Maatiyoosi 10:2 - Kafa Linguistics Project

² Hini are aaraa gutte mishiraachechinaꞌochi shigo, batti batt Pheexiroosi getteebeeti Simooni, bi manoo Indiriyaasi, Zebidiyoosi bushiisheenaꞌo Yaaqobinaa Yowannisina,

Maatiyoosi 10:2 ပူးပေါင်းရင်းမြစ်များ

Maatiyoosi 17:1

Shiritte qemoyee gubb Yesuusi Pheexiroosin, Yaaqobinaa bi manoo Yowannisinon baach yechiꞌi genje guudi toommooch kechiye.

Maatiyoosi 20:20

Arooba Zebidiyoosi mechee bi bushiisheenaꞌona tookkaa Yesuus waan giddaꞌa ikke mooyon biich bi tuniyemmoyich goyinnaa qollahan.

Maatiyoosi 26:37

Pheexiroosinaa Zebidiyoosichi gutte bushiisheenaꞌonon dabbiiꞌi hammiye. Bi kasho keyaano giyaano yullehe.

Maatiyoosi 4:18

Yesuusi Galiilee baharee gashoona besheebee gutte maneenaꞌo Pheexiroosi getteebeeti Simooninaa Indiriyaasinon ciinniye; boonoshi shuunoo haashee yesho bi tunetoyich dabboon baharooch duppii beeheete.

Maatiyoosi 4:21

Aroochee Yesuusi besheꞌi bareenaꞌo Zebidiyoosi bushiishoo tuneti gutte maneenaꞌo Yaaqobinaa Yowannisina boonoshi nihoo Zebidiyoosina tookkii giishi markabee toommoochaa dabboon boonoshi shippii beetaa ciinniye; boonoshinoo ceeggiye.

Maariqoosi 1:29

Yesuusi wotta Ayihudeenaꞌo kiceebeeti kexoochee kechiꞌi Yaaqobi, Yowannisinaa bare asheenaꞌona tookkii gutte maneenaꞌo Simooninaa Indiriyaasinochi kexooch giyiye.

Maariqoosi 13:3

Ebiyee gubb, Yesuusi Yeerichi yaafee kechi ciinooch beeti Zayitee Michi guudooch kotee bi beetaa, Pheexiroosi, Yaaqobi, Yowannisi, Indiriyaasi eboshi baach Yesuus waan giddeꞌi,

Maariqoosi 6:30

Ebiyee gubb, mishiraachechinaꞌo boonoshi hammitoochee wotteꞌi ikkooch Yesuus waan giddeꞌi, boonoshi shuunetonaa boonoshi dojjito bullinon biich gettiyeete.

Luqaasi 11:49

Ebich Yeerichi shalligoo ishichiye: ‘Boonoshi waan keemechinaꞌonaa mishiraachechinaꞌonon daachiyemmo taane; boonoshi daggoochee ikkikkeenaꞌon wuxemminaꞌone; ikkikkeenaꞌon duꞌiyemminaꞌone’ itone.

Luqaasi 22:14

Saato bedaa, Yesuusinaa aaraa gutte mishiraachechinaꞌona madoo giddetaa maayoon maaya koteheete.

Luqaasi 22:8

Yesuusiyoo Pheexiroosinaa Yowannisinon “Beshee Baaree maayoon no maayemmoyich hamiree nooch qanniibote” iꞌi wochehe.

Luqaasi 5:10

Ebiyoommon wotta Simoonichi nuucheenaꞌo Zebidiyoosi bushiisheenaꞌo Yaaqobinaa Yowannisina worganeheete. Yesuusiyoo Simoonin “Shattaahine! Ebiyee bekk haashoon ne yeshoommon, ashoon ta waan qaawi yeshiree deebemmo neene” iye.

Luqaasi 9:10

Aroyee gubb wotta mishiraachechinaꞌo boonoshi hammitoochee wotteꞌi boonoshi shuuneti mooyo bullin Yesuusich gettiyeete. Boonoshin baach dabbiiꞌi Beetisayidi getteebeeti katemee gaꞌooch hammiye.

Yowannisi 12:22

Ebina Filipphoosi hammiꞌi Indiriyaasich gettiye; aroochee gutteꞌi hammii Yesuusich gettiyeete.

Yowannisi 13:23

Bi dabbeenaꞌo daggoochee Yesuusi shunniibeeti ikkoo Yesuusichi gaꞌooch koteꞌi beehe.

Yowannisi 20:2

Wocona hammaꞌa Pheexiroosinaa Yesuusichi dabbeenaꞌo daggoochee Yesuus shunniibeeti bare bi dabboona waan shaggaꞌa, “No Doonon oppoochee kichii daammitinaꞌone; amooch boonoshi geddito gaata ariyaano noone” iyan.

Yowannisi 21:2

Simoon Pheexiroosinaa Qaappoo getteebeeti Toomaasina, Galiilee showeexi Qaani katemoochee tuneti Naatinaꞌeeliyoo, Zebidiyoosi bushiisheenaꞌo, bi dabbeenaꞌo daggoocheenoo bare gutteenaꞌo eboshi tookkii beeheete.

Yowannisi 21:20

Pheexiroosi guuddii wotteꞌi Yesuusi shunniibeeti bi dabboo Yesuusin bi dabboon beeggiye; aroo ebiyee aaf gifiree mami saatooch Yesuusichi gaꞌooch katinniꞌi, “Ta Doonocho, neen beshiiree immemmo konine?” iꞌi echetone.

