Maariqoosi 8:34 - Kafa Linguistics Project

^34-35 Ebiyee gubb, Yesuusi dofee asheenaꞌon bi dabbeenaꞌona tookkii ceeggiꞌi ishichiye: “Bi kasheen wodiyoyich qaawiibeeto bulli muccemmone; tunebaani taannaa ta mishiraachee qaaroonoyicha iꞌi bi kasheen mucceebeeto bulli danemmone. Taan dabboon shunniibeeto koniyoona bi tunegaata, bi qelloon nookkebe; bi masqaloon shaagiree taan dabbibe.

Maariqoosi 8:34 ပူးပေါင်းရင်းမြစ်များ

1 Taateenaꞌo 14:8

Daawitichi yaroo waanee taatittinoon tiijjaꞌa neech immehoye. Tunebaani ne, ta aafooch kaame mooyon baach tuniyoona ta getoon waayeti, bi ceeni mulloona taan dabbiti, ta guuno Daawitiyoommo toono neene.

Haddoo 14:24

Tunebaani ta guuno Kaaleebi bariti ayaano biich bi beetoyich, ceeni mulloona taan bi dabbitoyich, hammii bi beeggiti showooch biin giijjemmo taane; bi shiijjereenaꞌoo woraashemminaꞌone.

Maatiyoosi 10:38

Bi masqaloon shaaggiꞌi taan dabbaani asho koniyoona taacho tunoon hakkaache.

Maatiyoosi 16:24

Arooba wotta Yesuusi daakkiꞌi bi dabbeenaꞌoyich ishichiye: “Bi kasheen wodiyoyich qaawiibeeto bulli muccemmone; tunebaani taacha iꞌi bi kasheen mucceebeeto bulli danemmone. Taan dabboon shunniibeeto koniyoona bi tunegaata, bi qelloon nookkebe; bi masqaloon shaagiree taan dabbibe.

Maatiyoosi 27:32

Yerusaalemee kechiꞌi Simooni getteebeeti Qerenechi uroona daneheete; biinoo “Yesuusichi masqaloon shaage” iꞌi yechiyeete.

Maariqoosi 10:21

Yesuusiyoo hini are uroon ciinniꞌi biin shunniye. “Illa ikke mooyo neech shappitone; hamiree neech beeto bullin kemiree iriteetinaꞌoyich imbe; neech shimaajji kexooch kiceeree beeyemmone. Aroyee gubb waaree taan dabbibe” iye.

Maariqoosi 7:14

Wotta Yesuusi dofee asheenaꞌon bi waan ceeggiꞌi, “Ittoshi bulli ta waanee waayebote! Shalligibote!

Luqaasi 13:24

“Xebbe kelloona gimoyich qiiccebote. Ittoshich gettoye: Meetinaꞌo gimoyich qaawemminaꞌone; tunebaani hakkaacheete.

Luqaasi 14:33

Illa ebiyoommon ittoshi daggoochee koniyoona biich beeto bullin bi qayaan gaata, taan dabboon hakkaache” iye.

Luqaasi 18:22

Yesuusi ebin waayeꞌi, “Batt ikke mooyo neech shappitone: Hamiree neech beeto bullin kemiree iriteetinaꞌoyich imbe. Neech shimaajji kexooch kiceeree beeyemmone. Aroyee gubb waaree taan dabbibe” iye.

Luqaasi 20:45

Arooba asheenaꞌo bulli waayee boonoshi beetaa, Yesuusi bi dabbeenaꞌon

Luqaasi 9:23

Wotta boonoshi bullich ishichiye: “Bi kasheen wodiyoyich qaawiibeeto bulli muccemmone; tunebaani taacha iꞌi bi kasheen mucceebeeto bulli danemmone. Taan dabboon shunniibeeto koniyoona bi tunegaata, bi qelloon nookkebe; bi masqaloon qemi qemona shaagiree taan dabbibe.

Yowannisi 10:27

Ta bageenaꞌo ta qaaroon waayee beetinaꞌone; tawoo boonoshin ariibeeto taane; boonoshiyoo taan dabbii beetinaꞌone.

Yowannisi 19:17

Aroochee Yesuusin yechiꞌi daammiyeete; bi yooddeyemmi masqaloon shaaggii katemoochee kechiꞌi Qellee Koofee Xaaꞌoo woyee Hibiree noonoona Golgooti gettee beetooch shaggiye.

Roomi 6:6

Axaaxee gommo waan yeepphiibeeti gonde qaatoo ciroona aallemmoyich, Kiristoosi masqalooch bi yooddehooba, wonnee geene no mullo biinna tookkii yooddeꞌi bi qitoon ariibeeto noone; ebi tuneto ebiyee bekk axaaxoyich no hajjeyaachemmoyichiye.

Roomi 8:17

Illa Yeerichi bushiishoo no tunegaata, Yeerichon woraashemmo noone; bi oogee yiiroochee no qoodeyemmoyich, biinna tookkaa iritoon qoodeebeeto no tunegaata, Kiristoosina tookkiree woraashemmo noone.

