Maatiyoosi 1:20 - Kafa Linguistics Project

²⁰ Yooseefi ebin gabii bi beetaa, Doonochi maraakoo gumona daneꞌi biich ishichiye: “Daawitichi bushoo Yooseefo, shaagga ne maakkiiti Maariyami yeqqefeto, Yaafe Ayaanoonane. Ebich shattaahine, shaage.

Maatiyoosi 1:20 ပူးပေါင်းရင်းမြစ်များ

Halloo 31:11

Yeerichi maraakoo gumona ‘Yaaqobo’ iye. Tawoo eekkeho.

Halloo 46:3

Yeeriyoo biich ishichiye: “Ta ne nihoo Nuggishoo taane. Desh Gibits kindoyich shattaahine. Aroochaa meeti ashechi aagetoon neen tuniyemmo taane.

1 Taateenaꞌo 17:13

Aroochee Eliyaasi biich “Shattaahine; hamiree ne gettetoommon tuniibe; tunebaani shiichiree areechee giisheche koshin kachiiree taach deebe. Ebiyee gubb, neennaa ne bushoonoyich kachiibe.

1 Taateenaꞌo 3:5

Gibeꞌoonaa Doono Yeeri Solomoonina xumi gumona danehe. Yeeriyoo “Neech ta immemmoyich ne qaawaabeeto amo gaata, taach gete” iye.

Shoddo 119:125

Ne guuno taane; ne qociyoon ta ariyemmoyich, taach shalligoon imbe.

Shoddo 143:8

Neen ta gibenetoyich ne shoodoon maaddi maaddoona taach bekkiibe; ta kasheen neech ta immetoyich ta hammemmi gommon taach dojjibe.

Shoddo 94:19

Ta mulloo woddii bi xuuxehooba, ne goggiyoo ta kashoon emirikkite.

Shaahiyoo 12:5

Cadiqeenaꞌochi gaboo kaamoone; tunebaani gondeenaꞌochi ciico dawushoone.

Isiyaasi 26:3

Neen bi gibenetoyich, neenna degeyaabeeti kasheen, diggoona quyemmo neene.

Isiyaasi 30:21

Gommon muricciꞌi yoocha, qanna ittoshi getigaata, ittoshi gubbaa, “Gommo hinine; ebina hambote” ii beeti qaaroon waayemmo ittoshine.

Isiyaasi 51:7

“Tate mooyon ariyaa beetinaꞌote, ta sheeroo ittoshi mullooch beeti asheenaꞌote, ta waanee waayebote: Ashi miichoon shattaahote; boonoshi naagoyichoo keqqiyaahote.

Isiyaasi 7:13

Isiyaasiyoo ishichiye: “Daawitichi yareenaꞌote, waayebote. Ashoon ittoshi taahiito giishetaa wotta ta Nuggishoon taahiiya iyote?

Isiyaasi 7:2

Daawitichi yareenaꞌoyich, “Sooriyeenaꞌonaa Efreemichi yareenaꞌona guuphitinaꞌone” getaa getteehe. Ebich Akaazinaa bi asheenaꞌonochi mullo keqqoona, yongo shuurikkiibeeti kubbi mixon shaahiye.

Erimiyaasi 31:22

Hini gibeneyaani asheenaꞌote, axiraache ittoshi beeyemmo aati wottooniye? Doono Yeeri ta, showee toommooch andire mooyon hallito taane; maachee anaamoyich deeboon tunemmine” iye.

Erimiyaasi 33:26

Yaaqobichi yareenaꞌonaa ta guuno Daawitichi yaroonon qajjesho taane; boonoshi bushiisheenaꞌoocheenoo Abrahamichi, Yisaaqichi, Yaaqobichi yareenaꞌo toommooch bi taatemmoyich kaacaachesho taane. Tunebaani boonoshi kecoon ta wochemmo, boonoshich ariqqemmo ta tunetoyichiye” iye.

