Maariqoosi 9:12 - Kafa Linguistics Project

¹² Biyoo wochiꞌi boonoshich ishichiye: “Iberoone; Eliyaasi shiichiree woyemmone; waaree bulli mooyon tachemmone. Tunetaa Ashi Bushoo wodde xuuxoon beeggemmo, hoxeyemmoo bi tuno bi kooreeto amoyichiye?

Maariqoosi 9:12 ပူးပေါင်းရင်းမြစ်များ

Shoddo 74:22

Yeero, tibe; ne taggoon taggebe; mullaalleenaꞌo heeyo bullin neen cooqqirii beeton ciine.

Isiyaasi 49:7

Israꞌeeleenaꞌochi Biishee Wodiyechonaa Yaafoona tuneti Doono Yeeri, asheenaꞌona oogichii hoxeeꞌi, ciigeeti, iraasheenaꞌochi guuno tunetoyich, ishichii beetone: “Taateenaꞌo neen beegiree neech tiyi neexemminaꞌone; taatee yareenaꞌo neech goyinnemminaꞌone; ebiyoo, gibeneeti Doono Yeeri, Israꞌeelee Yaafoo, neen bi kaaccitoyichiye” iye.

Isiyaasi 50:6

Xoobbii beetinaꞌoyich ta gubboon, ishaanoon shettee beetinaꞌoyich ta gaakkoon, immehoye; taan coonee, ta aafooch cuddii beetinaꞌo waanee, ta aafoon bara wochaano taane.

Isiyaasi 52:14

Ashichoyee beshoon bi malleto bachitoyich, ashichoyee beshoon bi gaawoo xummetoyich, meetinaꞌo bi naboona worganemminaꞌone.

Zakaariyaasi 11:13

Doono Yeeriyoo taach qocheti boonoshi gijjoon, “Qondee hachechoyich dufe” iye. Tawoo “Bede gijjoone” iꞌi taach boonoshi immiti shaashe sheqeelee birewoon daammaa Doono Yeerichi yaafee kexooch, qondee hachechoyich duppeho.

Zakaariyaasi 13:7

Beshe Mawe Doono Yeeri ishichiye: “Goraadoocho, ta qiddoo toommooch, ta nuuchoo toommooch tibe! Qiddoonoo yexe! Bageenaꞌoo shacemminaꞌone; tawoo ta mochoon gishiisheenaꞌo toommooch tiijjemmo taane.

Milikiyaasi 4:6

Ta waaree showoon ufona ta aalliyaachemmoyich Eliyaasi, niheenaꞌo mulloon bushiisheenaꞌo waan, bushiisheenaꞌo mulloon niheenaꞌo waan wochemmone” iye.

Maatiyoosi 16:21

Aroobee aabooba Yesuusi bi dabbeenaꞌoyich ishichiꞌi getooch giyiye: “Yerusaalem hamo taach qaawiihe; aroochaa showee geeneenaꞌo, qeeshee ukkireenaꞌonaa Muusichi Sheeree dojjechinaꞌonochi kishoochee wodde xuuxoon beeggemmo taane; taan wuxemminaꞌone. Tunebaani keejje qemooba qitoochee tiyemmo taane” iye.

Maatiyoosi 26:24

Ashi Bushoo biicho bi kooreetoommon, qitemmone; tunebaani Ashi Bushoon beshiiree immemmi are uroyich woowo! Are uro shiijjeyaanoon bi dooggito gaata, biich gaawiye” iye.

Maariqoosi 10:33

“Ebiyoche, and Yerusaalem hammaabeeto noone. Aroochaa Ashi Bushoon qeeshee ukkireenaꞌonaa Muusichi Sheeree dojjechinaꞌonoyich beshiiree immemminaꞌone. Boonoshiyoo ‘Qitibe’ getiree bi toommooch nallemminaꞌone; Aageteenaꞌoyichoo beshiiree immemminaꞌone.

Maariqoosi 9:13

Tunebaani ta ittoshich gettoye: Eliyaasi waatone; biicho bi kooreetoommon asheenaꞌo boonoshi qaawito bullin bi toommooch tuniitinaꞌone” iye.

Maariqoosi 9:31

Ebiyoo bi dabbeenaꞌoyich dojjii bi beetoyichiye. Boonoshich “Ashi Bushoo taan ashi kishooch beshiiree immemminaꞌone; wuxemminaꞌone; boonoshi wuxitoyee gubb keejje qemooba qitoochee tiyemmo taane” iye.

Luqaasi 1:76

“Wotta hini gaggeroocho, Doonochi gommon qaxxeya bi aafooch shiichemmo ne tunetoyich, Beshoo Yeerichi keemecho getteyemmo neene;

Luqaasi 23:11

Wotta Heroodisi bi ginee naayinaꞌona tookkii Yesuusin qallayii coonehe. Malletechi tahoon tajjiꞌi Phelaaxoos waan wochii daachiihe.

Luqaasi 23:39

Biinna tookkii yooddeti hukkechinaꞌo daggoochee ikkoo “Ne Kiristoosi toono neene? Amoyich neennaa noonnon wodiyaachine?” iibee naagehe.

Mishiraachechinaꞌo 1:6

Yesuusi wocheti mishiraachechinaꞌo biinna tookkii ikkooch kiceeꞌi beebee, “No Doonocho, hini yemeenee maacooch taatittinoon Israꞌeeleenaꞌoyich wochiree immenne?” iꞌi echeheete.

Mishiraachechinaꞌo 4:11

‘Gimbenyoo ittoshi hoxee duppito, kexon deggii neechiti, giimbee guummon tuneti xaqqoone.’