Maariqoosi 6:41 - Kafa Linguistics Project

⁴¹ Aree hillooch Yesuusi uuche xekee koshonaa gutte haashoonon tiijjii yechiꞌi shimaajj ciinniichii Yeerin galletehe. Koshon tiichiꞌi bi dabbeenaꞌoyich “Ebin asheenaꞌoyich qoomebote” iꞌi immiye; haashoonoo qoodiꞌi bullich immiye.

Maariqoosi 6:41 ပူးပေါင်းရင်းမြစ်များ

Maatiyoosi 14:19

Asheenaꞌo bullin “Mocee toommooch kotebote” iye. Uuche xekee koshonaa gutte haashoonon tiijjii yechiꞌi, shimaajj ciinniichii Yeerin galletehe. Koshon tiichiꞌi bi dabbeenaꞌoyich immiye. Boonoshiyoo daammii asheenaꞌoyich qoomeheete.

Maatiyoosi 15:36

Shabaatte xekee koshonaa haashoonon yechiꞌi Yeerin galletehe. Tiichiꞌi bi dabbeenaꞌoyich immiye. Bi dabbeenaꞌoo asheenaꞌoyich giddiiꞌi qoomeheete.

Maatiyoosi 26:26

Aree hillooch boonoshi maa beetaa, Yesuusi koshon tiijjiꞌi Yeerin galletehe; tiichiꞌi bi dabbeenaꞌoyich immiibee, “Haꞌote, mamote; hini ta meenone” iye.

Maariqoosi 14:22

Boonoshi maa beetaa, Yesuusi koshon tiijjiꞌi Yeerin galletehe; tiichiꞌi bi dabbeenaꞌoyich immiibee, “Haꞌote; hini ta meenone” iye.

Maariqoosi 6:40

Arooba asheenaꞌo balli balloonaa aachi aachoona tuneꞌi yaaroona koteheete.

Maariqoosi 6:42

Boonoshiyoo daammiꞌi qoometaa, bulliyoo maaꞌi michiyeete.

Maariqoosi 7:34

Kaama shimaajj ciinnii kachiꞌi, “Eftaaha” iye. Ishi geto, qecheebe getone.

Maariqoosi 8:19

Uuche xekee koshon uuche hume ashich tiichaa ta qoodiyooba, echeti ooyoon ambiche mokkee ceenoniye ittoshi tiijjito?” iye. Boonoshiyoo wochiꞌi, “Aaraa gutte mokkee ceenoniye no tiijjito” iyeete.

Luqaasi 24:30

Boonoshina tookkii maayoon maaya madooch koteebee, koshon tiijjiꞌi Yeerin galletehe; tiichiꞌinoo boonoshich immiye.

Luqaasi 9:16

Aroochee Yesuusi uuche xekee koshonaa gutte haashoonon tiijjii yechiꞌi, shimaajj ciinniꞌi Yeerin galletehe; koshonaa haashoonon tiichiꞌi bi dabbeenaꞌoyich “Ebin asheenaꞌo bullich qoomebote” iꞌi immiye.

Yowannisi 11:41

Asheenaꞌoo xaqqoon tiijjiyeete. Yesuusi kaama wottee ciinniꞌi, “Ta Nihoocho, taachon ne waayetoyich neen galletehoye.

Yowannisi 17:1

Yesuusiyoo bi dabbeenaꞌoyich ebi bullin bi gettitoyee gubb, kaama shimaajj ciinniꞌi ishichiye: “Ta Nihoocho, saato shaggitone; ne Bushoo ta neen oogiyemmoyich taan oogiibe.

Yowannisi 6:11

Yesuusiyoo koshon tiijjiꞌi Yeerin galletehe; arooch koteti asheenaꞌoyichoo bi beddemmoyich tuniihe. Ebiyoommon wotta haashoocheenoo boonoshi qaawiti wottoon boonoshich bi beddemmoyich tuniihe.

Yowannisi 6:23

Tunebaani [Doono galletetaa] koshon boonoshi maati xaaꞌee gaꞌooch beeti Xibaaridoosi katemoochee bare markabeenaꞌona hammiyeete.

Mishiraachechinaꞌo 27:35

Ebin bi gettitoyee gubb, koshon tiijjiꞌi boonoshi bulli aafooch Yeerin galleteꞌi tiichii maahe.

Roomi 14:6

“Ikke areddoo bare areddoyee beshoone” iꞌi oogiibeeti asho Doonoyicha iꞌi oogiihe. “Amee mooyonona ta maagaata taach daaggeetone” iꞌi maabeeto Yeerin bi galletee beetoyich, Doonoyicha iꞌi maahe. Maataache iꞌi qajjiibeeto Doonoyicha iꞌi qajjiye; Yeerinoo galletehe.

1 Qorontoosi 10:31

Illa ittoshi maataa, ittoshi uchitaa woyee amoonolla ittoshi tuniitaa, ittoshi tuniibeeti mooyo bullin Yeerichi oogoyich tuniibote.

Yibbaatoo 8:10

Maa miyiree, gaawe showoon neech bi immitoyich, Doono Yeerin galletemmo neene.

Qolaasiyaasi 3:17

Nihoo Yeerin Kiristoosina galletebee, ittoshi yibbaateebeeti yibbaatoon woyee ittoshi shuuneebeeti shuunoo bullin Doono Yesuusicha getiree tuniibote.

1 Saameeli 9:13

Katemooch ittoshi giyaahaa, mamoyich guudi toommeexi goyinnee xaaꞌooch bi hamaan beetaa, bekkech biin danemmo ittoshine. Deejjoon Yeeri diiremmoyich qollemmo biine; ebich bi waammi wottoon asheenaꞌo ciroona maataachemminaꞌone. Aroyee gubb ceekketi asheenaꞌo maayemminaꞌone. And kaateree hambote; biin bekkech danemmo ittoshine” iyeete.