Maatiyoosi 10:17 - Kafa Linguistics Project

¹⁷ Tunebaani nallechinaꞌoyich ittoshin beshiiree immemminaꞌone; Ayihudeenaꞌo kiceebeeti kexoochaa arengoona xooppemmo ittoshine; ebich ashi waanee ittoshi qelloon quyebote!

Maatiyoosi 10:17 ပူးပေါင်းရင်းမြစ်များ

Mikiyaasi 7:5

Ne giyoon gibeneyaahine; ne nuuchoonoo gibeneyaahine. Ne sheenooch qeyaabeeti ne mecheyichona diqqoona yibbaateyaahine.

Maatiyoosi 10:18

Ta naboyich iraasheenaꞌonaa taateenaꞌonochi aafooch ittoshin neechemminaꞌone; ebi bi tunemmo boonoshinaa Aageteenaꞌonoyich miixoo ittoshi tunemmoyichiye.

Maatiyoosi 20:19

Aagetee asheenaꞌoyichoo beshiiree immemminaꞌone; boonoshiyoo biin coonemminaꞌone; arengoonoo xoobbemminaꞌone; aroyee gubb yooddemminaꞌone. Tunetaa keejje qemooba qitoochee tiyemmone” iye.

Maatiyoosi 23:34

Ebich keemechinaꞌon, yiiteenaꞌonaa dojjechinaꞌonon ittoshi waan woche daachiyemmo taane. Boonoshi daggoochee ikkikkeenaꞌon wuxemmo ittoshine; ikkikkeenaꞌon yooddemmo ittoshine; boonoshi daggoochee ikkikkeenaꞌon ittoshi kiceebeeti kexoochaa arengoona xoobiree katemoochee katemooch yookkemmo ittoshine.

Maatiyoosi 26:59

Arooba qeeshee ukkireenaꞌonaa kaacheti Ayihudee nallechinaꞌo bullina Yesuusin wuxiiya bi toommooch koote miixeenaꞌon qaawiyeete.

Maatiyoosi 5:22

Tunebaani and ta waanee waayebote! Bi manoon kaareebeeto bulli nallee gabberooch giddemmone; bi manoon ‘Ulloocho!’ iꞌi naaggimmo bulli nallee iitee aafoochaa bi toommooch nalleyemmone; ‘Mullaalli ongoocho!’ iꞌi naaggimmo bulli ‘Shiweree qaaqqooch duppebe’ getaa bi toommooch nalleyemmone.

Maariqoosi 13:12

“Arooba manoo bi manoon, nihoo bi bushoon wuxemmi asheenaꞌoyich beshiiree immemmone; wotta bushiisheenaꞌo boonoshi niheenaꞌonaa boonoshi indeenaꞌonochi toommooch tiyiree wuxiyemminaꞌone.

Maariqoosi 13:9

“Illa ittoshi qelloon quyebote; nallechinaꞌoyich ittoshin beshiiree immemminaꞌone; Ayihudeenaꞌo kiceebeeti kexoochaa arengoona xooppemmo ittoshine; ta miixoo ittoshi tunemmoyich ta naboyich iraasheenaꞌonaa taateenaꞌonochi aafooch neexemmo ittoshine.

Luqaasi 12:11

“Ittoshin Ayihudeenaꞌo kiceebeeti kechi nallechinaꞌo, showee iraasheenaꞌonaa ukkireenaꞌona waan boonoshi geechiyooba, arooba ittoshi gettemmi mooyon Yaafe Ayaano ittoshich arichiyemmo bi tunetoyich ‘Aabichiree woyee ama getiree wochehone?’ woyee ‘Ama gettehone?’ getiree xuuxeyaahote” iye.

Yowannisi 11:47

Ebich qeeshee ukkireenaꞌonaa Fariseenaꞌona Ayihudee nallechinaꞌon kiciꞌi, “Aabichibona? Hini uro meeti malletoon bekkii beehe amoone!

Yowannisi 16:2

Ayihudeenaꞌo kiceebeeti kexoochee ittoshin yookkemminaꞌone; ebiyeenoo wotta ittoshin wuxemminaꞌo bullich boonoshi shuunoo Yeerich gaacheebeeto bi shaahemmi aabo woyemmone.

Mishiraachechinaꞌo 17:14

Ebich arooba bekkech kittinnee maneenaꞌo Phawuloosin baharee gashooch beddaahaa daachiiheete; tunetaa Sillaasinaa Ximootiyoosina Beeriya echeheete.

Mishiraachechinaꞌo 22:19

“Tawoo wochaꞌa, ‘Ta Doonocho, Ayihudeenaꞌo kiceebeeti kexo bulliich hammaabee, boonoshi mulloon ne toommooch tooꞌii beetinaꞌon ta cuyonaa ta xoobonon arii beetinaꞌone;

Mishiraachechinaꞌo 26:11

Meeti areddoon Ayihudeenaꞌo kiceebeeti kexo bulliich deebaa sheeraabee, Yesuusin boonoshi nookkemmoyich qiiccaa beehoye. Oogichaa kaaraꞌa Ayihudee showoyee maach tuneti katemeenaꞌooch beddaahaa hammaꞌa boonoshin duꞌii beehoye” iye.

Mishiraachechinaꞌo 9:2

Hammiꞌi, “Damaasiqi katemooch beeti Ayihudeenaꞌo kiceebeeti kechi ukkireenaꞌoyich koorichoon kooriree taach imbe; arooch Yesuusichi gommon dabbii beetinaꞌon, anaaminaꞌo tunebeeta maacheenaꞌon yeshi cuyiree Yerusaalem deebona” iꞌi qollehe.

Filipphisiyoosi 3:2

Kunaaneenaꞌo waanee ittoshi qelloon quyebote; gondoon shuunee beetinaꞌo waanee, dokireebote iꞌi ittoshin xuqqii beetinaꞌo waaneenoo ittoshi qelloon quyebote.

2 Ximootiyoosi 4:15

No gettaabeeti mooyon happiya oogichii bi qiiccetoyich, ne wotta bi waanee ne qelloon quyebe.

Hibireena'o 11:36

Bareenaꞌo cooneetinaꞌo tunoonaa yexxeyoona, ebiyee beshiton wotta qoqqaannoona cucheyoonaa cuyee kexooch xuuxoonon beeggiyeete;