Maatiyoosi 10:14 - Kafa Linguistics Project

¹⁴ Ittoshin iibbiyaano woyee ittoshi qaaroon waayeyaano koniyoona bi beegaata, are kexon woyee are katemoon gawukkiree keyibee ittoshi baateexi quttoon tebbebote.

Maatiyoosi 10:14 ပူးပေါင်းရင်းမြစ်များ

Nehimi 5:13

Wotta ta tahee qodoon tebbaꞌa, “Ebi mooyon tuniyaani ashoon Yeeri bi kexonaa bi hajjitonoochee ebiyoommon biin tebbebe; ebiyoommon ooye; shokkoon echebe” iyo. Iitoo bulli, “Ameena” iye; Doono Yeerinoo galletehe. Asheenaꞌoo boonoshi giyiti wogoon ceechiyeete.

Maatiyoosi 10:13

Kechi doono ittoshin bi iibbiigaata, ittoshi diggiyoo biich shage; iibbiyoo bi qayigaata, ittoshi diggiyoo biich shaggaaye.

Maatiyoosi 18:5

Ebiyoommi gishiishi bushiisheenaꞌoochee ikkoon taacha iꞌi shunniibeeto koniyoona taan shunnii beetone” iye.

Maariqoosi 6:11

Ittoshin iibbiyoo qajjiꞌi, ‘Ittoshi gettii beeton waayeyaache’ ii beeti xaaꞌeexi asheenaꞌoyich, boonoshi toommooch miixoo bi tunemmoyich gommooch keyiree ittoshi baateexi quttoon tebbeechi aroochee keyote” iye.

Maariqoosi 9:37

“Koniyoona taacha iꞌi, ebiyoommi gishiishi bushiisheenaꞌo daggoochee ikkoon bi shunigaata, taan shunnii beetone. Wotta koniyoona taan bi shunigaata, taan deejjiti Yeerinoonalli, ta ikkeeton toonoone bi shunniibeeto” iye.

Luqaasi 9:48

boonoshich ishichiye: “Koniyoona taacha iꞌi ebiyoommi giisheche bushoon bi shunigaata taan shunnii beetone; wotta koniyoona taan bi shunigaata, taan deejjiti Yeerin shunnii beetone; ittoshi bulli daggoochee giishecho bulliyee besho tunemmone” iye.

Luqaasi 9:5

Aabiichona beeti asheenaꞌo ittoshin iibbiyaano boonoshi qayigaata, boonoshi toommooch miixoo bi tunemmoyich ittoshi baateexi quttoon tebbeechi are gafoon gawukkiree keyote” iye.

Yowannisi 13:20

Iberoon ittoshich gettoye: Ta wocheto koninolla shunniibeeto taan shunnii beetone; taanoo shunniibeeto taan wocheton shunnii beetone” iye.

Mishiraachechinaꞌo 13:51

Ebina Phawuloosinaa Barnabaasina boonoshi baateexi quttoon tebbeechii tiyiꞌi, Iqooniyooni katemooch hammiyeete.

Mishiraachechinaꞌo 18:6

Tunebaani asheenaꞌo bi gettii beeton waayeyaachone iꞌi biin boonoshi naaggimmona, bi tahee quttoon tebbeebee, “Ittoshi toommooch mangoo waahooba, ittoshine ciichemmo; ta gettaꞌa ta qelloochee beshiito taane. Illa ebiyee damba Aageteenaꞌo waan hammemmo taane” iye.

1 Tasaloonqi 4:8

Illa ebi no dojjiti mooyon shixxiibeeti asho, bi shixxiibeeto, ittoshich bi Yaafe Ayaanoon immiibeeti Yeerinalli, ashoon toonoone.