Maatiyoosi 1:12 - Kafa Linguistics Project

¹² Yihudee macceenaꞌo Baabloonee showooch boonoshi keccetoyee gubb, Yekoniyaasi Shelateelin shiyihe; Shelateeli Zerubabeelin shiyihe;

Maatiyoosi 1:12 ပူးပေါင်းရင်းမြစ်များ

2 Taateenaꞌo 24:14

Nabukadinatsori Yerusaalemi asheenaꞌo bullin, woraaferasheenaꞌo bullinaa ginee anaaminaꞌo tuneti asheenaꞌo bullinon, aashire hume asheenaꞌon kecciꞌi daammiye. Boonoshina tookkii qoppechinaꞌonaa qemminaꞌo bullinon daammiye. Girechi showee asheenaꞌoyee besh koniyoona echeyaanoone.

2 Taateenaꞌo 25:27

Yihudee taatoo Yoyakiini kecceti shaashaa shabaattinnee natooba, aaraa guttinnee agenee hiyaa shabaattinnee qemooba, Baabloonee taatoo Ebil Merodaaki bi taateti batti batti natooch, ariqqeꞌi Yihudee taatoo Yoyakiinin cuyee kexoochee kichiye.

1 Kiinoo 3:17

Kecaa hammiti Yekoniyaahichi anaami bushiisheenaꞌo: Shelateeli,

Iziri 3:2

Yotsedeeqi bushoo Yaasinaa biinoommi qeesheenaꞌo, Shelateeli bushoo Zerubabeelinaa bi xibeenaꞌona, Yeer asho Muusichi Sheerooch bi kooreetoommon, micciibeeti deejjoon giddiyoyich Israꞌeelee Nuggishoochi deejjee gudoon shuuneheete.

Iziri 5:2

Ebich Shelateeli bushoo Zerubabeelinaa Yotsedeeqi bushoo Yaasina Yerusaalem beeti Yeerichi kexon shuunoyich tiyiyeete. Boonoshin gaachemmi Yeerichi keemechinaꞌo boonoshina tookkii beetinaꞌone.

Nehimi 12:1

Shelateeli bushoo Zerubabeelinaa Yaasina tookkii wotteti qeesheenaꞌonaa Leweenaꞌona eboshine: Seraayi, Erimiyaasi, Iziri,

Erimiyaasi 22:24

“Ta, beeyecho ta tunetoyich, Yihudee taatoo Yoyaqiimichi bushoo Yoyakiino, ne ta qanne kisheexi axxaamittee malletoo ne tunetaanoona aroochee neen kichi duppemmo taane” iye Doono Yeeri.

Erimiyaasi 22:28

Tawoo ishichiyo “Hini uro Yoyakiini, hoxeeti tiishe qondoone? Yoyakiini qaaweyaani nuuqqee qiicoone? Biinnaa bi bushiisheenaꞌona boonoshi ariyaani showooch amoyich kecaa daammeeheete?” iyo.

Erimiyaasi 22:30

Doono Yeeri ishichiye: “Hini uroochi yaroochee biich kaamemmi asho, Daawitichi taatee qeenoochoo kotemmo, Yihudee showoochoo taatemmo illa daneyaachemmo bi tunetoyich, ‘Bushaallo, bi yemeenoochoo biich kaameyaani asho’ getiree kooribe” iye.

Haagi 1:1

Taatoo Daariyoosi taateti guttinnee natooba, shirittinnee agenee ikkinnee qemooba, Doono Yeeri keemechi Haagina, Yihudee iraashoo, Shelateeli bushoo Zerubabeelinaa Yehotsedeeqichi bushoo, qeeshee guudo Yaasinoyich bi gettiti qaaro:

Haagi 1:12

Aroochee Shelateeli bushoo Zerubabeelinaa Yehotsedeeqichi bushoo, qeeshee guudo Yaasina echeti curo bullina tookkii boonoshi Nuggishoo Doono Yeerichi qaaroon, wotta boonoshi Nuggishoo Doono Yeeri biin bi wochetoyich, keemechi Haagichi qaaroonoo waayeheete. Asheenaꞌoo Doono Yeerin shattiyeete.

Haagi 1:14

Doono Yeeriyoo Shelateeli bushoo, Yihudee iraashoo Zerubabeelichi mullo, wotta Yehotsedeeqichi bushoo, qeeshee guudo Yaasichi mulloonaa echeti curo bullichi mulloona tiyemmoyich tuniihe. Boonoshiyoo taatoo Daariyoosi taateti guttinnee natooba, shirittinnee agenee hiyaa awuddinnee qemooba, boonoshi Nuggishoo Beshe Mawe Doono Yeerichi kexon hagooch giyiyeete.

Haagi 2:23

“ ‘Shelateeli bushoo, ta guuno Zerubabeelo, ebi aabooba ta neen daamiree, dukkeebeeti, ta kisheexi axxaamittee maatemoommon tuniyemmo taane. Ebiyoo, neen ta kaaccetoyichiye itone Beshe Mawe Doono Yeeri’ gete” iye.

Maatiyoosi 1:11

Yihudee macceenaꞌo Baabloonee showooch boonoshi kecaa hamiyooba, Yosiyaasi Yekoniyaasinaa bi maneenaꞌonon shiyihe.

Maatiyoosi 1:13

Zerubabeeli Abiyoodin shiyihe; Abiyoodi Eliyaqimin shiyihe; Eliyaqimi Azoorin shiyihe;

Maatiyoosi 1:17

Illa hini shiijjeroo bulli, Abrahamiichee Daawitiich beddaahaa, aaraa awudde shiijjeroone; Daawitiichee Yihudee macceenaꞌo Baabloonee showooch boonoshi kecceemmi wottoon, aaraa awudde shiijjeroone; Yihudee macceenaꞌo Baabloonee showooch kecetoochee Kiristoosichi shiijjooch beddaahaa, aaraa awudde shiijjeroone.

Luqaasi 3:27

Yowanaani bushoo, Reesi bushoo, Zerubabeeli bushoo, Shelateeli bushoo, Neeri bushoo,