Maariqoosi 9:41 - Kafa Linguistics Project

⁴¹ Iberoon ittoshich gettoye; Kiristoosicho ittoshi tunetoyich, taacha iꞌi aqqe aacon ittoshich uchimmo bulli wojjoon mucceyaachemmone” iye.

Maariqoosi 9:41 ပူးပေါင်းရင်းမြစ်များ

Maatiyoosi 10:42

Koniyoona hini gishiisheenaꞌoochee ikkoo ta dabboo bi tunetoyich gare aaconona immiibeeto, iberoon ittoshich gettoye, wojjoon mucceyaachemmone” iye.

Maatiyoosi 25:40

“Taatoo wochiree, ‘Iberoon ittoshich gettoye: Bulliyee desho tuneti hini ta maneenaꞌoochee ikkoyichona ittoshi tuniito taach tuniyoommone’ gettemmone.

Maariqoosi 4:10

Yesuusi asheenaꞌo waanee barimmona aaraa gutte bi dabbeenaꞌonaa bi guudoona beeti bare asheenaꞌona ebi shaahiyeechon biin echeheete.

Roomi 14:15

Kittinnee ne manoon ne maabeeti maayi naboona ayinikkaabeeto ne tunegaata, illa biin shunaano ne tunoon ne shuunaabeeti mooyona bekkiibeeto neene. Biicha iꞌi Kiristoosi qititi asho ne maabeeti maayi naboona bi aalleyaachemmoyich ne qelloon ariibe!

Roomi 8:9

Tunebaani ittoshi, Yeerichi Ayaano ittoshi mullooch bi beegaata, Yeerichi Ayaanoyich hajjeeꞌi beehotalli, meenoyich hajjeeꞌi beetaachote. Illa Kiristoosichi Ayaano biich aallo bi tunegaata, aroo Kiristoosicho toonoone.

1 Qorontoosi 15:23

Tunebaani ebi bi tunemmo kaalli kaalloonane; shiichii Kiristoosi qaabboo tuneꞌi qitoochee tiyitone; ebichi hillooch wotta Kiristoosi wotteꞌi bi waahooba, biicho tunetinaꞌo tiyemminaꞌone.

1 Qorontoosi 3:23

ittoshiyoo Kiristoosicho ittoshine; Kiristoosiyoo Yeerichone.

2 Qorontoosi 10:7

Ittoshi aafooch bekkee beeton baachiye ittoshi ciinniibeeto; koniyoona Kiristoosicho bi tunoon iberiito bi tunegaata, aroo Kiristoosicho bi tunoommon, nowoo wotta Kiristoosicho no tunoon wochi bi qelloona gabibe.

Galaati 3:29

Ittoshiyoo Kiristoosicho ittoshi tunegaata, illa Abrahamichi yaroo ittoshine; Yeeriyoo bi gibenikkitoommon, woraashecho ittoshine.

Galaati 5:24

Kiristoos Yesuusicho tunetinaꞌo meenon gonde bi gaboonaa bi qaatoona tookkii yoodditinaꞌone.