Maariqoosi 6:34 - Kafa Linguistics Project

³⁴ Yesuusi markabeechee kindiibee dofee asheenaꞌon beeggiꞌi, qiddaalli bagoommo boonoshi tunetoyich bi maacoona micciꞌi ayiniye. Boonoshichoo meeti mooyon dojjooch giyiye.

Maariqoosi 6:34 ပူးပေါင်းရင်းမြစ်များ

1 Taateenaꞌo 22:17

Mikiyaasiyoo, “Israꞌeelee asheenaꞌo bulli qiddaalli bagoochoommon guudinaꞌo toommooch boonoshi shacee beetaa beeggoye. Doono Yeeriyoo, ‘Eboshich qiddoo aalloone. Diggoona boonoshi kexi kexooch wottebeete’ itone” iye.

2 Kiinoo 18:16

Mikiyaasiyoo, “Israꞌeelee asheenaꞌo bulli qiddaalli bagoochoommon guudinaꞌo toommooch boonoshi shacee beetaa beeggoye. Doono Yeeriyoo, ‘Eboshich qiddoo aalloone. Diggoona boonoshi kexi kexooch wottebeete’ itone” iye.

Isiyaasi 13:14

“Asho yookkiibeeti xiixxechoommon, qiddaalli bagoochoommon, asho bulli bi ashi asho waan wottemmone; asho bulliyoo bi showi showa wocemmone;

Erimiyaasi 50:6

“Ta asho aalleti bagoommon tunetone; boonoshi qiddeenaꞌo boonoshin muriciitinaꞌone; guudinaꞌo toommooch boonoshi yallyallimmemmoyich tuniiheete. Guudinaꞌoochee geppeenaꞌooch hammiyeete; boonoshi dogoonoo batteheete.

Hiziqeeli 34:5

Qiddoo boonoshich bi aalletoyich shaceheete; boonoshi shacoona showee toommeexi cooxinaꞌo bullich maayoon tuneheete.

Zakaariyaasi 10:2

Terafimo gaacaalloone; qaaxechinaꞌoo beeggiibeeto koote yaaꞌoone; gummechinaꞌo koote gumon maaccii beetinaꞌone; duube goggiyoonoo goggii beetinaꞌone. Ebina asheenaꞌo bagoochoommon yallyallimiyeete; qiddoonoo mucceꞌi xuuxeheete.

Maatiyoosi 14:14

Yesuusi markabeechee kindiibee dofee asheenaꞌon beeggiꞌi bi maacoona ayiniye. Boonoshi daggooch beeti biiyechinaꞌon wodiihe.

Maatiyoosi 15:32

Ebiyee gubb Yesuusi bi dabbeenaꞌon bi waan ceeggiꞌi, “Hini asheenaꞌo taanna tookkii boonoshi koteto, hanaach keejje qemone. Boonoshi maayemmo aalletoyich, taan oogichii ayinikkitone. Gommoochaa maraateree boonoshi dihaachemmoyich, abete kashoona boonoshin daachiyoon shunaache” iye.

Maatiyoosi 9:36

Dofee asheenaꞌo qiddaalli bagoochoommon dego mucceꞌi boonoshi iriteyoon beeggiꞌi bi maacoona miccii ayiniye.

Maariqoosi 6:33

Tunebaani boonoshi hammii beetaa, meeti asheenaꞌo beeggiꞌi boonoshin ariiheete. Ebich katemee toommo bulliichee baharee gashoon baatoona woceebee, boonoshiyee shiichiꞌi hammii boonoshi kindemmi xaaꞌooch shaggiyeete.

Maariqoosi 6:35

Aroochee showoo beshee womikkoo wottetaa, Yesuusichi dabbeenaꞌo bi waan giddeꞌi, “No beeto, gafoo aalli xaaꞌoone; andoo showoo xumetone.

Maariqoosi 8:1

Arooba wochinnoon dofee asheenaꞌo kiceeheete. Boonoshi maayemmo aalletoyich Yesuusi bi dabbeenaꞌon ceeggiꞌi,

Maariqoosi 8:2

“Hini asheenaꞌo taanna tookkii boonoshi koteto hanaach keejje qemone. Boonoshi maayemmo aalletoyich taan oogichii ayinikkitone.

Luqaasi 9:11

Tunetaa dofee asheenaꞌo ebin ariiꞌi biin dabbiyeete; bi waan giddiiꞌi Yeerichi taatittineechon boonoshich gettiye; biiyoona iritee beetinaꞌonoo wodiihe.

Hibireena'o 2:17

Ebich asheenaꞌochi axaaxoon maariyoyich, Yeerich bi maddoona ariqqechonaa gibeneetona tuneti qeeshee guudo bi tunemmoyich, mooyo bullina bi maneenaꞌon shaahoo biich qaawiitone.

Hibireena'o 4:15

Axaaxoon baach shuuneyaachalli, bulli gommona noochoommon daabiloosi biin gondoon shuuniiya qiiccetaa beeggitone; ebich no maraato biich waayeyaani, qeeshee guudo toonoone.