Erimiyaasi 40:9

Shafaanichi bushoo, Ahiqaamichi bushoo Gedaliyi boonoshinaa boonoshi ginee naayinaꞌonoyich ishichiꞌi wogoon giyihe: “Baabloonee asheenaꞌoyich maddoyich shattaahote; hini showooch kotebote; Baabloonee taatoyich maddibote. Ebin ittoshi tuniigaata ittoshich diggoo tunemmone;

Yoꞌeeli 2:28

Doono Yeeri ishichiye: “Ebiyee bekk, ta Ayaanoon meeno taheti asho bulli toommooch woniyemmo taane; ittoshi anaami bushiisheenaꞌonaa maache bushiisheenaꞌona keemoon keemmemminaꞌone; ittoshi daggeexi geeneenaꞌo gumon gummemminaꞌone; gurimaasheenaꞌoo yaaꞌoon beeggemminaꞌone.

Haddoo 12:6

Ishichiinoo iye: “Ta gettaa beeton waayebote. Ittoshi daggooch keemecho bi beegaata, Doono Yeeri ta, yaaꞌoona biich bekkaabeeto taane; gumonoo biich gettaabeeto taane.

Maatiyoosi 1:18

Yesuus Kiristoosi shiijjo ebine: Bi indee Maariyami Yooseefich maakkeechaa shaakkeyaan beebee, Yaafe Ayaanoona yeqqefehan; bi yeqqefoo arichehe.

Maatiyoosi 2:12

Ebiyee gubb, Yeeri gumona “Wotteree Heroodis waan hammaahote” iꞌi bi gettitoyich, bare gommona boonoshi showooch wotteꞌi hammiyeete.

Maatiyoosi 2:13

Xojjenee hiddechinaꞌo hammitoyee gubb, Doonochi maraakoo gumona daneꞌi, Yooseefin “Heroodisi hini gaggere bushoon wuxiyoyich qaawii beetone; ebich tiyiree gaggeroonaa bi indeenon yeshiree, Gibits maxxebe; neech ta gettemmi wottoon, arooch kotebe” iye.

Maatiyoosi 2:19

Heroodisi qititoyee gubb, Doonochi maraakoo Gibitsaa gumona Yooseefina daneꞌi,

Maatiyoosi 2:22

Arikaliyoosi bi nihoo Heroodisichi keroon Yihudee showooch bi taatoon waayeꞌi, arooch hamon shattiye. “Yihudee showooch hammaahine” immi gumon beeggiꞌi Galiilee showooch hammii,

Maatiyoosi 28:5

Hini are maraakoo genneenaꞌoyich ishichiye: “Haanoshite, shattaahote. Yoodaa qititi Yesuusin ittoshi qaawoon ariibeeto taane.

Luqaasi 1:19

Maraakoo wochiꞌi, “Ta Yeeri aafooch neexaabeeti Gabreeli taane; neech ta gettemmoyich, hini mishiraachoonoo neech ta bechemmoyich Yeeri taan ne waan wochetone.

Luqaasi 2:4

Yooseefi wotta Daawitichi yaroonaa yoodoona bi tunetoyich, Galiilee showooch beeti Naazireetee tiyiꞌi, Yihudee showooch beeti Beetilehemi getteebeeti Daawiti Katemooch,

Mishiraachechinaꞌo 5:19

Boonoshi cuchiiti aroobee xum, Doonochi maraakoo cuyee kechi kelleenaꞌon qechii boonoshin maach kichiꞌi,

Yaaꞌoo 19:7

Bagoochi gaaro shaggitoyich, bi woꞌeyoo bi qelloon bi qanniitoyich emiribone; emiroona wucwucone; oogee yiiroonoo Yeerich imbone.

Woraaferasheenaꞌo 13:3

Doono Yeerichi maraakoo ureena daneꞌi biich ishichiye: “Xaafee ne tunetoyich bushoon shiyaane neene. Tunebaani xiferee anaami bushoon shiyemmi neene.