Maariqoosi 8:6 - Kafa Linguistics Project

⁶ Aree hillooch Yesuusi asheenaꞌon “Showooch kotebote” iꞌi gettiye. Shabaatte xekee koshon tiijjiꞌi Yeerin galletehe. Tiichiꞌi, “Asheenaꞌoyich qoomebote” iꞌi bi dabbeenaꞌoyich immiye. Bi dabbeenaꞌo asheenaꞌoyich giddii qoomeheete.

Maariqoosi 8:6 ပူးပေါင်းရင်းမြစ်များ

Maatiyoosi 26:26

Aree hillooch boonoshi maa beetaa, Yesuusi koshon tiijjiꞌi Yeerin galletehe; tiichiꞌi bi dabbeenaꞌoyich immiibee, “Haꞌote, mamote; hini ta meenone” iye.

Maariqoosi 8:20

“Wotta shabaatte xekee koshon awudde humeenaꞌoyich tiichaa ta qoodiyooba echeti ooyoon ambiche mokkee ceenoniye ittoshi tiijjito?” iye. Boonoshiyoo “Shabaatte mokkee ceenoniye no tiijjito” iyeete.

Maariqoosi 8:5

Yesuusi “Ambiche kosho ittoshich beete?” iꞌi echehe. Boonoshi wochiꞌi, “Shabaatte xekee kosho beete” iyeete.

Maariqoosi 8:7

Wotta giisheche gishiishi haashoo boonoshich beehe; Yesuusi are haashoon tiijjiꞌi Yeerin galletehe. Bi dabbeenaꞌonoo “Hini haashoon wotta asheenaꞌoyich qoomebote” iꞌi gettiye.

Luqaasi 12:37

Boonoshi doono waahaa, tokketeyaanoon quyeebee danemmi wochee bushiisheenaꞌo diireetinaꞌone. Iberoon ittoshich gettoye: Bi shuunee tahoon taheree madooch boonoshin kotiichi qoomeree maanjemmone.

Luqaasi 24:30

Boonoshina tookkii maayoon maaya madooch koteebee, koshon tiijjiꞌi Yeerin galletehe; tiichiꞌinoo boonoshich immiye.

Yowannisi 2:5

Arooba Yesuusichi indee qoomechinaꞌoyich “Ittoshich bi gettimmo bullin tuniibote” iyan.

Yowannisi 6:23

Tunebaani [Doono galletetaa] koshon boonoshi maati xaaꞌee gaꞌooch beeti Xibaaridoosi katemoochee bare markabeenaꞌona hammiyeete.

Roomi 14:6

“Ikke areddoo bare areddoyee beshoone” iꞌi oogiibeeti asho Doonoyicha iꞌi oogiihe. “Amee mooyonona ta maagaata taach daaggeetone” iꞌi maabeeto Yeerin bi galletee beetoyich, Doonoyicha iꞌi maahe. Maataache iꞌi qajjiibeeto Doonoyicha iꞌi qajjiye; Yeerinoo galletehe.

Qolaasiyaasi 3:17

Nihoo Yeerin Kiristoosina galletebee, ittoshi yibbaateebeeti yibbaatoon woyee ittoshi shuuneebeeti shuunoo bullin Doono Yesuusicha getiree tuniibote.

1 Saameeli 9:13

Katemooch ittoshi giyaahaa, mamoyich guudi toommeexi goyinnee xaaꞌooch bi hamaan beetaa, bekkech biin danemmo ittoshine. Deejjoon Yeeri diiremmoyich qollemmo biine; ebich bi waammi wottoon asheenaꞌo ciroona maataachemminaꞌone. Aroyee gubb ceekketi asheenaꞌo maayemminaꞌone. And kaateree hambote; biin bekkech danemmo ittoshine” iyeete.