Maariqoosi 9:31 - Kafa Linguistics Project

³¹ Ebiyoo bi dabbeenaꞌoyich dojjii bi beetoyichiye. Boonoshich “Ashi Bushoo taan ashi kishooch beshiiree immemminaꞌone; wuxemminaꞌone; boonoshi wuxitoyee gubb keejje qemooba qitoochee tiyemmo taane” iye.

Maariqoosi 9:31 ပူးပေါင်းရင်းမြစ်များ

Maatiyoosi 16:21

Aroobee aabooba Yesuusi bi dabbeenaꞌoyich ishichiꞌi getooch giyiye: “Yerusaalem hamo taach qaawiihe; aroochaa showee geeneenaꞌo, qeeshee ukkireenaꞌonaa Muusichi Sheeree dojjechinaꞌonochi kishoochee wodde xuuxoon beeggemmo taane; taan wuxemminaꞌone. Tunebaani keejje qemooba qitoochee tiyemmo taane” iye.

Maatiyoosi 20:28

Ashi Busholla wocheyoonaa bi kashoon meetinaꞌochi keroyich deejjoonoyich waahalli, boonoshi biich wocheebeete iꞌi waataanoone” iye.

Maatiyoosi 26:2

“Gutte qemoyee gubb Beshee Baaroo bi tunoon ariibeeto ittoshine; Ashi Bushoon yooddiyoyich beshiiree immemminaꞌone” iye.

Maatiyoosi 27:63

Kiceeꞌi ishichiyeete: “Doonocho, are ashoon dawushoona muriciyecho qitaanoon beebee, ‘Keejje qemoyee gubb qitoochee tiyemmo taane’ bi iton shalligito noone.

Maariqoosi 10:34

Boonoshiyoo biin coonemminaꞌone; bi toommooch cuddemminaꞌone; arengoona xoobbemminaꞌone; aroyee gubb wuxemminaꞌone; tunebaani keejje qemooba qitoochee tiyemmone” iye.

Maariqoosi 8:31

Ebiyee gubb, Yesuusi bi dabbeenaꞌoyich ishichiꞌi dojjooch giyiye: “Ashi Bushoo wodde xuuxoon beego biich echeyaani mooyone. Geeneenaꞌonaa qeeshee ukkireenaꞌona, Muusichi Sheeree dojjechinaꞌoo biin shixxemminaꞌone; wuxiishoo gettemminaꞌone. Keejje qemooba qitoochee tiyemmone” iye.

Maariqoosi 9:12

Biyoo wochiꞌi boonoshich ishichiye: “Iberoone; Eliyaasi shiichiree woyemmone; waaree bulli mooyon tachemmone. Tunetaa Ashi Bushoo wodde xuuxoon beeggemmo, hoxeyemmoo bi tuno bi kooreeto amoyichiye?

Luqaasi 24:26

Kiristoosich hini xuuxoon beego, oogee yiiree xaaꞌoochoo gimo qaawiyaache?” iye.

Luqaasi 9:44

“Ittoshi hini mooyon ittoshi mulloona manjiiree yeshote. Ashi Bushoon ashi kishooch beshiiree imma ii beetinaꞌone” iye.

Yowannisi 10:18

Ta shuniree qitehoani, ta shunaanoon taan wuxemmo aalloone. Qitoonaa qitoochee timonoyich hakkoo taach beetone; ta Nihoo ‘Ebin tuniibe’ itone” iye.

Yowannisi 2:19

Yesuusi wochiꞌi, “Hini yaafee kexon happibote; ta keejje qemona wochiree haggemmo taane” iye.

Yowannisi 3:14

Muusi barahoochaa dingeroon michi toommooch bi yoodoommon, Ashi Bushoo yooddeyoo biich qaawiihe.

2 Ximootiyoosi 2:12

Wotta xuuxoonaa duꞌoonon no haaꞌiigaata, biinna tookkiree taatemmo noone; biin no nookkegaata, bi wotta noon nookkemmone.