.

Maatiyoosi 25:46

“Boonoshiyoo bulli yemeenee shiwerooch, cadiqeenaꞌo wotta shimaajji taatittineech giyiree bulli yemeenoon beeyemminaꞌone” iye.

Maatiyoosi 5:22

Tunebaani and ta waanee waayebote! Bi manoon kaareebeeto bulli nallee gabberooch giddemmone; bi manoon ‘Ulloocho!’ iꞌi naaggimmo bulli nallee iitee aafoochaa bi toommooch nalleyemmone; ‘Mullaalli ongoocho!’ iꞌi naaggimmo bulli ‘Shiweree qaaqqooch duppebe’ getaa bi toommooch nalleyemmone.

Mishiraachechinaꞌo 21:13

Aroo wochiꞌi, “Eefeebee ta mulloon amoyichiye ittoshi gaabbii beeto? Ta Doono Yesuusicha getiree Yerusaalemaa cucheyoo qayenona, qitoyich qannito taane” iye.

Hibireena'o 10:31

Beeyechi Yeerichi kishooch dihoo am shaahe shattiiti mooyone!

Hibireena'o 11:35

Genneenaꞌo qititi boonoshi xibeenaꞌo qitoochee tiyaa danetinaꞌone; tunebaani bareenaꞌo qitoochee andich muricon qajjiꞌi, “Qitoochee no tiyiyooba, beshe kashoon danemmo noone” getona qitooch beddaahaa yexxeheete.

Yaaqobi 4:12

Sheeroon immechonaa nallechona ikke Yeeri baachiye; wodiyoonoo aalliyoonoo hakkiibeeto bi baachiye. Tunebaani neenoommi ne manoo toommooch nallemmi ne, koni neene?

1 Pheexiroosi 3:14

Tunebaani cadiqee shuunoon ittoshi shuunetoyich ittoshin xuuxoon boonoshi bekkiigaata, diireeto ittoshine. Asheenaꞌochi miichoon shattaahote; keqqiyaahote.

Yaaꞌoo 2:10

Ne toommooch shaggemmi iritoon shattaahine; ebiyoche, Yeeri toommooch mulloon ittoshi tooꞌiyoo iberoo bi tunoonaa tunee qayona bi bekkemmoyich, daabiloosi ittoshi daggoochee ikkikkeenaꞌon cuyee kexooch gedda ii beetone; aashire qemi duꞌoon beeggemmo ittoshine. Qitooch beddaahaa taach gibeneeton tunebe; kashee gubbichoon neech immemmo taane.