Maatiyoosi 10:26 - Kafa Linguistics Project

²⁶ “Illa asheenaꞌon shattaahote; qereeto bulli gaxxeyoo, aacheeto bulliyoo aricho echeyaani mooyone.

Maatiyoosi 10:26 ပူးပေါင်းရင်းမြစ်များ

Shaahiyoo 10:9

Deꞌe asho keqqaalloon shaꞌehe; tunebaani bi gommon xummiibeeto yecheyemmone.

Shaahiyoo 28:1

Gonde asho, koniyoona biin yoohaanoon wocciye; tunebaani cadiqo daaheroochoommon keqqaalloon beehe.

Shaahiyoo 29:25

Ashoon shato shaachooch yechoone; tunebaani Doono Yeerin gibeneebeeto, diggoona beeyemmone.

Dojjecho 12:14

Ebiyoo, asho shuuneebeeti gonde shuunoo tuneba deꞌe shuunoo bulli toommooch, aasheexonona echiyaanoon Yeeri nallemmo bi tunoone.

Isiyaasi 41:10

Ta neenna tookkaa ta tunetoyich, shattaahine; ne Nuggishoo ta tunetoyich, keqqiyaahine; ta neen kupphiyemmo taane; neen gaachemmo taane; cadiqe ta mochoona neen deggemmo taane.

Isiyaasi 41:14

Hipperoommi Yaaqobo, Israꞌeelee ashoocho, shattaahine; Doono Yeeri ta neen gaachemmo taane; neen Biishee Wodiyechi Israꞌeelee Yaafoo taane.

Erimiyaasi 1:8

Neen wodiyoyich neenna tookki tunemmo ta tunetoyich, asheenaꞌon shattaahine” iye Doono Yeeri.

Hiziqeeli 2:6

“Ashi bushoocho, boonoshich tuneba boonoshi qaaroyich shattaahine; guccinonaa angixona ne guudoona bi beetaa, barahee macheenaꞌo daggooch ne kotetaa, shattaahine; hukkechi asheenaꞌo boonoshi tunetoyich boonoshi qaaroon woyee sheexon shati keqqiyaahine.

Maatiyoosi 10:28

Meenon wuxoyee damba kashoon wuxoo hakkaaneenaꞌon shattaahote. Tunetaa meenonaa kashoonon shiweree qaaqqoona aalliyoon hakkii beeton shatote.

Maariqoosi 4:22

Aacheeto bulli xalla keyo, qereeto bulliyoo gaxxeyoo echeyaani mooyone.

Luqaasi 24:47

Yerusaalemee tiijjiree aageteenaꞌo bulliich beddaahaa axaaxoochee Yeer waan wottoonaa maaroon danoonochi wochoo bi shigoona getteyemmone’ getaa kooreetone.

Luqaasi 8:17

Aacheeti mooyo bulli xalla keyo, maaceexi mooyo gaxxeeꞌi aricho echeyaachemmone.

Mishiraachechinaꞌo 1:8

Tunebaani Yaafe Ayaano ittoshi toommooch bi kindiyooba, giidoon danemmo ittoshine. Arooba Yerusaalem, Yihudee showoo bulliich, Shamaaree showooch, showee tuggo bulliichoo ta mooyon miixemmo ittoshine” iye.

Mishiraachechinaꞌo 4:13

Arooba kiceeti Ayihudee nallechinaꞌo Pheexiroosinaa Yowannisina aafoon kuppheꞌi boonoshi yibbaatoon beeggiꞌi, dojjechona tookkii boonoshi dicci qayonaa ogooge asheenaꞌo boonoshi tunee qayonon shalligiꞌi worganeheete; ebiyee aaf Yesuusina tookkii boonoshi beemon ariiheete.

Mishiraachechinaꞌo 4:19

Tunetaa Pheexiroosinaa Yowannisina wochiꞌi, “Yeerich deꞌa getonaa woyee ittoshich deꞌa getona? Yeeri aafooch aabine tato? Eke ittoshi nallibote.

1 Qorontoosi 4:5

Ebich Doono Yesuusi waataan beetaa, aabaalli nalloon koni toommoochona nalliyaahote. Doono Yesuusi bi waahooba, and manderooch aacheeton xallooch kichemmone; ashi mullooch beeti gaboon gaxxemmone. Arooba Yeeri asho bullin bi shuuni shuunoommona bi qelli qelloona galletemmone.

1 Pheexiroosi 3:14

Tunebaani cadiqee shuunoon ittoshi shuunetoyich ittoshin xuuxoon boonoshi bekkiigaata, diireeto ittoshine. Asheenaꞌochi miichoon shattaahote; keqqiyaahote.