Maariqoosi 9:50 - Kafa Linguistics Project

⁵⁰ “Kiiho gaawetone; tunebaani kiiho noocon bi qayigaata, are kiihon amoona noociiyehote? Illa ittoshi kiihochoommon nooco tunebote; ittoshinaa ittoshina shuneree beebote” iye.

Maariqoosi 9:50 ပူးပေါင်းရင်းမြစ်များ

Iyoobi 6:6

Shaawaani, kiikkaalli maayoon maayemmo konine? Gabexee daggeexi naccoo bi shaawo amoone?

Shoddo 133:1

Maneenaꞌo ikkittinoona beemo, am shaahoon gaawetonaa emirikkitonane.

Shoddo 34:14

Gonde mooyoochee wohe; gaawe mooyon tuniibe; diggoona beemon kupphiiree qaawibe.

Hiziqeeli 43:24

Doono Yeeri aafooch giddiyemmo neene; qeesheenaꞌoo arooch kiihon shishikkemminaꞌone; micciibeeti deejjoon tuniiree Doono Yeerich giddiyemminaꞌone.

Maatiyoosi 5:13

“Showee toommooch beeti asheenaꞌo bullich ittoshi kiihoommo ittoshine. Tunebaani kiiho noocon bi qayigaata, amoona noociyeheete? Maaxooch kichi boonoshi dufaa, baatoona neecheyehalli, gubbich amoonolla gaacaache.

Maariqoosi 9:34

Tunebaani boonoshi cikkii qajjiyeete. Ebiyoo gommona waabee, “No daggoochee bulliyee besho konine?” iꞌi boonoshi gajjiteetoyichiye.

Maariqoosi 9:49

Asho bulli qaaqqoona xallemmone.

Roomi 12:18

Asho bullina tookkii diggoona beemoyich ittoshich hakkeeto bullin tuniibote.

2 Qorontoosi 13:11

Illa ta maneenaꞌote! Emiribote. Kaamoo tunebote. Ta ciicoon waayebote. Ikke mulloona tunebote. Diggoona beebote. Shunee Nuggishoonaa diggee Nuggishoona tuneti Yeeri ittoshina tookki tunemmone.

Galaati 5:22

Tunebaani Yaafe Ayaanee aafo, shuno, emiroo, diggoo, haaꞌiyoo, ariqqo, deꞌittino, gibeneyoo,

Efesooni 4:29

Waayee beetinaꞌoyich diiroo tunemmi, asheenaꞌon eenniyemmi, boonoshichoo gaaccemmi gaaweti mooyon getotalli, amee gonde mooyolla ittoshi noonoochee kechaaye.

Filipphisiyoosi 1:27

Illa Kiristoosichi mishiraachee qaaroyich baach bedditon tuneree beebote. Ebi tunegaata, waa ittoshin ta beeggetaa woyee ittoshiyee ta wokketaa, ikke mulloona mishiraachee qaaree gibenoyich qiicceebee ikke ayaanoona manjiꞌi ittoshi neexoon waayemmo taane.

Qolaasiyaasi 3:12

Illa Yeeri ittoshin shunniꞌi biich bi kaaccitonaa biich bi yaafiti ashoona ittoshine; ebich ariqqittinoon, deꞌittinoon, qellee giishiyoon, shiimoon, haaꞌiyoon, ebi bullin tahebote.

Qolaasiyaasi 4:6

Boonoshi ikkikkoyich aabichiree tatoona ittoshi wochemmo gaata ittoshi ariyemmoyich, ittoshi yibbaatoo bulli aaboon kiihochoommon nooccii beetonaa emirikkii beetona tunebe.

2 Ximootiyoosi 2:22

Ebich gonde gurimaashittinee qaatoochee wohe; xalle mulloona Doono Yeerin qollee beetinaꞌona tookkiree cadiqoon, Kiristoosi toommooch mullee tooꞌiyoon, maneenaꞌon shunon, asho bullina tookkii diggoona beemonoo kupphiiree dabbibe.

Hibireena'o 12:14

Asho bullina tookki diggoona beemon qaawibote; yaafeyaanoon Doono Yeerin beegon hakkemmo aalloone; ebich yaafittinoona beemoyich qaawibote.

Yaaqobi 1:20

Ashi kaaro Yeerin emirikkiibeeti cadiqee shuunoon shuuneyaachemmone.

1 Pheexiroosi 3:8

And ciiroochaa ta gettaabeeto, ittoshi bulli ikke mulloona beebote; ikke ashi iritoon ittoshi qelli iritoommon tuniiree ciinote; manaamanoochoommon ittoshinaa ittoshina shunebote; ariqqechonaa gaꞌi deꞌoonon tunebote.