Yowannisi 21:24

Eboshin miixeebeeto, hininoo koorito hini bi dabboone; bi miixeto iberoo bi tunoon ariibeeto noone.

Yowannisi 6:67

Ebich Yesuusi aaraa gutte bi dabbeenaꞌoyich “Ittoshi wotta hamma qaawii beetote?” iye.

Yowannisi 6:70

Yesuusi boonoshich “Ta, aaraa guttoo ittoshin kaacaachote? Tunetaa ittoshi daggeexi ikkoo daabiloosine” iꞌi wochiye.

Yowannisi 6:71

Bi gettito, Simoonichi bushoo, Asqorootechi Yihudichoniye. Ebiyoo aaraa gutte bi dabbeenaꞌo daggoochee ikkoo tuneto biin beshiiree immemmo bi tunetoyichiye.

Yowannisi 6:8

Bi dabbeenaꞌo daggoochee ikkoo, Simoon Pheexiroosichi manoo Indiriyaasi tiyiꞌi,

Mishiraachechinaꞌo 1:13

Katemooch shaggiꞌi, boonoshi beeti, kechi toommeexi kexooch kechiyeete. Boonoshiyoo Pheexiroosi, Yowannisi, Yaaqobi, Indiriyaasi, Filipphoosi, Toomaasi, Baritelemoosi, Maatiyoosi, Ilfiyoosichi bushoo Yaaqobi, bi aagetoyich qanaatechi Simooni, Yaaqobichi bushoo Yihudi, eboshine.

Mishiraachechinaꞌo 1:26

Boonoshi ishichitoyee gubb, ixoon duppiyeete; ixoo Maatiyaasin yechiye; ebina Maatiyaasi aaraa ikke mishiraachechinaꞌo toommooch daakkeeꞌi haddeehe.

Mishiraachechinaꞌo 12:2

Yowannisi manoo Yaaqobin goraadoona wuxiihe.

Mishiraachechinaꞌo 3:1

Ikke areddoon asheenaꞌo corootiya kiceebeeti saatooch, ebiyoo yiixiye saatooch, Pheexiroosinaa Yowannisina yaafee kexooch hammii beeheete.

1 Qorontoosi 15:7

Aree hillooch Yaaqobich, daakkiꞌi mishiraachechinaꞌo bullich bekkehe.

Efesooni 4:11

Aroo ikkikkeenaꞌo mishiraachechinaꞌo, bareenaꞌo keemechinaꞌo, bareenaꞌo mishiraachee qaaree gettechinaꞌo, bareenaꞌoo qiddeenaꞌonaa dojjechinaꞌona boonoshi tunemmoyich asheenaꞌoyich wojjoon immiye.

Hibireena'o 3:1

Ebich noonna tookkii Yeerina ceekketi yaafe ta maneenaꞌote! Biin no gibenoon no miixeti mishiraachechonaa qeeshee guudoona tuneti Yesuusin gabibote.

1 Pheexiroosi 1:1

Yesuus Kiristoosichi mishiraachechi Pheexiroosi waanee, Faantoosee showooch, Galaatee showooch, Qephadooqee showooch, Isiyee showoonaa Bitaaniyee showoonooch beeti katemoo bulliich shiqqoo tunee shaceꞌi beeti, Yeerina kaacheti asheenaꞌoyich,

2 Pheexiroosi 1:1

Yesuus Kiristoosichi guunonaa mishiraachechona tuneti Simoon Pheexiroosi waanee, No Nuggishoonaa noon Wodiyechona tuneti Yesuus Kiristoosi cadiqo bi tunetoyich, Kiristoosi toommooch nooch beeti, aaxxoo tuneti mullee tooꞌiyoon no danetoommon danetinaꞌoyich:

2 Yowannisi 1:1

Geeno ta waanee, No daggooch iberee qaaro bi beetoyich, bulli yemeenoonoo noonna tookki beeyemmo bi tunetoyich, iberoon ta shunnaabeeti, ta ikkeeto baach tuneyaanoon iberoon arii beetinaꞌo bulli wotta shunniibeeti, Yeeri kaacciti indeenaa bi bushiisheenaꞌonoyich:

3 Yowannisi 1:1

Geeno ta waanee, Iberoon ta shunnaabeeti ta shunechi Gaayoosich.

Yaaꞌoo 1:1

Yesuus Kiristoosi katinoon tunemmi mooyon Yeerichi maddechinaꞌoyich bi bekkiyemmoyich Yeeri biich bi immiti yaaꞌoo hinine. Yesuusiyoo bi maraakoon wocheꞌi, bi maddechi Yowannisich bekkiihe.

Yaaꞌoo 1:9

Ta ittoshi manoo Yowannisi, ittoshina tookkii, Yesuusina duꞌoon, taatittinoonaa haaꞌiyoonon qoodeyecho tuneto, Yeerichi qaaroon ta gettetonaa Yesuusichon ta miixetonoyich Fiximoosi getteebeeti buure showooch beeho.

Yaaꞌoo 18:20

Shimaayooch beetinaꞌote, emiribote! Yaafeenaꞌote, mishiraachechinaꞌote, keemechinaꞌote, ittoshi toommooch bi tuniiti mooyo bullichi gaacoon Yeeri bi toommooch bi nallitoyich emiribote.

Yaaꞌoo 22:8

Ebinoo ta waamona waayeto, ta aafoonoo beeggeto, Yowannisi taane; ta waayaa beeggehooba, ebin taach bekkiiti maraakoyich goyinneya bi baatooch baroona guufeho.