1 Qorontoosi 15:31

Ta maneenaꞌote! Qemi qemona qitoo taanna danee beetone. Ebin no Doono Kiristoos Yesuusina ittoshi toommooch taach beeti geecoona xiishiibeeto taane.

1 Qorontoosi 8:13

Illa ta maabeeti maayo ta manooyich xugo bi tunesho gaata, biin yexi ta dichaachemmoyich, ta maayemmi meeno ta qitimmi wottoon echebe.

1 Qorontoosi 9:19

Konichona guuchittinoon hajjeyaano ta tunetaanoona, beshe asheenaꞌon Kiristoos waan deeboyicha iyaꞌaniye ta qelloon guuno tuniiꞌa bullich ta hajjiibeeto.

Galaati 2:20

Ebich tawoo ebiyee bekk kashechon tunaꞌa beetaache; tunebaani Kiristoosi ta mullooch giyiꞌi beetone. Andoo meenona ta beeti beemo, taan shunnii taacha iꞌi qitoyich bi qelloon beshii immiti, Yeeri Bushoo toommooch mullee tooꞌiyoona ta beemone.

Galaati 5:24

Kiristoos Yesuusicho tunetinaꞌo meenon gonde bi gaboonaa bi qaatoona tookkii yoodditinaꞌone.

Galaati 6:14

Tunebaani no Doono Yesuus Kiristoosi yooddeti masqaloyee beshetaa bare geecoo ta waanee wohe; are masqalee naboona hini alemeexi mooyo taach yoodaa qititone; tawoo wotta hini alemeexi mooyoyich yooddaa qitito taane.

Filipphisiyoosi 3:10

Qitoochee tiyemmo ta tunoon gibenaꞌa Kiristoosinaa qitoochee biin tiijjiti giidoonon ta ariyemmoyich, bi xuuxoon ta qoodeyemmoyich, bi qitoonoo biin ta shaahemmoyich qaataabeeto taane.

Filipphisiyoosi 3:7

Tunebaani taach gaaccemmone iyaꞌa ta gabiti mooyo bullin and Kiristoosicha iyaꞌa ciroona gaacaachemmo tuniiꞌa haddito taane.

Qolaasiyaasi 1:24

Andoo ittoshi naboyich ta toommooch shaggiti iritoyich emiriyoye; ebiyoo Kiristoosichi ashittino tuneti kittinnee guuphochi naboyichiye; Kiristoosi xuuxetoommon bi shuunee naboona ta toommooch shaggiibeeti xuuxoon haaꞌiibee bi xuuxoon ceechiibeeto taane.

Qolaasiyaasi 3:5

Illa ittoshi meechi qaatoon wuxibote. Eboshiyoo: yahoo, eeꞌe shuunoo, bushittinee cakkoo, gonde qaatoonaa hiriggoonane. (Hiriggoo, bi hiriggiti mooyon nuggishoommon tuniiꞌi goyinnoone.)

2 Tasaloonqi 3:11

Ishichaa no iti naboo, ittoshi daggooch ikkikke shuuna biisheenaꞌo beemon no waayetoyichiye; eboshi boonoshin gedaani mooyooch giyiibee baad cikkii guuddii beetinaꞌone.

Titoosi 2:12

Ebi wojjoo axaaxee shuunoonaa hini showeexi mooyon qaatoonon qayiree, and hini yemeenooch no qellee quyoona, cadiqittinoonoo Yeerin oogiibeeti beemon no beeyemmoyich dojjii beetone.

Hibireena'o 13:13

Illa no wotta, bi cooneetoommon cooneebee, kaamboyee maach, bi waan hambone.

1 Pheexiroosi 4:1

Kiristoosi meenona xuuxoon bi beeggitoyich, ittoshi wotta ebi shaahe gaboon yeshoyich qannibote. Ebiyoo bi meenona xuuxoon beeggiti asho, axaaxoon shuunoon qajjito bi tunetoyichiye.

1 Pheexiroosi 4:13

Tunebaani bi oogee yiiroo gaxxeehooba oogichi ittoshi emiremmoyich, and kiristoosichi xuuxee qoodeyecho ittoshi tunetoyich emiribote.

1 Yowannisi 3:16

Kiristoosi no keroyich bi kashoon beshiiꞌi immitone; ebina ashoon shuno amo gaata beeggeto noone. Ebich, no maneenaꞌochi keroyich no kashoon beshiiꞌi imo nooch qaawiihe.

Yaaꞌoo 2:10

Ne toommooch shaggemmi iritoon shattaahine; ebiyoche, Yeeri toommooch mulloon ittoshi tooꞌiyoo iberoo bi tunoonaa tunee qayona bi bekkemmoyich, daabiloosi ittoshi daggoochee ikkikkeenaꞌon cuyee kexooch gedda ii beetone; aashire qemi duꞌoon beeggemmo ittoshine. Qitooch beddaahaa taach gibeneeton tunebe; kashee gubbichoon neech immemmo taane.